မိူဝ်ႈဝၼ်းထိ 17-10-2012 ၵၢင်ဝၼ်း 12 မူင်း ၼၼ်ႉ တပ်ႉသိုၵ်းမၢၼ်ႈ ပဵၼ်ပၢင်တိုၵ်းၵၼ် ၼႂ်းၼႃႈလိၼ် တပ်ႉၸုမ်း (5) တပ်ႉသိုၵ်း လွတ်ႈလႅဝ်း သဝ်းၶေႃၶၢင် (KIA) တီႈဝၢၼ်ႈ တဵင်းၵျၢၼ်ႉ (Ting Jang) ဢၼ်ယၢၼ်ၵႆၵၼ်တင်း သဵၼ်ႈတၢင်း မျိတ်ႉၵျီးၼႃး- တေႃႉၽူင်းယၢၼ်ႊ- ပွၼ်ႇသေႃႇပွၼ်ႇ (Bum Sawn Bum) မွၵ်ႈ 3 လၵ်း ၼႂ်းၸႄႈမိူင်းၶၢင်။

ၶၶဝ်ႇ Irrawaddy လၢႆးငၢၼ်းၶၢဝ်ႇ ဝၼ်းထိ 17.October.2012 ၼၼ်ႉဝႃႈ ႁၢင်ႈလူၼ်ႉ (ၵႃႇတုၼ်း) ဢၼ်မေႃၸၼ်ႁၢင်ႈ ၸၢႆးႁၢၼ်လဵတ်း တႅမ်ႈၵိူဝ်ႉတေႃႇ လွင်ႈတပ်ႉသိုၵ်းမၢၼ်ႈ လူင်ပွင်ၸိုင်ႈလႄႈ ၽိုၼ်ၶၢဝ်ႇ ၵျႃႇၼႄႇလ် ဢၼ်ပိုၼ် ၼႂ်းမိူင်းမၢၼ်ႈ ဢၼ်ၼိုင်ႈ လႆႈၶၢမ်ႇ ၸုမ်းၶၢဝ်ႇ မျႃႉဝတီႇ ဢၼ်ပဵၼ် ၸုမ်းၶၢဝ်ႇ ၶေႃႈၶၢၼ်ပၢၵ်ႇ တႃႇၸုမ်း သိုၵ်းမၢၼ်ႈၶဝ်ၼၼ်ႉ တႅမ်ႈပွင်ႈ ၵႂၢမ်းထတ်းသၢင် ပၼ်ၶေႃႈၾၢင်ႉၵႂႃႇ ၼႂ်းၼႃႈဝႅပ်ႉသၢႆႉတ် ၶွင်ၶၢဝ်ႇ မျႃႉဝတီႇဝႃႈၼႆ။

ပေႃးႁၢင်ပီႊ 2014 မႃး ပႃႇတီႇမွၼ်း ၶဝ်ႈတၢင်းၵၢၼ် သွင်ပႃႇတီႇ ပႃႇတီႇ တီႇမူဝ်ႇၶရေႇသီႇ မိူင်းမွၼ်း တင်မူတ်း (AMRDP) လႄႈ ပႃႇတီႇ တီႇမူဝ်ႇၶရေႇသီႇ မွၼ်း (MDP) တေႁူမ်ႈႁွမ်းၵၼ် လူၺ်ႈၸိုဝ်ႈမႂ်ႇၼႆ ၽူႈဢွၼ်ႁူဝ် ပႃႇတီႇ တၢင်းသွင်ၽၢႆႇ တူၵ်းလူင်း လႆႈၸႂ်ၵၼ်ယဝ်ႉ ဝႃႈၼႆ။

ပလိၵ်ႈမၢၼ်ႈလႄႈ သိုၵ်းမၢၼ်ႈ ႁူမ်ႈႁွမ်းၵၼ်သေ ႁဵတ်းႁၢႆႉမိူၵ်ႈမႂ်ႈ ပႄႉၵိၼ်ၵူၼ်းမိူင်း ဢၼ်ၵႂႃႇမႃးၸွမ်း ၼိူဝ်သဵၼ်ႈတၢင်း ၵႂႃႇဝတ်ႉမုၼ်ၸဝ်ႈမလၢၼ်းဝႃႈၼင်ႇၼႆ။

မိူဝ်ႈဝၼ်းထိ 12-10-2012 ယၢမ်းတမ်းၶမ်ႈၼၼ်ႉ သၢႆသိုၵ်းတပ်ႉႁူမ်ႈႁွမ်း သိုၵ်းမၢၼ်ႈ ပိုၼ်ႉတီႈမိူင်းၵူဝ်း၊ မိူင်းတႆးပွတ်းႁွင်ႇၼၼ်ႉ ယွၼ်ႉၽိတ်းမေႃးၵၼ် ၽၢႆးၼႂ်းတပ်ႉၼင်ႇၵၼ်သေ ယိုဝ်းၵၼ် ၶိုၼ်းတီႈမိူင်းလူင် (Munglung) လႄႈ သိုၵ်းႁၢၼ် 4 ၵေႃႉ ဢိၵ်ႇၵူၼ်းၼႄတၢင်း ၼိုင်ႈၵေႃႉ လႆႈတၢႆၼႆ ၽူႈမီးၸၼ်ႉသိုၵ်းၶၢင် ၵေႃႉၼိုင်ႈလၢတ်ႈၼင်ႇၼႆ။

မိူဝ်ႈပူၼ်ႉမႃးလၢႆဝၼ်းၼႆႉ ၽူႈမီးၸၼ်ႉသုင် ၽၢႆႇတပ်ႉသိုၵ်း မိူင်းဢမႄးရီႉၵႃး ဢၼ်မီးၽူႈၶဝ်ႈၸုမ်း 30 ပၢႆလႄႈ ၸုမ်းတၢင်တူဝ် ၽၢႆႇၵူၼ်းမိူင်း  ႁွတ်ႈၽႅဝ်ဝႆႉ တီႈမိူင်းမၢၼ်ႈၼႆၽိုၼ်ၶၢဝ်ႇ Financial Times လၢႆးငၢၼ်းၵႂႃႇ မိူဝ်ႈဝၼ်းထီႉ 14 လိူၼ် October ၼင်ႇၼႆ။

ၽၢႆႇပၢႆးယူႇလီ ၼႂ်းၸုမ်းတူင်ႇဝူင်းၵူၼ်း (NGO) ဢၼ်ပၵ်းသဝ်း ယူႇတီႈမိူင်းၵွင်း လႆႈလူလွမ်တူၺ်းထိုင် ၵူၼ်းတိတ်းၸပ်းယႃႈမဝ်းၵမ် တီႈၵိင်ႇၸႄႈ ဝဵင်းၵႃးမိူင်း၊ ဝဵင်းၽႃၵၢၼ်ႉ ၼႂ်းၸႄႈမိူင်းၶၢင်ၼၼ်ႉ (1) လိူၼ်လႂ် ၶဵမ်သမ်းယႃ မဵဝ်းၸႂ်ႉပွၵ်ႈလဵဝ် လႆႈသူင်ႇပၼ် (6000) ပၢႆၼႆလႆႈႁူႉမႃးတီႈ Kachinnews။