ဝၼ်းထီႉ 20/07/2012 တၢႆးမူး ၶူဝ်လမ် ႁွင်ႉပီႇတုၸိတ်ႉ ၸုမ်း SSS တူဝ်၊ ၸုမ်း7၊ ၼမ်ႉလၼ်ႈ၊ ၸုမ်းမၢၵ်ႇၵႅင်း၊ ၸုမ်းၼႃးယႆးလႄႈ ၸုမ်းမိူင်းၼၢႆး ၵႂႃႇႁဵတ်းပၢင်ၵုမ်။ တိူင်းမူးလၢတ်ႈဝႃႈ သင်ဝႃႈလူဝ်ႇ တၢင်းၸွႆႈထႅမ်ၼႆၵေႃႈ တၢင်ႇထိုင်မႃး၊ ယွၼ်ႉၼၼ်လႄႈ ၸုမ်းမိူင်းၼၢႆးၵေႃႈ ယွၼ်းထုၵ်ႈၵွင်ႈ၊ တၢႆးမူး တေၸွႆႈ ၵွင်ႈတႃႇ 20လဝ်းၼႆ။ တၢင်ႇၸုမ်းတႄႉ ဢမ်ႇယွၼ်းသင်။

ဝၼ်းထီႉ 22/07/2012 တပ်ႉသိုၵ်း လူင်ပွင်ၸိုင်ႈမၢၼ်ႈ တပ်ႉ 360 ၸူဝ်းတီႇႁႃႉ ၵေႃႉဢွၼ်ႁူဝ် ပႃးတင်း ၸုမ်းပီႇတုၸိတ်ႉ မိူင်းပူးလူင် ႁႅင်း 80 ပၢႆဢွၵ်ႇ ႁႃယိုဝ်း တပ်ႉဢုပ်ႉပိူင်ႇ RCSS/SSA တီႈဝၢၼ်ႈၵဝ်ႇ သလိုဝ်း ၽၢႆႇတူၵ်း မိူင်းပူးလူင် မိူဝ်ႈယၢမ်း 12:00 မူင်း တေႃႇ 03:00 မူင်း ဝၢႆးဝၼ်း တပ်ႉ 360 လႄႈပီႇတုၸိတ်ႉ လႆႈထွႆ လႅၼ်ႈပၢႆႈ ၽၢတ်ႇၽေၵၼ်။

ၵဵဝ်ႇလူၺ်ႈ လွင်ႈပၢင်တိုၵ်းၼႆႉသေ သိုၵ်းမၢၼ်ႈ ၸၼ်ႉပႃႈတႂ်ႈ ၸိူဝ်းၵႂႃႇတိုၵ်းသိုၵ်း ဢမ်ႇပေႉမႃးၼၼ်ႉ ၵမ်ႈၽွင်ႈ ထုၵ်ႇပူတ်းၸၼ်ႉ ပူတ်းပုၼ်ႈၽွၼ်း။