သိုၵ်းမၢၼ်ႈတၢႆ 20 ပၢႆ လႄႈ မၢတ်ႇၸဵပ်း 30 ၵေႃႉ

သိုၵ်းမၢၼ်ႈ တင်း သိုၵ်းရၶႅင်ႇ AA ပဵၼ်ပၢင်တိုၵ်းၵၼ် ၼႂ်းပိုၼ်ႉတီႈမိူင်းၶျၢင်းလႄႈ မိူင်းရၶႅင်ႇသေ ၽၢႆႇသိုၵ်းမၢၼ်ႈတူၵ်းသုမ်းၵူၼ်းတင်းၼမ် လႄႈ သုမ်းပႃးၶိူင်ႈယိပ်းၵွင်ႈၵၢင်ႇတင်းၼမ်။

သိုၵ်းရၶႅင်ႇ AA ပိုၼ်ၽၢဝ်ႇဝႃႈ မိူဝ်ႈဝၼ်းထီႉ 31 October 2022 (လိူၼ်သိပ်းသွင်မႂ်ႇ 8 ၶမ်ႈ ပီႊတႆး 2116 ၼီႈ) ၼၼ်ႉ သိုၵ်းမၢၼ်ႈတပ်ႉၶမယ 201 လႆႈပဵၼ်ပၢင်တိုၵ်းၵၼ်တင်း သိုၵ်းရၶႅင်ႇ AA တီႈႁိမ်းဝၢၼ်ႈတႃႇယႃႇၵူင်း ၸႄႈဝဵင်းမွင်ႇတေႃး သေ ၽၢႆႇသိုၵ်းမၢၼ်ႈ တူၵ်းသုမ်းၵူၼ်း 3 ၵေႃႉလႄႈ သုမ်းပႃးၶိူင်ႈယိပ်းၵွင်ႈၵၢင်ႇတင်းၼမ်။

ၼႂ်းဝူင်ႈၵမ်းလိုၼ်းသုတ်းၶွင် လိူၼ် October 2022 ၼႆႉ သိုၵ်းသွင်ၽၢႆႇပိုတ်းယိုဝ်းၵၼ် တီႈၼႂ်းၸႄႈဝဵင်း ယတေႉတွင်ႇ၊ ပူးတီးတွင်ႇ၊ ၵျွၵ်ႉတေႃႇ၊ မျွၵ်ႉဢူး မိူင်းရၶႅင်ႇ လႄႈ ၸႄႈဝဵင်းပလႅတ်ႉဝ မိူင်းၶျၢင်း သေ ၼႂ်းပၢင်တိုၵ်းၸိူဝ်းၼႆႉ ၽၢႆႇသိုၵ်းမၢၼ်ႈ လႆႈတၢႆ  24 ၵေႃႉ မၢတ်ႇၸဵပ်း 26 ၵေႃႉဝႃႈၼႆ။

ၸုမ်းသိုၵ်းရၶႅင်ႇၼႆႉ ၵေႃႇတင်ႈၶိုၼ်ႈမႃး မိူဝ်ႈဝၼ်းထီႉ 10 April 2009 တီႈလၢႆႇၸႃႇ ၸႄႈမိူင်းၶၢင်သေ မိူဝ်ႈလဵဝ်တူင်ႉၼိုင်သိုၵ်းဝႆႉ ၼႂ်းမိူင်းရၶႅင်ႇ၊ မိူင်းတႆးပွတ်းႁွင်ႇ၊ မိူင်းယၢင်း (ၸွမ်းလႅၼ်လိၼ် ယၢင်း−ထႆး)၊ ၼႂ်းမိူင်းၶျၢင်း၊ မိူင်းၶၢင် ယူႇယဝ်ႉ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း