ၼမ်ႉထူမ်ႈလၢႆလၢႆပိုၼ်ႉတီႈ ၵဵင်းမႆႇ ၸိုင်ႈထႆး

မိူဝ်ႈၼႂ်းဝၼ်းထီႉ 21 – 23 September 2024 ၼၼ်ႉ ၾူၼ်တူၵ်းႁႅင်း လၢႆလၢႆဝၼ်းထပ်းၵၼ်သေ ႁဵတ်းႁႂ်ႈမႄႈၼမ်ႉပိင်းလူၼ်ႉၾင်ႇ ၶိုၼ်ႈသုင် ထိုင် 4.95 – 5.03 မဵတ်ႉ လႄႈၼမ်ႉလူၼ်ႉၶဝ်ႈၼႂ်းပွၵ်ႉၼႂ်းယွမ်ႇ ၼႂ်းဝဵင်းၸိူဝ်းၼႆႉ  ဢမ်ႇဝႃႈတေပဵၼ် ၵူၼ်းထႆး ၊ ႁႅင်းၵၢၼ်ယၢၼ်မိူင်း ၊ ၵူၼ်းလေႇမိူင်း ဢၼ်ယူႇၼႂ်းပိုၼ်ႉတီႈၵဵင်းမႆႇ ၸိုင်ႈထႆးၼၼ်ႉ လႆႈႁပ်ႉၽွၼ်းတုမ်ႉယွၼ်ႈ တင်းၼမ်ၼႆယဝ်ႉ။

မၢင်ပိုၼ်ႉတီႈၼၼ်ႉသမ်ႉဝႃႈ ၼမ်ႉဢမ်ႇပႆႇထူမ်ႈထိုင်ၼႆသေတႃႉ ယူႇတီႈ ၽူႈမီးပုၼ်ႈၽွၼ်းထႆးၶဝ် လႆႈၶဝ်ႈပၼ်ၾၢင်ႉဝႃႈ ၼမ်ႉဢမ်ႇပႆႇ ယွမ်းလူင်းလႄႈ ႁႂ်ႈၾၢင်ႉသတိၵၼ်ယူႇသဝ်းသေ ႁႂ်ႈၶၢႆႉၶူဝ်းၶိုၼ်ႈဝႆႉ တီႈသုင် ၼႆယဝ်ႉ ။

ၵူႈပီႊပီႊၸွမ်းၽင်ႇမႄႈၼမ်ႉပိင်းၼၼ်ႉထူမ်ႈယူႇ ၵူၺ်းၵႃႈ ပီႊၼႆႉ ထူမ်ႈႁၢဝ်ႈႁႅင်းဝႆႉတႄႉတႄႉ ႁူမ်ႈပႃးတင်းမိူင်းတႆး ပွတ်းၸၢၼ်း၊ ပွတ်းဢွၵ်ႇၵေႃႈ လႆႈထူပ်းၽေးၼမ်ႉထူမ်ႈႁၢဝ်ႈႁႅင်းဝႆႉလႄႈ တေႃႇထိုင်ယၢမ်းလဵဝ် မၢင်ပိုၼ်ႉတီႈ ၼမ်ႉယင်းတိုၵ်ႉထူမ်ႈယူႇယဝ်ႉ။

တႆးလွတ်ႈလႅဝ်း