မိူဝ်ႈဝၼ်းထီႉ 07.07.2012 တပ်ႉသိုၵ်းၸိုင်ႈတႆး လႆႈၸတ်းႁဵတ်း ပၢင်လူင်း ၵၢၼ်သွၼ် ပၢႆးယူႇလီ ၼႂ်းမိူင်းတီႈၼိုင်ႈ လႄႈ မီးလုၵ်ႈႁဵၼ်း ပေႃႈမႄႈပီႈၼွင်ႉ ၵူၼ်းမိူင်းၵူႈတီႈ ၶဝ်ႈႁူမ်ႈ 650 ၵေႃႉ။

ပၢင်သွၼ်ၼႆႉ လႆႈပိုတ်ႇႁဵၼ်းသွၼ်မႃး တင်ႈတႄႇ မိူဝ်ႈဝၼ်းထီႉ 01.05.2012 လႄႈ မီးလုၵ်ႈႁဵၼ်း ယိင်း တင်းမူတ်း ႁူမ်ႈ 182 ၵေႃႉ၊ ၶူးသွၼ် 3 ၵေႃႉ။ မီးၽႃႇသႃႇ ၵၢၼ်သွၼ် တင်းမူတ်း 9 ႁူဝ်ၶေႃႈ -

1. ငဝ်ႈငႃႇ ပၢႆးတူဝ်ၶိင်းၵူၼ်း 2. လၢႆးလုမ်းလႃး ၵူၼ်းပဵၼ် 3. လၢႆးဢဝ်ပိုၼ်း တၢင်းပဵၼ် 4. လၢႆးလုမ်းလႃး ႁူဝ်တီး 5. တၢင်းပဵၼ် ဢၼ်ၸၢင်ႈ ၸပ်းတိတ်း 6. တၢင်းပဵၼ် ဢၼ်ဢမ်ႇၸၢင်ႈ ၸပ်းတိတ်း 7. လၢႆးပူၵ်းပွင် မူႇဝၢၼ်ႈ လႄႈ လၢႆးပၼ် ၵႂၢမ်းႁူႉပၢႆးယူႇလီ 8. လွင်ႈဝၢင်းၽႅၼ်ၼႃႈႁိူၼ်း 9.တူဝ်ၵႅၼ်ႇၶႅင်/ ၸႂ်ၵႅၼ်ႇၶႅင်။