Facebook Page ဢၼ်ၸႂ်ႉၸိုဝ်ႈ Tai Freedom သေ ဢဝ်ႁၢင်ႈ Logo တႆးလွတ်ႈလႅဝ်း သႂ်ႇဝႆႉတီႈ Profile ၼၼ်ႉ ဢမ်ႇၸႂ်ႈ Facebook Page ၶွင် ႁွင်ႈၵၢၼ်လူင်ၽၢႆႇပိုၼ်ၽၢဝ်ႇ ၶွင်ႇသီႇဢဝ်ၶိုၼ်းၸိုင်ႈတႆး ၼႆ ၶႂ်ႈယွၼ်းပွင်ႇလႅင်းထိုင် ပေႃႈမႄႈပီႈၼွင်ႉ ၵူၼ်းမိူင်း ၽူႈလဵၼ်ႈ/ၸႂ်ႉ Facebook ႁဝ်းၶဝ်ၵူႈၸဝ်ႈၵူႈၵေႃႉယူႇၶႃႈဢေႃႈ။
မိူၼ်ၼင်ႇၵႃႈပူၼ်ႉမႃး ၸိူဝ်းႁၼ်လီၵမ်ႉထႅမ်ပၼ်ႁႅင်း ၶွင်ႇသီႇဢဝ်ၶိုၼ်းၸိုင်ႈတႆး သေၸႂ်ႉတိုဝ်းၸိုဝ်ႈ RCSS/SSA, RCSS ARMY, Tai Freedom ၼိူဝ် Facebook ၵေႃႈမီး ၸိူဝ်းဢမ်ႇႁၼ်လီ ၶႂ်ႈၶႃႉၶၢႆႇသလေႇၼႃႈတႃ ၶွင်ႇသီႇဢဝ်ၶိုၼ်းၸိုင်ႈတႆးသေ ၸႂ်ႉၸိုဝ်ႈ RCSS/SSA, RCSS ARMY, Tai Freedom ၼိူဝ် Facebook ၵေႃႈမီးလႄႈ မိူဝ်ႈၼၼ်ႉ ယူႇတီႈႁွင်ႈၵၢၼ်လူင် ၽၢႆႇပိုၼ်ၽၢဝ်ႇ ၶွင်ႇသီႇဢဝ်ၶိုၼ်းၸိုင်ႈတႆး (တႆးလွတ်ႈလႅဝ်း) လႆႈမီးလွင်ႈ ယွၼ်းတၢင်းႁူမ်ႈမိုဝ်းသေ ၶဝ်ၸဝ်ႈလႆႈမႄးလႅၵ်ႈလၢႆႈ ၸိုဝ်ႈ Facebook ၵႂႃႇ၊ တေႃႇမိူဝ်ႈလဵဝ် ၸိူဝ်းပႆႇလႅၵ်ႈလၢႆႈၵေႃႈမီး၊ ယွၼ်ႉပိူဝ်ႈၼၼ် တီႈဢၼ်ဢွၵ်ႇမႃးထႅင်ႈ ဢၼ်ၸႂ်ႉၸိုဝ်ႈ Tai Freedom ၼႆႉၵေႃႈ ၶႂ်ႈယွၼ်းတၢင်းႁူမ်ႈမိုဝ်းယႂ်ႇၼမ်သေ ၶႂ်ႈႁႂ်ႈဢဝ်ဢွၵ်ႇပၼ် Logo/ၶိူင်ႈမၢႆ တႆးလွတ်ႈလႅဝ်း လႄႈ မႄးလႅၵ်ႈလၢႆႈသႂ်ႇပၼ် ၸိုဝ်ႈတၢင်ႇဢၼ်ၵႂႃႇယူႇ ၼႆယဝ်ႉ။
Facebook Page ဢၼ် ႁွင်ႈၵၢၼ်လူင်ၽၢႆႇပိုၼ်ၽၢဝ်ႇ ၶွင်ႇသီႇဢဝ်ၶိုၼ်းၸိုင်ႈတႆး/တပ်ႉသိုၵ်းၸိုင်ႈတႆး (RCSS/SSA) ၸႂ်ႉပဵၼ်တၢင်းၵၢၼ်ၼၼ်ႉ မီးမိူၼ်ၼင်ႇၽၢႆႇတႂ်ႈၼႆႉ-
ၽႃႇသႃႇတႆး => https://www.facebook.com/TaiFreedomShan/
ၽႃႇသႃႇမၢၼ်ႈ => https://www.facebook.com/TaiFreedomBurmese/
ၽႃႇသႃႇဢင်းၵိတ်ႉ =>https://www.facebook.com/TaiFreedomEnglish/
ဝီးတီးဢူဝ်း => https://www.facebook.com/TaiFreedomVideos/
ရေႇတီႇဢူဝ်ႇ => https://www.facebook.com/TaiFreedomRadio/
ၼိူဝ်ဝႅပ်ႉသၢႆႉ (Website) ပဵၼ် => https://www.taifreedom.com/
ၼိူဝ်ယူႇထုပ်ႉ (Youtube) သမ်ႉ => https://www.youtube.com/c/TaiFreedomVideos
ၵပ်းသိုပ်ႇတွင်ႈထၢမ်လႄႈ သူင်ႇၶေႃႈမုၼ်းၶၢဝ်ႇသၢၼ်၊ ဝွၵ်း၊ မွၼ်းၵႂၢမ်း ၸဵမ်ၵႂႃႇၸိူဝ်းၼႆႉ လႆႈတီႈတႂ်ႈၼႆႉလႆႈယူႇၶႃႈဢေႃႈ။
ဢီးမေးလ် (E-Mail) => rcssinfordepartment@gmail.com
ID: Line လႄႈ Wechat => taifreedommedia
တႆးလွတ်ႈလႅဝ်း