သင်ဢမေႇရိၵၢၼ်ႇယိုဝ်းၵႅတ်ႇပႅတ်ႈမၢၵ်ႇမဵတ်ႉသႆး ၵူဝ်းရီးယႃးႁွင်ႇ ပွင်ႇဝႃႈ ပိုၼ်ႇၽၢဝ်ႇႁဵတ်းပၢင်တိုၵ်း

မိူဝ်ႈဝၼ်းထီႉ 7 March 2023 (လိူၼ်သီႇလွင်ႈ 2 ၶမ်ႈ ပီႊတႆး 2117 ၼီႈ) လူင်ပွင်ၸိုင်ႈ ၵူဝ်းရီးယႃးၸၢၼ်း ပိုတ်ႇလၢတ်ႈၼႄဢၼ်တေၸၢင်ႈပဵၼ်ၵႂႃႇလႆႈ လွင်ႈတပ်ႉသိုၵ်း ၵူဝ်းရီးယႃးႁွင်ႇ တေၸၢမ်းယိုဝ်းမၢၵ်ႇမိတ်ႉသႆးၶၢမ်ႇမိူင်းသႅၼ်းမႂ်ႇလႄႈ ၸတ်းႁဵတ်း ပၢင်ၽိုၵ်းၽွၼ်ႉၵၢၼ်သိုၵ်း ၼႂ်းလိူၼ် March 2023 ထိုင် လိူၼ် April 2023 ဝႃႈၼႆ။

ၼႂ်းဝၼ်းလဵဝ်ၵၼ်ၼၼ်ႉၵူၺ်းၼင်ႇၵဝ်ႇ ၽၢႆႇတၢင်း  Kim Yo Jong ၼွင်ႉယိင်း ၸွမ်ၸိုင်ႈၵူဝ်းရီးယႃးႁွင်ႇ Kim Jong Un ဢွၵ်ႇသပ်းၸႅင်ႈၶၢဝ်ႇ ပၼ်ၾၢင်ႉဢမေႇရိ ၵၢၼ်ႇဝႃႈ ၵၢၼ်ယိုဝ်းၵႅတ်ႇပႅတ်ႈ မၢၵ်ႇမိတ်ႉသႆးၵူဝ်းရီးယႃးႁွင်ႇၼၼ်ႉ တူၺ်းႁၼ်ဝႃႈ ပဵၼ်ၵၢၼ်ပိုၼ်ၽၢဝ်ႇ ပိုတ်ႇပၢင်တိုၵ်းတေႃႇ လူင်ပွင်ၸိုင်ႈၵူဝ်းရီးယႃးႁွင်ႇ ဝႃႈၼႆ။

သိုပ်ႇလၢတ်ႈထႅင်ႈဝႃႈ ငဝ်ႈႁၢၵ်ႈလွင်ႈတၢင်းဢၼ်ႁဵတ်းႁႂ်ႈမီးၶဵင်ႈၶႅင် ၼႂ်းပၢင်ႇလၢႆႇ ၵူဝ်းရီးယႃးၼၼ်ႉ ပဵၼ်ယွၼ်ႉ တပ်ႉသိုၵ်းဢမေႇရိၵၢၼ်ႇလႄႈ ၵူဝ်းရီးယႃးၸၢၼ်း ၸတ်းႁဵတ်းပၢင်ၽိုၵ်းၽွၼ်ႉသိုၵ်းတိၵ်းတိၵ်းလႄႈ ဢွၼ်တၢင်းၼႆႉၵေႃႈ ၵူဝ်းရီးယႃးႁွင်ႇ လႆႈပိုၼ်ၽၢဝ်ႇ ပၼ်ၾၢင်ႉဝႃႈ တေဢဝ်ပၢင်ႇလၢႆႇပႄႈသိၾိၵ်ႇ ႁဵတ်းပဵၼ်ဢွင်ႈတီႈၸၢမ်းယိုဝ်း ၶိူင်ႈၵွင်ႈၵၢင်ႇ ဝႃႈၼႆ။

ၵဵဝ်ႇလူၺ်ႈလွင်ႈၼႆႉ ၽူႈထတ်းသၢင်မိူင်းဝၼ်းတူၵ်း ပၼ်ၾၢင်ႉဝႃႈ သင်ၸိူဝ်ႉပွႆႇႁႂ်ႈ ပဵၼ်ၸိူင်ႉၼႆၵႂႃႇတိၵ်းတိၵ်းၼႆ တေသၢင်ႈပၼ်တိုဝ်ႉတၢင်းႁႂ်ႈၵူဝ်းရီးယႃးႁွင်ႇ ၽိူမ်ႉထႅမ်ၼမ်ႉၵတ်ႉ ၽၢႆႇတၢင်း  Technology ထႅင်ႈ ဝႃႈၼႆ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း