လူင်ပွင်ၸိုင်ႈသိုၵ်းမၢၼ်ႈၶဝ် ဢူၼ်ႈဢွၼ်ႇတေႃႇၼိူဝ် ၵၢၼ်ၵုမ်းၵမ်ယႃႈမဝ်းၵမ်

ၸွမ်ၸိုင်ႈ ၸိုင်ႈမိူင်းဢမေႇရိၵႃး ပႃးရႅၵ်ႉၶ် ဢူဝ်းပႃးမႃး (Barack Obama) လႆႈတႅပ်းတတ်း မၵ်းမၼ်ႈဝႃႈ ၸိုင်ႈ မိူင်းမၢၼ်ႈၼႆႉ ပဵၼ်ၸိုင်ႈမိူင်း ဢၼ်ၶဝ်ႈပႃးၼႂ်း 3 ၸိုင်ႈမိူင်းတီႈ လုတ်ႈႁၢမ်းၼႂ်းၵၢၼ် တိုၵ်းတေႃး ၽဵဝ်ႈမူၺ်ႉ လွင်ႈၵၢၼ်ၵႃႉၶၢႆ ယႃႈမဝ်းၵမ် ၼင်ႇတိူဝ်ႉယမ် ၼႂ်းပီႊ 2010။

ၼႂ်းၽိုၼ်လိၵ်ႈရၢႆးငၢၼ်း Report ၶွပ်ႈပီႊ ၶွင် INCSR ဢၼ်ၵဵဝ်ႇလူၺ်ႈယႃႈမဝ်းၵမ် ၶွင် ႁွင်ႈၵၢၼ်လူင် ၼွၵ်ႈမိူင်း ဢမေႇရိၵႃး ဝႃႈပဵၼ် မိူင်းမၢၼ်ႈလႄႈ ႁူမ်ႈပႃးလူၺ်ႈ ပူဝ်ႊလီးပီးယိူဝ်ႊ တင်းပိၼ်ႇၼီႇၸွႆးလႃးၼႆ လႆႈပိုၼ်ၽၢဝ်ႇ ဢွၵ်ႇမိူဝ်ႈဝၼ်း ၽတ်းတီႈပူၼ်ႉမႃးၼႆႉ။

ပိၵ်ႉသမ်ႉလႆႈႁၼ် ၸုမ်းၵုမ်းၵမ် ယႃႈမဝ်းၵမ် ၸိုင်ႈမိူင်းမၢၼ်ႈ မီးၵၢင်ၸႂ်ၶႂ်ႈဢဝ် လွင်ႈဢဝ်တၢင်း (ဢဝ်ဢယေး) ၵူၼ်းၵႃႉၶၢႆ ယႃႈမဝ်းၵမ် ယူႇသေတ ဢမ်ႇလႆႈႁၼ် ၸုမ်းၸဝ်ႈဢႃႇၼႃႇ သိုၵ်းမၢၼ်ႈၶဝ် ၶပ်းၶိုင်ၵမ်ႉၸွႆႈ ပၼ် ၵၢၼ်ငၢၼ်းၶွင် မုၵ်ႉၸုမ်းၼၼ်ႉ ဝႃႈၼၼ်။

ၼွၵ်ႈလိူဝ်သေ လႆႈႁၼ် ၼႂ်းၵေႈၵၢင်ၸုမ်းၵၢၼ်မိူင်း ၸၼ်ႉၵၢင်ၶဝ် မီးလွင်ႈၵိၼ်သူး ၵိၼ်လၢပ်ႈ ၵဵဝ်ႇလူၺ်ႈတင်း ယႃႈမဝ်းၵမ် ယူႇသေတ ၼင်ႇႁိုဝ်ႁႂ်ႈပေႃး လႆႈၵၢၼ်ၵမ်ႉထႅမ်ၶွင် ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းၶဝ်ၼၼ်ႉ ၶဝ်ပၼ်သုၼ်ႇ လႆႈၵႃႉၶၢႆယႃႈမဝ်းၵမ်ဝႆႉၼႆ ပိုၼ်ၽၢဝ်ႇၼႄဝႆႉပႃး။

