လိၵ်ႈယိုၼ်ႈၽၢၼ်ႇ − တႆးလွတ်ႈလႅဝ်း

ယွၼ်းတၢင်းႁူမ်ႈမိုဝ်း ပေႃႈမႄႈပီႈၼွင်ႉၵူၼ်းမိူင်း တီႈၸမ်တီႈၵႆတင်းသဵင်ႈၶႃႈဢေႃႈ သင်ဝႃႈ ၽူႈလႂ် ၽႂ်ႁူႉၸၵ်း (ဢမ်ႇၼၼ်) ထူပ်းႁၼ် ၸၢႆးသၢင်ႇလႃႉဢွင်ႇ ဝၢၼ်ႈဝဵင်းငိုၼ်း ဢိူင်ႇႁူဝ်ၼႃး ၸႄႈဝဵင်းမိူင်းၵိုင် ပေႃးၼႆၸိုင် ၶႅၼ်းတေႃႈၵပ်းသိုပ်ႇမႃးပၼ်တီႈ မႄႈယွၼ်း ၵေႃႉပဵၼ်ဢႃ ၸၢႆးသၢင်ႇလႃႉဢွင်ႇ မၢႆၾူၼ်းထႆး 094 638 4239 ၼႆႉၽွင်ႈၶႃႈ။

ၸၢႆးသၢင်ႇလႃႉဢွင်ႇၼႆႉ မီးပီႈၼွင်ႉ သၢမ်ၵေႃႉသေ ၵေႃႉပဵၼ်ပီႈၼၢင်း ၸိုဝ်ႈႁွင်ႉ ၼၢင်းၶမ်းမူဝ် လႄႈ ၵေႃႉပဵၼ်ၼွင်ႉၸၢႆးသမ်ႉ ၸိုဝ်ႈႁွင်ႉ ၸၢႆးသၢင်ႇယီႈသူဝ်း တီႈယူႇဝၢၼ်ႈဝဵင်းငိုၼ်း ပဵၼ်လုၵ်ႈၸၢႆး လုင်းသူၺ်ႇပၢၼ်း+ပႃႈဢွင်ႇ၊ မၼ်းၸၢႆးဢွၵ်ႇႁိူၼ်း ၵႂႃႇႁဵတ်းၵၢၼ်တီႈ မိူင်းထႆး ၶၢဝ်းတၢင်းႁိုင် 18 ပီႊပၢႆယဝ်ႉလႄႈ သမ်ႉၶိုၼ်းလႆႈ ၶၢတ်ႇလွင်ႈၵပ်းသိုပ်ႇၵၼ်ၵႂႃႇၶၢဝ်းတၢင်း 8 ပီႊပၢႆ ၊ တေႃႈလဵဝ်ၼႆႉ ၵေႃႉပဵၼ်မႄႈ လႆႈဢွၵ်ႇႁိူၼ်း ၵႂႃႇၸွမ်းႁႃလုၵ်ႈတီႈမိူင်းထႆးသေ မိူဝ်ႈလႆႈဢၼ်လႆႈၵပ်းသိုပ်ႇၵၼ် ပွၵ်ႈလိုၼ်းသုတ်းၼၼ်ႉ ၸၢႆးသၢင်ႇလႃႉဢွင်ႇလၢတ်ႈဝႃႈ ၶႃႈဢဝ်မေးထႆးယဝ်ႉ လႄႈ ပေႃးလိူၼ်ႁႃႈမႃးၼႆ တေဢွၼ်မိူဝ်းၵၼ်ႇတေႃးပေႃႈတင်းမႄႈ ဝႃႈၼႆသေ၊ ၽိူဝ်ႇထိုင် လိူၼ်ႁႃႈယဝ်ႉ ဢမ်ႇႁၼ်ပွၵ်ႈမႃး၊ ဝၢႆးၼႆႉၵေႃႈ လႆႈၶၢတ်ႇလွင်ႈၵပ်းသိုပ်ႇၵၼ် တေႃႈထိုင် ယၢမ်းၽွင်ႈတေႃႈလဵဝ် ဢမ်ႇလႆႈငိၼ်းၶၢဝ်ႇငၢဝ်းသင်၊ ၵေႃႉပဵၼ် ပေႃႈမႄႈ ပီႈၼွင်ႉၸိူဝ်ႉၶိူဝ်း ပဵၼ်ဢၼ်မႆႈၸႂ်မႆႈၶေႃး ၸွမ်းၸၢႆးသၢင်ႇလႃႉဢွင်ႇတေႉတေႉ၊ ထႅင်ႈလွင်ႈၼိုင်ႈ ၵေႃႈ ၵေႃႉပဵၼ်ပေႃႈမႄႈ ဢႃႇယုယႂ်ႇယဝ်ႉသေ ပဵၼ်ဢၼ်ၸႂ်ထိုင်ႁႅင်းၼႃႇ လႄႈ ၶႂ်ႈထူပ်းႁၼ် လုၵ်ႈၸၢႆး ၼႆယူႇ။

ၵဵဝ်ႇလူၺ်ႈလွင်ႈၼႆႉသေ ၵေႃႉပဵၼ်မႄႈ ၸၢႆးသၢင်ႇလႃႉဢွင်ႇ ၶႂ်ႈၽၢၵ်ႇထိုင်ဝႃႈ − သင်ၸိူဝ်ႉၸၢႆးသၢင်ႇလႃႉဢွင်ႇ ယူႇတီႈလႂ် ႁဵတ်းသင်ယူႇၼႆၵေႃႈ ပေႃးလႆႈငိၼ်းၶၢဝ်ႇ ၼႆၸိုင်၊ ယၢမ်းၽွင်ႈတေႃႈလဵဝ် ၵေႃႉပဵၼ်မႄႈ ႁဵတ်းၵၢၼ်ဝႆႉယူႇတီႈ သုၼ်းပူးလီး ၼွင်မူၼ်း ၶႂ်ႈႁႂ်ႈၵပ်းသိုပ်ႇ တိတ်းတေႃႇ မႃးႁႃ၊ ၽၢတ်ႇၵၼ်ၵႂႃႇ 8 ပီႊပၢႆယဝ်ႉ မႄႈပဵၼ်ဢၼ်ၸႂ်ထိုင်ႁႅင်းၼႃႇ လႄႈ ပေႃႈတင်းမႄႈၵေႃႈ ထဝ်ႈႁႅင်းၼႃႇယဝ်ႉသေ ပဵၼ်ဢၼ်မႆႈၸႂ်မႆႈၶေႃး ၸွမ်းလုၵ်ႈၸၢႆးဝႆႉတေႉတေႉ ၼႆယူႇ။

ၼပ်ႉယမ်ယႂ်ႇၼမ်သေ
ပေႃႈမႄႈပီႈၼွင်ႉ ၸၢႆးသၢင်ႇလႃႉဢွင်ႇ