လၢဝ်း တီႉၺွပ်းလႆႈ ယႃႈမဝ်းၵမ်တင်းၼမ် ႁိမ်းသၢမ်ၸဵင်ႇၶမ်း

ၸဝ်ႈၼႃႈတီႈ မိူင်းလၢဝ်း တီႉၺွပ်းလႆႈ ယႃႈမႃႉ 33 လၢၼ်ႉပၢႆ လႄႈ ယႃႈဢၢႆႉသ် ၼမ်ႉၼၵ်း 500 Kg(ၵီႇလူဝ်ႇၵရမ်ႇ) တီႈႁိမ်းသၢမ်ၸဵင်ႇၶမ်း လႅၼ်လိၼ် မိူင်းတႆး-မိူင်းလၢဝ်း-မိူင်းထႆး ၼႆယဝ်ႉ။

မိူဝ်ႈဝၼ်းထီႉ 23 September 2022 (လိူၼ်သိပ်းလွင်ႈ 14 ၶမ်ႈ ပီႊတႆး 2116 ၼီႈ) ၸဝ်ႈၼႃႈတီႈ မိူင်းလၢဝ်း တီႉၺွပ်းလႆႈၽူႈၸၢႆးလၢဝ်း ဢႃႇယု 34 ပီႊၼိုင်ႈၵေႃႉ ႁူမ်ႈပႃး ယႃႈမႃႉမွၵ်ႈ 300,000 မဵတ်ႉ တီႈႁိမ်းဝၢၼ်ႈႁူမ်ႈယဵၼ် မိူင်းတူၼ်ႈၽိုင်ႈ(Muang Ton Phueng) ၸႄႈတွၼ်ႈပေႃႇၵႅဝ်ႈ(မေႃႇၵႅဝ်ႈ) မိူင်းလၢဝ်း ႁိမ်းၸမ်သၢမ်ၸဵင်ႇၶမ်း ၼႆယဝ်ႉ။

ဝၢႆးသေၼၼ်ႉ သမ်ႉၶိုၼ်းလႆႈၵႂႃႇၵူတ်ႇၸႅတ်ႈႁိူၼ်းလင်ၼိုင်ႈ ဢၼ်မီးၼႂ်းဝၢၼ်ႈ သီပုၼ်းႁိူင်း (Sibunruang) မိူင်းတူၼ်ႈၽိုင်ႈသေ တီႉၺွပ်းလႆႈထႅင်ႈ ၽူႈယိင်းၼိုင်ႈၵေႃႉ ႁူမ်ႈပႃးယႃႈမႃႉမွၵ်ႈ 33 လၢၼ်ႉမဵတ်ႉ ဢၼ်သႂ်ႇဝႆႉၼႂ်းထူင်ၸၢၼ်ႈသီၶဵဝ် 165 ထူင် ၼမ်ႉၼၵ်း 3,630 Kg လႄႈ ယႃႈဢၢႆႉသ် ၼမ်ႉၼၵ်း 500 Kg(ၵီႇလူဝ်ႇၵရမ်ႇ) ဢၼ်သႂ်ႇဝႆႉၼႂ်းထူင် 25 ထူင် ဝႃႈၼႆ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း