ၸိုင်ႈမိူင်းမၢၼ်ႈၼႆႉ ပဵၼ်ၸိုင်ႈမိူင်း ဢၼ်ယႃႈၾိၼ်ႇ ဢွၵ်ႇၼမ်ၶိုၵ်ႉတွၼ်းသေ ဢမ်ႇၵႃး ပဵၼ်ၸိုင်ႈမိူင်း ဢၼ် ႁဵတ်းဢွၵ်ႇ ယႃႈၾိၼ်ႇၽိူၵ်ႇ ပႃးၸိုင်ႈမိူင်းၼိုင်ႈၼႆ ႁွင်ႈၵၢၼ်လူင်ၼွၵ်ႈမိူင်း ဢမေႇရိၵႃး လႆႈတႅပ်းတတ်းမၵ်း မၼ်ႈ။

ယူႇတီႈၸိုင်ႈမိူင်းမၢၼ်ႈသေ ၼႂ်းပီႊ 2014 ၼႆႉ တႃႇႁႂ်ႈၶေႃႈယိူင်းဢၢၼ်းတီႈ ႁႂ်ႈၵၢၼ်ၵႃႉၶၢႆ ယႃႈမဝ်းၵမ် ပေႃး ႁၢႆလၢႆၵႂႃႇတင်းလူင် လႆႈထိုင်တီႈဢွင်ႇမႅင်ႇၼၼ်ႉ ၼွၵ်ႈလိူဝ်သေ တၵ်းလႆႈဢဝ် လွင်ႈဢဝ်တၢင်းတီႈ ၶႃႈႁၢပ်ႇ ၵၢၼ် လူင်ပွင်ၸိုင်ႈၶဝ် ၸိူဝ်းတီႈၵိၼ်သူး ၵိၼ်လၢပ်ႈသေဢမ်ႇၵႃး တေလႆႈၵိုတ်းယိုတ်း ပႅတ်ႈၵၢၼ်ပၼ်သုၼ်ႇ လႆႈၵႃႉၶၢႆယႃႈမဝ်းၵမ်ၶွင် ၸုမ်းၸၢဝ်းၶိူဝ်းသေ ၶပ်းၶိုင်ႁဵတ်းသၢင်ႈၵၢၼ်ဢဝ် လွင်ႈဢဝ်တၢင်းၸွမ်းလၵ်း မၢႆၵႂႃႇၼင်ႇတိူဝ်ႉယမ် ၼႆ ပိုၼ်ၽၢဝ်ႇၼႄဝႆႉ ၼႂ်းၽိုၼ်လိၵ်ႈရၢႆးငၢၼ်းၼင်ႇဝႃႈၼၼ်ႉ။

လိူဝ်သေၼၼ်ႉ တႃႇႁႂ်ႈၵၢၼ်ၶတ်းၸႂ်ၶွင် ၵူၼ်းမိူင်းမၢၼ်ႈ ပေႃးလႆႈဢွင်ႇမႅင်ႇၼၼ်ႉ တၵ်းလူဝ်ႇၵၢၼ်ၵမ်ႉၸွႆႈ တီႈ ၵူႈၸိုင်ႈမိူင်းၵွၼ်ႇ ဝႃႈၼႆ။ၵူၺ်းၵႃႈ ၵွပ်ႈၸဝ်ႈတႃႇၼႃႉ ဢၼ်ၶႂ်ႈၸွႆႈၼၼ်ႉပေႃးဝႃႈ ၵၢၼ်လႅၵ်ႈလၢႆႈ တၢင်းၵၢၼ် မိူင်းမီးတီႈပွင်ႇမႃးလီလီၵွၼ်ႇ ၸင်ႇၶႂ်ႈၸွႆႈလႄႈ ပဵၼ်ဢၼ်လွင်ႈတၢင်းၶတ်းၶွင်ႈ တင်းၵၢၼ်ၶႂ်ႈၸွႆႈယူႇၼႆ လႆႈလၢတ်ႈၵႂႃႇ ပႃးၸိူဝ်ႉၼႆ။

တႆးလွတ်ႈလႅဝ်း

ၶၢဝ်ႇ VOA လၢႆးငၢၼ်း…

Facebook

ၶၢဝ်ႇလိုၼ်းသုတ်း