လင်ႁိူၼ်း ၵူၼ်းမိူင်း၊ ထုင်ႉၵုၼ် ၽၢႆႇတူၵ်းၼမ်ႉတူႈ၊ တူင်ႇဝဵင်းၵျွၵ်းမႄး လႆႈလုသုမ်း ယွၼ်ႉၽေးသၽႃႇဝ လူမ်းလႅင်ႉၽတ်ႉပဝ်ႇသႂ်ႇ တင်းၼမ် ၼႆ လႅင်ႇၶၢဝ်ႇ ၼႂ်းမိူင်း ပွင်ႇမႃး။

သိုၵ်းမၢၼ်ႈ ဢဝ်လွင်ႈတၢင်း ၵူတ်ႇထတ်း ၼႄၼႃႈ  ႁဵတ်းတီႈလၢတ်ႈသေ ၶဝ်ႈၸူးတီႈ တပ်ႉ (701) တီႈဝၢၼ်ႈတိုင်းၶႃး၊ ဢိူင်ႇသိပ်းၵဝ်ႈဝၢၼ်ႈ၊ ပွတ်းထုင်ႉမၢဝ်း (မူႇၸႄႈ) ၶိုၼ်းဢဝ်ၾႆးၽဝ်ပႅတ်ႈ ပၢင်သဝ်း တပ်ႉဢုပ်ႉပိူင်ႇ (701) RCSS/SSAA  လႆႈၶၢဝ်ႇမႃး ၼင်ႇၼႆ။

တင်ႈတႄႇဢဝ် ဝၼ်းထီႉ 6 ထိုင် 10 လိူၼ် May ၼႆႉ ပႃႇတီႇမႂ်ႇသုင် ၸိူဝ်ႉၸၢတ်ႈယၢင်းလႅင် (KNPP) တေၸတ်းႁဵတ်း ပၢင်တုမ်လူင် ပွၵ်ႈၵမ်း(12) တီႈ ငဝ်ႈငုၼ်း ပၢင်သဝ်းၺႃႇမူဝ်ႇ ဢၼ်မီးၼႂ်း ၸႄႈတွၼ်ႈ မႄႈႁွင်ႈသွၼ် လႅၼ်လိၼ် ထႆး-မၢၼ်ႈ ၼၼ်ႉၼႆ ၽူႈၼမ်းၼႂ်း(2) ဢူးဢွင်ႇၸၢၼ်းမျိၼ်ႉ လၢတ်ႈၼႄ ၼင်ႇၼႆ။

ၼၢင်းဢေပီး ပွၵ်ႉၼိူဝ်၊ ဝဵင်းမူႇၸႄႈ၊ လႆႈတၢႆယွၼ်ႉ ၾူၼ်လူမ်းလႅင်ႉ ၼႂ်းဝၼ်း မိူဝ်ႈဝႃးၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

ၶူးသွၼ်လႄႈ လုၵ်ႈႁဵၼ်း ဝတ်ႉသူၼ်တွၵ်ႇ၊ ဝဵင်းၵဵင်းမႂ်ႇ ႁူမ်ႈၵၼ်ႇတေႃး ၸဝ်ႈၼင်ႈၵျွင်းတီႈ ဝတ်ႉသူၼ်တွၵ်ႇ ၸဝ်ႈသြႃႇ သိတ်ႉထိမေႇထီႇၼၼ်ႉ ၸဝ်ႈသြႃႇ ဢေႃးဝႃႇတပၼ်ပွၼ်း လုၵ်ႈႁဵၼ်း ၸၢဝ်းတႆးၵႂႃႇ ၵဵဝ်ႇလူၺ်ႈလွင်ႈ ၵူႈၵေႃႈ ၶႂ်ႈႁႂ်ႈ မိူင်းတႆး လွတ်ႈလႅဝ်းၵွၼ်းၶေႃ ။

ၼုမ်ႇႁၢႆး ၸၢႆးယိင်းတႆးဢွၼ်ႇ (7) ၵေႃႉ ဝဵင်းမိူင်းပဵင်း၊ ၸႄႈတွၼ်ႈ ၵဵင်းတုင် ထုၵ်ႇသိုၵ်းမၢၼ်ႈ ပေႃႉထုပ်ႉ၊ မၢတ်ႇၸဵပ်းလိူဝ်ႁႅင်း (2) ၵေႃႉ လႆႈၶိုၼ်ႈႁူင်းယႃလူင် ႁူၺ်ႈၶႃး၊ ၵဵင်းတုင်ဝႆႉယူႇ ၼႆယဝ်ႉ။

မိူဝ်ႈၼႆႉ ဝၼ်းထီႉ 3/5/2013 ၼႆႉ ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းၶျၢင်း၊ ၽၢႆႇၵၢၼ်မိူင်း ၼႂ်းတူင်ႇဝူင်းၶျၢင်း လႄႈပႃႇတီႇၶဝ် ၶဝ်ႈႁူမ်ႈပႃးၼၼ်ႉ တေဢုပ်ႇၵုမ်ငူပ်ႉငီႉလူင်ႈၼႃႈ ပွၵ်ႈဢွၼ်တၢင်းသုတ်း ပိူဝ်ႈတႃႇ တေၸတ်း ပၢင်တုမ်လူင် ၸိူဝ်ႉၸၢတ်ႈလႆႈႁူႉၶၢဝ်ႇၸွမ်းၼင်ႇၼႆ။