တိူဝ်းၶႂၢၵ်ႈတပ်ႉ တၢင်းၼႃႈလိၼ်ၸၢဝ်းၶိူဝ်း

တီႈၸိူဝ်းၽၢႆႇပိုၼ်ႉတီႈ တွၼ်ႈလိၼ် SSA(N) / KIA ဢၼ်ၵုမ်းၵမ်ဝႆႉသေ ဢမ်ႇယွမ်းႁပ်ႉပဵၼ် တပ်ႉပႂ်ႉလႅၼ် လိၼ်ၶွင် ၸုမ်းသိုၵ်းမၢၼ်ႈၼၼ်ႉ မိူဝ်းၶၢဝ်းယၢမ်းလၢႆဝၼ်းၼႆႉ ၸုမ်းသိုၵ်းမၢၼ်ႈၶဝ် သူင်ႇထႅမ်ႁႅင်း သိုၵ်းႁူမ်ႈ လူၺ်ႈတင်း ၵႃးၵၢပ်ႇလဵၵ်း တၢင်ႇၵွင်ႈလူင်။

ဝဵင်းဝႅင်းမေႃႇ ၽၢႆႇဢွၵ်ႇဝဵင်း လႅင်ႇၸႃႇ တီႈမီးငဝ်ႈငုၼ်း KIA ၊ တီႈၽၢႆႇတၢင်း ၸတူင်းၼၼ်ႉ ၵႃးၵၢပ်ႇလဵၵ်း လႄႈၵႃးသိုၵ်း ဢၼ်တၢင်ႇမႃး မၢၵ်ႇယၢမ်း ႁွတ်ႈထိုင်မႃးသေ မီးႁႅင်းသိုၵ်း ၼပ်ႉႁူဝ်မိုၼ်ႇ တူင်ႉၼိုင်ယူႇဝႆႉၼႆ KIA လၢတ်ႈ တီႈ BBC။

ၵူၺ်းၵႃႈ ယူႇတီႈ ၼဢၽ ၶဝ် ဢမ်ႇမိူၼ်ႁၢင်ႈၽၢင် လႅပ်ႈတေႁဵတ်းၵၢၼ် ထူဝ်းႁၢင်ႈသိုၵ်းယႂ်ႇလူင်၊ မိူၼ်ႁၢင်ႈ လႅပ်ႈတေ ပၼ်ႁႅင်းတဵၵ်းမိပ်ႇ ငႅၼ်းတေႃႇၸုမ်းၸိူဝ်းတီႈ ဢမ်ႇပႆႇယွမ်းႁပ်ႉပဵၼ် တပ်ႉပႂ်ႉလႅၼ်လိၼ်၊ ပေႃးဝႃႈ ၶွတ်ႇၽွတ် လူင်ပွင်ၸိုင်ႈ ၶဝ်ႈတၢင်းၵၢၼ်ယဝ်ႉၵေႃႈ ဢမ်ႇတူၵ်းထုၵ်ႇ လွၵ်းၵၢၼ်တႃႇၸၢင်ႈတိုၵ်းလႆႈ ၼင်ႇ ပိူင် ထူပ်းမိုဝ်းၼႆ ၵႅမ်ၽူႈမီးပုၼ်ႈၽွၼ်း ၽၢႆႇၵၢၼ်ၼွၵ်ႈမိူင်း KIA ၸဝ်ႈသိုၵ်းလူင် ၵျဵမ်းလုၼ်းတွင်ႇ လၢတ်ႈတီႈ BBC။

တီႈလႅၼ်ၶႅၼ်ႈ မိူင်းတႆးပွတ်းၸၢၼ်း လႄႈပွတ်းႁွင်ႇ တီႈၽၢႆႇၸိူဝ်း ပိုၼ်ႉတီႈ မိူင်းၼွင် ၸမ်ဝၢၼ်ႈႁႆး တီႈမီး ငဝ်ႈငုၼ်း တပ်ႉၸုမ်း 1 SSA ၼၼ်ႉၵေႃႈ ၵွပ်ႈၼဢၽ ၶဝ် ထႅမ်ႁႅင်းသိုၵ်းဝႆႉလႄႈ သင်ပဵၼ်ပၢင်တိုၵ်း ၵၼ် ၸိုင် တေၵႅတ်ႇၶႄၵႂႃႇလူၺ်ႈ လၢႆးသိုၵ်းမုတ်းၵူၺ်းၼႆ ၽူႈတၢင်လၢတ်ႈ တပ်ႉၸုမ်း 1 SSA ၸဝ်ႈႁၢၼ်ၶိူဝ်းမၢဝ်း သပ်းလႅင်းၼႄ တီႈ BBC ၼင်ႇၼၼ်။…

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း