လိၵ်ႈယိုၼ်ႈၽၢၼ်ႇ − တႆးလွတ်ႈလႅဝ်း

ယွၼ်းတၢင်းႁူမ်ႈမိုဝ်း ပေႃႈမႄႈပီႈၼွင်ႉၵူၼ်းမိူင်း တီႈၸမ်တီႈၵႆတင်းသဵင်ႈၶႃႈဢေႃႈ သင်ဝႃႈ ၽူႈလႂ်ၽႂ်ႁူႉၸၵ်း (ဢမ်ႇၼၼ်) ထူပ်းႁၼ် ၸၢႆးတွင်း ၸႃႇတိ ဝၢၼ်ႈပၢင်မႅင်း ဢိူင်ႇသွင်ၵေး ၸႄႈဝဵင်းသီႇပေႃႉ ပေႃးၼႆၸိုင် ၶႅၼ်းတေႃႈၵပ်းသိုပ်ႇမႃးပၼ်တီႈ ၸၢႆးၸိုၼ်ႈ ၵေႃႉပဵၼ် ၼွင်ႉၸၢႆး ၸၢႆးတွင်း မၢႆၾူၼ်းထႆး − 088 279 1141 ၼႆႉၽွင်ႈၶႃႈ။

ၸၢႆးတွင်းၼႆႉ မီးပီႈၼွင်ႉ 4 ၵေႃႉ ၵေႃႉပဵၼ်ပီႈဢၢႆႈလူင်တႄႉ ဢမ်ႇတွင်းၸိုဝ်ႈဝႃႈၼႆလႄႈ ၵေႃႉပဵၼ်ၼွင်ႉၸၢႆးသမ်ႉ ၸိုဝ်ႈမိူဝ်ႈလဵၵ်ႉႁွင်ႉ ၸၢႆးၸိုၼ်ႈ ယွၼ်ႉပိူဝ်ႈၵႆႉဢမ်ႇယူႇလီသေ လႆႈပိၼ်ႇၸိုဝ်ႈပဵၼ် ၸၢႆးသူၺ်ႇဢူး၊ ၼွင်ႉယိင်း ၸိုဝ်ႈႁွင်ႉ ယိင်းသႅင်ၸိင်ႇ ပဵၼ်လုၵ်ႈၸၢႆး ၼၢင်းဢေးၵျီႇ ၸိုဝ်ႈပေႃႈတေႉ ယွၼ်ႉပိူဝ်ႈ လႆႈလူႉသဵင်ႈၵႂႃႇ ၸဵမ်မိူဝ်ႈၸၢႆးၸိုၼ်ႈတိုၵ်ႉၵေႃႉလဵၵ်ႉ လႄႈ သမ်ႉဢမ်ႇလႆႈယူႇၸွမ်း ပီႈၼွင်ႉၼႆသေ ပဵၼ်ဢၼ်တွင်းဢမ်ႇလႆႈ ဝႃႈၼႆဢေႃႈ။

ၵဵဝ်ႇလူၺ်ႈလွင်ႈၼႆႉသေ ၸၢႆးၸိုၼ်ႈ (ၸၢႆးသူၺ်ႇဢူး) ၵေႃႉပဵၼ်ၼွင်ႉၸၢႆး ၸၢႆးတွင်း ၼၼ်ႉ လႆႈယိုၼ်ႈလိၵ်ႈထိုင် တႆးလွတ်ႈလႅဝ်းႁဝ်းၶႃႈဝႃႈ− “ၶႃႈၶႂ်ႈၸွမ်းႁႃပီႈၼွင်ႉၶႃႈႁဝ်း ဢၼ်ပဵၼ် ပီႈဢၢႆႈလူင်လႄႈ ပီႈဢၢႆႈတၢမ်းၶႃႈဢေႃႈ၊ ၸိုဝ်ႈပီႈဢၢႆႈလူင်တႄႉၶႃႈ ႁဝ်းဢမ်ႇတွင်းလႆႈၶႃႈ ၵူၺ်းတွင်းလႆႈ ၸိုဝ်ႈပီႈဢၢႆႈတၢမ်းၶႃႈ ၸိုဝ်ႈၸၢႆးတွင်းၼႆၶႃႈ၊ ယွၼ်ႉပိူဝ်ႈပေႃႈၶႃႈ လႆႈလူႉသဵင်ႈၵႂႃႇ ၸဵမ်မိူဝ်ႈႁဝ်းၶႃႈတိုၵ်ႉလဵၵ်ႉလႄႈ ဝၢႆးၼၼ်ႉ ႁဝ်းၶႃႈမႄႈလုၵ်ႈသမ်ႉၶိုၼ်ႈၵႂႃႇႁဵတ်းလုၵ်ႈလဵင်ႉ လုင်းတေႇၸႃႉ တီႈပၢင်သဝ် ၵမ်းၼၼ်ႉ မႄႈၶႃႈသမ်ႉလႆႈၵိူတ်ႇလဵင်ႉလုၵ်ႈထႅင်ႈၵေႃႉၼိုင်ႈ ဢၼ်ပဵၼ်ၼွင်ႉယိင်းၶႃႈ ယၢမ်းလဵဝ်သေ ယွၼ်ႉမီးႁဝ်းၶႃႈ 4 ၵေႃႉပီႈၼွင်ႉလႄႈ မႄႈႁဝ်းၵူဝ် ဢမ်ႇလဵင်ႉလႆႈတဵမ်ထူၼ်ႈ ၵူဝ်ႁဝ်းပီႈၼွင်ႉတုၵ်ႉၶ လႄႈ လႆႈဢဝ်ႁဝ်းပီႈၼွင်ႉ ၵႂႃႇပဵၼ်လုၵ်ႈၵဵပ်း ပိူၼ်ႈၵေႃႉတီႈတီႈ တေႃႈထိုင်ယၢမ်းၽွင်းတေႃႈလဵဝ် ႁဝ်းၶႃႈလႆႈၽၢတ်ႇၵၼ်ၵႂႃႇၵေႃႈတေမီး 18 ပီႊယဝ်ႉ ၶၢဝ်ႇငၢဝ်းသင်ၵေႃႈဢမ်ႇလႆႈငိၼ်း၊ ပဵၼ်ဢၼ်ၸႂ်ထိုင် ၶႂ်ႈထူပ်းႁၼ် ပီႈဢၢႆႈတင်းသွင် တေႉတေႉ ဢေႃႈ” ဝႃႈၼႆ။

သင်ၸိူဝ်ႉဝႃႈ ၸၢႆးတွင်းလႄႈ ပီႈဢၢႆႈလူင် ၸၢႆႈၸိုၼ်ႈ ယူႇတီႈလႂ်ၼႆၵေႃႈ ပေႃးလႆႈငိၼ်း ၶၢဝ်ႇၼႆၸိုင် ၶႂ်ႈႁႂ်ႈၵပ်းသိုပ်ႇ တိတ်းတေႃႇၸူးၵေႃႉပဵၼ်ၼွင်ႉၸၢႆးသေၵမ်း ၼႆယူႇ။

ၼပ်ႉယမ်ယႂ်ႇၼမ်သေ

ၼွင်ႉၸၢႆးပီႈဢၢႆႈတင်းသွင်