မၢၵ်ႇတႅၵ်ႇတီႈ ၸႄႈဝဵင်းဢိၼ်းၸဵင်ႇ မၢတ်ႇၸဵပ်း 8ၵေႃႉ

တီႈတိူင်းဝဵင်းယၢၼ်ႇၵုင်ႇ ၸႄႈဝဵင်းဢိၼ်းၸဵင်ႇ ၼၼ်ႉ မၢၵ်ႇတႅၵ်ႇမိူဝ်ႈၵၢင်ၶမ်ႈ ဝၼ်းဢႃးတိတ်ႉသေ မီးၵူၼ်း မၢတ်ႇၸဵပ်းၵႂႃႇ 8ၵေႃႉ၊ ႁူမ်ႈလူၺ်ႈတင်း လုၵ်ႈဢွၼ်ႇ 2 ၵေႃႉ ၼႆ ၽူႈမီးၸၼ်ႉ ပလိၵ်ႈမၢၼ်ႈၶဝ်လၢတ်ႈ။

ပဵၼ်မၢၵ်ႇတႅၵ်ႇ မိူဝ်ႈယၢမ်းၶမ်ႈ 7 မူင်းပၢႆ တီႈၼႃႈသႅင်ႇၶၢႆယႃႇပူႉ ၼႂ်းဝၢင်းႁိူၼ်း ဢွင်ႇၸေႇယ ပွၵ်ႉၵၢင် ၵၢၼ်း ၼႃး၊ ၽူႈၸိူဝ်း တီႈလႆႈမၢတ်ႇၸဵပ်းၼၼ်ႉ ႁူမ်ႈပႃးလူၺ်ႈတင်း မၺဵင်းၺဵင်းထုၼ်း ဢႃႇယူႉ 3ၶူပ်ႇ၊ မွင်ႇၸေႃႇ မိၼ်းထႅၵ်ႉ ဢႃႇယူႉ 13ၶူပ်ႇ။

ၵူၼ်းလူင် ဢၼ်လႆႈ မၢတ်ႇၸဵပ်းထႅင်ႈၼၼ်ႉ ပဵၼ် ၵူဝ်ႇၸေႃႇမိၼ်းထုၼ်း၊ မၵေႇတီႇမျူဝ်းၵျေႃႇ၊ မဝိၼ်းပ ၵျေႃႇ၊ မွင်ႇတိၼ်ႉလုၼ်ႇဢူး၊ မွင်ႇထုၼ်းထုၼ်း၊ မတိၼ်းတိၼ်းသေ ႁပ်ႉၵၢၼ်ယူတ်းယႃ ယူႇတီႈ ႁူင်းယႃ ၸႄႈဝဵင်း ဢိၼ်းၸဵင်ႇ။

ၵေႃႉတီႈပလိၵ်ႈၶဝ် ၵၢဝ်ႇႁႃဝႃႈ တေႃႉဢဝ်မၢၵ်ႇမႃးၼၼ်ႉ ပဵၼ်ၵူဝ်ႇၸေႃႇမိၼ်းထုၼ်း ဢႃႇယူႉ 26 သေ မိူဝ်ႈ မၼ်း တိုၵ်ႉသိုဝ်ႉယႃႇပူႉ ယူႇၼၼ်ႉ မၢၵ်ႇလႆႈတႅၵ်ႇၵႂႃႇလႄႈ လႆႈႁၼ်ထႅင်ႈမၢၵ်ႇ ဢၼ်ယင်းပႆႇတႅၵ်ႇထႅင်ႈ လုၵ်ႈ ၼိုင်ႈၵွၼ်ႇၼႆ ပလိၵ်ႈၶဝ်လၢတ်ႈ။

ၵူဝ်ႇၸေႃႇမိၼ်းထုၼ်းၼႆႉ လႆႈမၢတ်ႇၸဵပ်း ႁၢဝ်ႈႁႅင်းလႄႈ ပဵၼ်ဢၼ် ယူႇၼႂ်းၶၼ်ႉလႆႈမႆႈၸႂ်ယူႇၼႆ မေႃယႃတီႈ ႁူင်းယႃဢိၼ်းၸဵင်ႇ ၵေႃႉၼိုင်ႈ လၢတ်ႈၼင်ႇၼႆ။

ၶၢဝ်ႇမိတ်ႉၸိမႃႉ..