ၵူၼ်းၸၢဝ်းမၢၼ်ႈ ပႃးၽႃႉ ပႃးလႅဝ်း ၶီႇလူတ်ႉတိူၵ်ႈ (မၢၼ်ႇလူင်ႇ) ပၢၼ်ၵၢင် ၶဝ်ႈမႃးၼႂ်း ၸႄႈဝဵင်းၼမ်ႉၶမ်းသေ ၶိုၼ်းပူၼ်ႉၵႂႃႇတၢင်း ၼမ်ႉပုင်ႇ (ၽၢႆႇတႂ်ႈဝဵင်းၼမ်ႉၶမ်းမွၵ်ႈ 1 ၵီႇလူဝ်ႇ) ၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

ၾႆးမႆႈ ဝဵင်းတူၼ်ႈတီး၊ မိူင်းတႆးပွတ်းၸၢၼ်း မီးလွင်ႈလုသုမ်းၶူဝ်းၶွင် ဢၼ်ႁူဝ်သိပ်းသႅၼ်မၼ်း၊ လွင်ႈၵူၼ်းလုတၢႆ ၸဵပ်းဝၢတ်ႇ ဢမ်ႇမီးၼႆ လႅင်ႇၶၢဝ်ႇ ၼႂ်းမိူင်း ယိုၼ်ယၼ်လၢတ်ႈၼႄ။

ပၢင်ႁူပ်ႉထူပ်း ဢုပ်ႇဢူဝ်း ၸုမ်းၶိုင်ပွင်ငမ်းယဵၼ် မိူင်းႁူမ်ႈတုမ်လႄႈ မုၵ်ႉၸုမ်းၸၢဝ်းၶိူဝ်း ပဢူဝ်းပူတ်းပွႆ (PNLO) ဢၼ်ၸတ်းႁဵတ်းတီႈ သုၼ်ၵၢင်ငမ်းယဵၼ် မိူင်းမၢၼ်ႈ (Myanmar Peace Center- MPC) တီႈဝဵင်းတႃႈၵုင်ႈ မိူဝ်ႈဝၼ်းထိ 22-23. March .2013 ပူၼ်ႉမႃးၼၼ်ႉ လႆႈႁဵတ်းပၢင်ဢုပ်ႇဢူဝ်း ၵၼ် (2) ဝၼ်းသေ မီးလွင်ႈတူၵ်းလူင်း လႆႈၸႂ်ၵၼ်ၵႂႃႇ (10) ၶေႃႈ ၼႆယဝ်ႉ။

ၵူၼ်းမိူင်း ၼႂ်းပိုၼ်ႉတီႈ ဝဵင်းၼမ်ႉၶမ်း လိူတ်ႇမႆႈယွၼ်ႉ ၵၢၼ်ၶဵင်ႈၶႅင်သႃႇသၼႃႇ ၸၢဝ်းပုတ်ႉထလႄႈ ၸၢဝ်းမူႇသလိၼ်လူၺ်ႈ လွင်ႈလႆႈၶၢဝ်ႇဝႃႈ ၸၢဝ်းမၢၼ်ႈတေဢဝ်ၾႆး မႃးၽဝ်ႁိူၼ်း မူႇသလိၼ်ႇ ၼႂ်းဝဵင်းၼမ်ႉၶမ်းၼႆ လႅင်ႇၶၢဝ်ႇ ၼႂ်းမိူင်း ပွင်ႇထိုင်မႃး။

မိူဝ်ႈဝႃး ဝၼ်းထိ 24.3.2013၊ ၶၢဝ်းယၢမ်း ၵၢင်ၼႂ် 9 မူင်းတေႃႇ ၵၢင်ဝၼ်း 12 မူင်းၼၼ်ႉ ဢၼ်ပဵၼ်ၸုမ်း မူလၼိထိ မႅပ်ႇ (ပ်) ၶူင်းၵၢၼ်ပၢႆးယူႇလီ လႄႈပၼ်တၢင်းႁူႉ ႁႅင်းၵၢၼ်ၸၢဝ်းၶိူဝ်း လႆႈၸတ်းႁဵတ်း ပၢင်ႁူပ်ႉထူပ်း သူၼ်းတုမ် (1 လိူၼ်လႂ် 1 ပွၵ်ႈ) ဢွင်ႈတီႈ သုၼ်ႇတီႈႁဵၼ်းႁူႉပီႈၼွင်ႉ ႁႅင်းၵၢၼ်ယၢၼ်မိူင်း (ၸုမ်းမႅပ်ႇ) မႄႈလိမ်း၊ ၵဵင်းမႆႇ လႆႈၶၢဝ်ႇမႃးၼင်ႇၼႆ။