မိူဝ်ႈဝၼ်းၽတ်း 03.01.2103 ပူၼ်ႉမႃး ၽူႈၼမ်းၼႂ်း ၵူႈလွင်ႈလွင်ႈ UN မိတ်ႇသတႃႇ ပၼ်ႊၶီႊမုၼ်း ပိုၼ်ၽၢဝ်ႇ တိုၵ်းသူၼ်း လူင်ပွင်ႈ ၸိုင်ႈမိူင်းႁူမ်ႈတုမ် ႁႂ်ႈၵိုတ်းယိုတ်းပႅတ်ႈ လွင်ႈဢၼ် တပ်ႉသိုၵ်းမၢၼ်ႈ ၸႂ်ႉၶိူင်ႈမိၼ် တိုၵ်းယိုဝ်းတေႃႇတင်း တပ်ႉသိုၵ်း လွတ်ႈလႅဝ်းသဝ်း ၶေႃၶၢင် (KIO/KIA) ဝႃႈၼႆ။

ၶိူင်ႈၶူဝ်း ၵမ်ႉထႅမ် ၽၢႆႇတပ်ႉသိုၵ်းမၢၼ်ႈ ဢၼ်ဢဝ်ၵႂႃႇတိုၵ်းယိုဝ်း တပ်ႉသိုၵ်းၶၢင် KIA  တီႈငဝ်ႈငုၼ်း ၸုမ်းလွတ်ႈလႅဝ်း သဝ်းၶေႃၶၢင် (KIO) မိူဝ်ႈပူၼ်ႉမႃး ဝၼ်းထီႉ 23.12.2012 ဝဵင်းလၢႆႇၸႃႇ၊ မိူင်းတႆးပွတ်းႁွင်ႇ လႆႈႁူႉႁၼ်ၸွမ်း  တီႈၼႂ်းဝႅပ်ႉၶႄႇ http://blog.sina.com. cn/burmar ။

မိူဝ်ႈဝၼ်းထီႉ 23-12-2012 ၵၢင်ၼႂ်ၸဝ်ႉ တေႃႇထိုင် တၢမ်းၶမ်ႈ 6 မူင်း ၼႃႈသိုၵ်း (KIA) ၶဝ်လႆႈႁႄႈၵင်ႈတိုၵ်း သၢႆသိုၵ်းမၢၼ်ႈ ၸိူဝ်း သဵၼ်ႈတၢင်းမျိတ်ႉၵျီးၼႃး - လၢႆႇၸႃႇ ဢၼ် ႁၢင်ႈသိုၵ်းမႃးၸူး ငဝ်ႈငုၼ်းၸုမ်းလွတ်ႈလႅဝ်း သဝ်းၶေႃၶၢင် (KIO) ၼႆၽူႈမီးၸၼ်ႉ KIA ၵေႃႉၼိုင်ႈလၢတ်းၼင်ႇၼႆ။

မိူဝ်ႈဝၼ်းထီႉ 18-12-2012 ၵၢင်ၼႂ် ၼႂ်းၵႄႈ 4 မူင်းလႄႈ 5 မူင်း တပ်ႉၵွင် (6) တပ်ႉသိုၵ်း လွတ်ႈလႅဝ်း သဝ်းၶေႃၶၢင် (KIA) ၶဝ်ႈတိုၵ်း ႁူင်းပလိၵ်ႈမၢၼ်ႈ ဢၼ်မီးတီႈ ၵိင်ႇၸႄႈဝဵင်းၵႃးမၢႆး  ၼိူဝ်သဵၼ်ႈတၢင်း မျိတ်ႉၵျီးၼႃး- ၽႃၵၢၼ်ႉ လႆႈႁူႉၼင်ႇၼႆ။

တပ်ႉသိုၵ်းလူင်ပွင်ၸိုင်ႈမၢၼ်ႈ လုၵ်ႉတီႈၼႂ်းလႅၼ်လိၼ်မိူင်းၶႄႇသေ ၶဝ်ႈတိုၵ်းၶိုၼ်း တပ်ႉသိုၵ်းလွတ်ႈလႅဝ်း သဝ်းၶေႃၶၢင် (KIA) တွၼ်ႈတႃႇၶိုၼ်းလႆႈ တပ်ႉၶဝ် ဢၼ် KIA သိမ်းဝႆႉၼၼ်ႉၼႆယူႇယဝ်ႉ။