မိူဝ်ႈၼႆႉ ဝၼ်းထိ 11.5.2013၊ ၶၢဝ်းယၢမ်း ၵၢင်ၼႂ်ၸဝ်ႉ 4:00 မူင်းၼၼ်ႉ သိုၵ်းမၢၼ်ႈ ဢၼ်ယူႇသဝ်းၼႂ်း တပ်ႉၼွင်မႃႉတႃ (2) ၵေႃႉ ဢၢင်ႈတေဢွၵ်ႇ ၵႂႃႇတၢင်းလၢၼ်ႇ (ၵဵၵ်ႉ) ၽၢႆႇတႂ်ႈ ဝၢၼ်ႈၼွင်မႃႉတႃသေ ယဵပ်ႇၺႃးမၢၵ်ႇ တၢႆၵေႃႉၼိုင်ႈ လႆႈႁူႉမႃးၼင်ႇၼႆ။

မိူဝ်ႈလဵဝ် ၵူၼ်းမိူင်း ဝၢၼ်ႈၼွင်ၶမ်း ပႆႇၸၢင်ႈပွၵ်ႈၶိုၼ်းၼႂ်းဝၢၼ်ႈ ဢၼ်ပဵၼ်ဢွင်ႈၽႂ် ႁိူၼ်းမၼ်း၊ ယွၼ်ႉသိုၵ်းမၢၼ်ႈ တိုၵ်ႉၸွမ်း ႁဵတ်းႁၢႆႉပေႉၵိၼ် ၵူၼ်းမိူင်းယူႇ ၼႆယဝ်ႉ။

ဝၢႆးသေ တပ်ႉသိုၵ်းမၢၼ်ႈ လၵ်ႉၶဝ်ႈပိုတ်းယိုဝ်း တပ်ႉဢုပ်ႇပိူင်ႇ (701) တပ်ႉသိုၵ်းၸိုင်ႈတႆး (RCSS/ SSA) ယဝ်ႉ ယွၼ်ႉၵူဝ် ၵူၼ်းမိူင်း လႆႈလိူတ်ႇမႆႈၸွမ်း ပၢင်တိုၵ်းလႄႈ ၽၢႆႇတပ်ႉသိုၵ်းၸိုင်ႈတႆး လႆႈထွၼ်ပၼ်တပ်ႉတီႈ ၼွင်မႃႉ၊ ၵူၺ်းၵႃႈ သိုၵ်းမၢၼ်ႈတိုၵ်ႉ ၶႃႈႁႅမ်တၢႆ ၵူၼ်းမိူင်း၊ ႁဵတ်းႁၢႆႉၵူၼ်းမိူင်း တင်းၼမ်ၼႆ လႅင်ၶၢဝ်ႇ တႆးလွတ်ႈလႅဝ်း ဢၼ်မီးယူႇၼႂ်း ပိုၼ်ႉတီႈ ပၢင်တိုၵ်းၼၼ်ႉ ပွင်ႇမႃး။

ၼႂ်းၸႄႈဝဵင်းၵျွၵ်းမႄး တႄႇၵူတ်ႇထတ်း တီႈလိၼ်သူၼ်ႁႆႊၼႃး ဢၼ်ထုၵ်ႇသိမ်း မိူဝ်ႈပူၼ်ႉမႃး 20 ပီႊ ၼၼ်ႉ ဝႃႈၼႆ။

ငဝ်းလၢႆးပၢင်တိုၵ်း ဢၼ်တပ်ႉသိုၵ်းမၢၼ်ႈ တပ်ႉၶယ 145 ပႃႈတႂ်ႈတိူင်းသိုၵ်း လႃႈသဵဝ်ႈ ၶဝ်ႈတိုၵ်း ဢွင်ႈတီႈ တႃႇတေပိုတ်ႇ ႁူင်းမူၼ်ႉမႄး (ႁူင်းတိုတ်းယႃႈ) တီႈဢၼ် ငဝ်ႈတပ်ႉ ဢုပ်ႉပိူင်ႇ 701 09.05.2013 ၼၼ်ႉ တပ်ႉဢုပ်ႉပိူင်ႇ 701 လႆႈထွၼ်ဢွၵ်ႇတီႈ တပ်ႉၼၼ်ႉယဝ်ႉ ဝႃႈၼႆ။

ငဝ်းလၢႆးပၢင်တိုၵ်း တပ်ႉဢုပ်ႉပိူင်ႇ 701 တပ်ႉသိုၵ်းၸိုင်ႈတႆး (RCSS/SSA) မိူဝ်ႈယၢမ်း ၼိုင်ႈၸူဝ်ႈမူင်းပၢႆၼၼ်ႉ လႅင်ႇၶၢဝ်ႇ တႆးလွတ်ႈလႅဝ်း ယူႇၼႂ်းပိုၼ်ႉတီႈ ပၢင်တိုၵ်းသေ ပွင်ႇၶၢဝ်ႇမႃးဝႃႈ ၼႂ်ၼႆႉသိုၵ်းမၢၼ်ႈ ယိုဝ်းမၢၵ်ႇလူင်သေ ၵႂႃႇတိူဝ်ႉၺႃးတီႈ ဝတ်ႉမုၼ်ၸဝ်ႈလႄႈ ႁိူၼ်းၵူၼ်းမိူင်း ၼႂ်းမိူင်းၶႄႇ ၼႆယဝ်ႉ။

တပ်ႉသိုၵ်းမၢၼ်ႈၶဝ် မိူၼ်ၼင်ႇ ပဵၼ်ၸူၼ် ဢၼ်ယူႇတီႈၼႂ်းလႅင်းသေ ၸူၼ်ယူႇဢၼ်ဢမ်ႇလႆႈၵူဝ်မၢႆမီႈသေ ဢထမ်ႇမ ၸူၼ်ႁိမ် ဢဝ်ၶူဝ်းၶွင်လႄႈ ငိုၼ်းၶမ်း ၵူၼ်းမိူင်း ။