ၽူႈမီးၼမ်ႉၸႂ်လီ ၸွႆႈထႅမ် Computer လႄႈ ငိုၼ်းတွင်းတီႈ RCSS/SSA

ႁႂ်ႈလႆႈပဵၼ်လွင်ႈၵမ်ႉၸွႆႈထႅမ် ၸိူဝ်ႉၸၢတ်ႈ၊ ဝၢၼ်ႈမိူင်း၊ ၽႃႇသႃႇ၊ သႃႇသၼႃႇ ၼႆသေ ၽူႈမီးၼမ်ႉၸႂ် ၸေႇတၼႃႇလီ ဢၼ်ပဵၼ် မုၼ်ၸၢင်း ပွင်ၶမ်းသႂ် လႆႈၸွႆႈထႅမ် Computer လႄႈ ငိုၼ်းတွင်းတီႈ မုၵ်ႉၸုမ်း ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး (RCSS/SSA) ဝႃႈၼႆ။

မိူဝ်ႈဝၼ်းထီႉ 26 November 2022 (လိူၼ်ၸဵင်မႂ်ႇ 4 ၶမ်ႈ ပီႊတႆး 2117 ၼီႈ) ယူႇတီႈ မုၼ်ၸၢင်း ပွင်ၶမ်းသႂ် ဝဵင်းသၼ်သၢႆး ၸႄႈဝဵင်းၵဵင်းမႆႇ ၸိုင်ႈထႆး လႆႈဢဝ်တူဝ်ငိုၼ်းထႆး 3,000 ဝၢတ်ႇလႄႈ ၶွမ်ႇၽိဝ်ႇတိူဝ်ႇ Computer (မိုဝ်းသွင်) ၼိုင်ႈၶိူင်ႈ ဢိၵ်ႇတင်း ၶွင်ၵိၼ်ယႅမ်ႉထႅင်ႈလၢႆလၢႆလွင်ႈ ၸွႆႈထႅမ်ပၼ်တီႈ ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး (RCSS/SSA) ဝႃႈၼႆ။

ယူႇတီႈၽူႈမီးပုၼ်ႈၽွၼ်း RCSS/SSA ၵေႃႈ ပဵၼ်ဢၼ်ယိၼ်းၸူမ်းၶွပ်ႈၸႂ်ယႂ်ႇၼမ် ထိုင် မုၼ်ၸၢင်း ပွင်ၶမ်းသႂ် လႄႈ ၽူႈမီးၼမ်ႉၸႂ် ၸေႇတၼႃႇ ၽိူၵ်ႇၸိုၼ်ႈၶၢဝ်သႂ် ႁဝ်းၶဝ် ၵူႈၵေႃႉၵူႈၸဝ်ႈ တေႉတေႉဝႃႈဝႃႈ ယူႇယဝ်ႉ။

တႆးလွတ်ႈလႅဝ်း