သိုၵ်းမၢၼ်ႈပွႆႇမၢၵ်ႇထႅင်ႈ တီႈဝဵင်းလႃႈသဵဝ်ႈ

မိူဝ်ႈၼႆႉဝၼ်းထီႉ 24 September 2024 သိုၵ်းမၢၼ်ႈဢဝ်ႁိူဝ်းမိၼ်မႃးပွႆႇမၢၵ်ႇသႂ်ႇ ၼႂ်းဝဵင်းလႃႈသဵဝ်ႈ 2 ဢွင်ႈတီႈ၊ ၼႂ်းၶၢဝ်းယၢမ်းၵၢင်ၼႂ်ၸဝ်ႉ 1:30 မူင်း ပွႆႇသႂ်ႇတီႈ ႁူင်းလႅမ်း Golden Sunflower ၼႂ်းဝဵင်းလႃႈသဵဝ်ႈ၊ ထိုင်မႃးထႅင်ႈ ၶၢဝ်းယၢမ်းၼႃႈမိူင်းၸမ်လႅင်း 4:03 မူင်းၼၼ်ႉၵေႃႈ ပွႆႇသႂ်ႇထႅင်ႈ တီႈပွၵ်ႉ (2) လၢၼ်ႉၶၢႆၶမ်း ႁိမ်းသဵၼ်ႈတၢင်းၵႃးလႄႈၵူၼ်းမိူင်းလူႉတၢႆ 1 ၵေႃႉ ၼႆယဝ်ႉ။

ယွၼ်ႉသိုၵ်းမၢၼ်ႈပွႆႇမၢၵ်ႇပွၵ်ႈၼႆႉ ႁူင်းလႅမ်း Golden Sunflower လႄႈႁိူၼ်းၵူၼ်းမိူင်း လႆႈလူႉၵွႆၸွမ်းတၢင်းၼမ်သေ ၵဵဝ်ႇၵပ်းလူၺ်ႈလွင်ႈလူႉတၢႆ မၢတ်ႇၸဵပ်း ၵူၼ်းမိူင်းလႄႈ လွင်ႈလူႉသုမ်းႁူဝ်ယွႆႈမၼ်းတႄႉ ပႆႇႁူႉတႅတ်ႈတေႃး တိုၵ်ႉၶတ်းၸႂ်ၵပ်းသိုပ်ႇတိတ်းတၢမ်း ဝႆႉယူႇ ။

ၶႅပ်းႁၢင်ႈ − ၵူၼ်းပိုၼ်ႉတီႈ

တႆးလွတ်ႈလႅဝ်း