ၸွႆႈထႅမ်ၵူၼ်းထူပ်းၽေးၼမ်ႉထူမ်ႈ ၼႂ်းထုင်ႉပူင်း

ၼႂ်းၶၢဝ်းတၢင်းလိူၼ် September 2024 ၼႆႉ ယူႇတီႈလုမ်းၵပ်းသၢၼ် ၶွင်ႇသီႇဢဝ်ၶိုၼ်းၸိုင်ႈတႆး RCSS/SSA တူၼ်ႈတီး လႆႈႁူမ်ႈၵၼ်တင်း လၢႆမူႇလၢႆၸုမ်းသေ ဢွၼ်လူင်းၸွႆႈထႅမ် ၵူၼ်းမိူင်းၸိူဝ်းထူပ်းၽေးၼမ်ႉထူမ်ႈ ၼႂ်းထုင်ႉပူင်းလႄႈ ၼွင်ႁၢႆးယႃႈ ႁူမ်ႈလင်ႁိူၼ်း 700 ပၢႆ ၼႆယူႇယဝ်ႉ။

ၼႂ်းဝၼ်းထီႉ 17 လႄႈ  22 September 2024 ၼၼ်ႉ လႆႈၵႂႃႇၸွႆႈထႅမ်တီႈထုင်ႉပူင်း တေပဵၼ်ဝၢၼ်ႈ သၢႆလႄး၊ ဝၢၼ်ႈၽၵ်းၵုမ်ႇ၊ ဝၢၼ်ႈၼွၵ်ႈ၊ ဝၢၼ်ႈၼွင်ၸၢင်ႉ၊ ဝၢၼ်ႈၵုၼ်သၢႆး၊ ဝၢၼ်ႈပူင်း လႄႈ ၼႂ်းဝၼ်းထီႉ 21 September 2024 လႆႈၵႂႃႇၸွႆႈတီႈ ၼွင်ႁၢႆးယႃႈ  ဝၢၼ်ႈၼမ်ႉႁူး ၊ ဝၢၼ်ႈၵွင်းပူၵ်ႇ(တွင်ႇပူဝ်ႉၼီႇ)၊ ဝၢၼ်ႈၸၢင်ႈၶမ်း၊ ဝၢၼ်ႈၵဵင်းၶမ်းၸိူဝ်းၼႆႉ ၼႆယဝ်ႉ။

မိူဝ်ႈၼႂ်းဝၼ်းထီႉ 25 September 2024 ၼၼ်ႉ ႁႂ်ႈလႆႈပဵၼ်လွင်ႈၸွႆႈထႅမ် ပုၼ်ႈတႃႇၵူၼ်းထူပ်းၽေးၼမ်ႉထူမ်ႈၼႆသေ ၵေႃႉပဵၼ်ၸၢႆးၼုမ်ႇ မုၵ်ႉၸုမ်း သၢႆလိူတ်ႈတႆး ႁႅင်းၵၢၼ်ယၢၼ်မိူင်း ၸူဝ်ႈၶၢဝ်းၵဵင်းမႆႇၼႆၵေႃႈ လႆႈၸွႆႈထႅမ်ငိုၼ်းတွင်း 7,245 ဝၢတ်ႇ (သၢင်ႉငိုၼ်းမၢၼ်ႈ 1,050,000 ပျႃး ) လႆႈၸွႆႈတီႈ လုမ်းၵပ်းသၢၼ် RCSS/SSA တူၼ်ႈတီး ၵႂႃႇယူႇယဝ်ႉ။

တႆးလွတ်ႈလႅဝ်း