ၵူၼ်းမိူင်း ၼႂ်းပိုၼ်ႉတီႈ ၸိုင်ႈတႆး ပွတ်းၸၢၼ်း၊ ၸႄႈဝဵင်းတႃၶီႈလဵၵ်း လႆႈၶၢမ်ႇတၢမ်ႇ လၢႆၸိူဝ်ႉလၢႆပိူင် သေဢမ်ႇၵႃး တၢမ်ႇဢၼ်ပၼ် ၽွၼ်းၸႃႉလႄႈ ဢၼ်ပဵၼ်တၢင်း တုၵ်ႉၶလူင် ၵူၼ်းဝၢၼ်ႈ ၵူၼ်းသူၼ် ၼၼ်ႉ ပဵၼ်လွင်ႈတီႈ ပႅတ်ႈယုၵ်းယၵ်း ၼႆယဝ်ႉ။

မိူဝ်ႈဝၼ်းထိ 15.5.2013 ၼၼ်ႉ ၽူႈၶဝ်ႈ ၵေႃႇမတီႇၸွႆႈထႅမ်ၽူႈထူပ်းၽေး၊ ဝဵင်းတၢင်ႉယၢၼ်း ၸၢႆးဢွင်ႇပႃႉ လၢတ်ႈၼႄဝႃႈ ၽူႈၵွၼ်းၸႄႈဝဵင်းတင်း ၸဝ်ႈၼႃႈတီႈၶဝ် မႃးလၢတ်ႈၶဝ်ဝႃႈ “မိူဝ်ႈလဵဝ် ပိူၼ်ႈတေဢမ်ႇ ယိုဝ်းၵၼ်ထႅင်ႈယဝ်ႉလႄႈ သူမိူဝ်းၶိုၼ်းဝၢၼ်ႈၽႂ်မၼ်းလႆႈယဝ်ႉ” ၼႆသေ ၵူၼ်းပၢႆႈၽေးသိုၵ်း ဢၼ်မႃးပိုင်ႈဢိင် ယူႇသဝ်းဝႆႉတီႈ ဝတ်ႉၵျွင်း ဢွင်ႇမင်ႇၵလႃႇ ဢွၼ်ၵၼ်ပွၵ်ႈမိူဝ်းၶိုၼ်း တင်းသဵင်ႈယဝ်ႉ ဝႃႈၼႆ။

တီႈဝဵင်းမူႇၸႄႈ၊ ယွၼ်ႉၶပ်းလူတ်ႉဝႆးလႄႈ ၵႂႃႇၽႃႇၺႃး သဝ်ၾႆးၾႃႉသေ ထိုင်တီႈ လူတ်ႉပိၼ်ႈ ၵူၼ်းလႆႈတၢင်းၸဵပ်းမၢတ်ႇႁႅင်း တၢႆႁိုဝ် ဢမ်ႇတၢႆ ပႆႇႁူႉၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

မိူဝ်ႈဝၼ်းထီႉ 16/05/2013  ယၢမ်းၵၢင်ၼ်ႂ 9:00  မူင်းၼၼ်ႉ ၶွင်ႇသီႇ ဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/ SSA) လႆႈၸတ်းပိုတ်ႇ ပၢင်သွၼ် ၵၢၼ်သိုၵ်းၶိုၵ်ႉတွၼ်း ၼႂ်းပီႊ 2013 တီႈ ပၢင်မၢႆ 3 ငဝ်ႈၸိုင်ႈ လွႆတႆးလႅင်းၵႂႃႇ ဝႃႈၼႆ။

ဖိုင်နံပါတ် (၁)

ဖိုင်နံပါတ် (၂)

ပူၼ်ႉမႃး မိူဝ်ႈဝၼ်းထိ 15/05/2013၊ ၽိုၼ်ၶၢဝ်ႇ လူင်ပွင်ၸိုင်ႈ the News light of Myanmar        ( မြန်မာ့အလင်း) ဢွၵ်ႇမႃးဝႃႈ ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး ၵႂႃႇဢဝ်မၢၵ်ႇပွႆႇ တေႃႈလွတ်ႇၵႅတ်ႉ( Pipeline ) ၼမ်ႉမၼ်း ဢၼ်တေသူင်ႇၸူးၼႂ်း မိူင်းၶႄႇၼၼ်ႉ ၶွင်ႇသီႇဢဝ်ၶိုၼ်း ၸိုင်ႈတႆး/ တပ်ႉသိုၵ်းၸိုင်ႈတႆး ပၢၵ်ႈပႅတ်ႈလႄႈ တွပ်ႇတူဝ်ႈလၢတ်ႈၼႄဝႃႈ ပဵၼ်လွင်ႈမၢပ်ႇမႂ် ၸိၼႄး တၢင်းၽိတ်း သႂ်ႇၵၼ် ဝႃႈၼႆ။