သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇယႃႉပႅတ်ႈႁူင်းႁဵတ်းမၢၵ်ႇ ဢၼ်မီးၼႂ်းၼႃႈလိၼ် KNU

ႁူင်းႁဵတ်းမၢၵ်ႇ ဢၼ်မီးတီႈႁိမ်းဝၢၼ်ႈမႅတ်ႉၵတႃႇ ၸႄႈဝဵင်းၽယႃးတူင်းသူႇ ၸႄႈတွၼ်ႈတူးပလႃႇယႃႇ ၼႂ်းၼႃႈလိၼ်ၵုမ်းၵမ်ၶွင် KNU ၼၼ်ႉ ထုၵ်ႇသိုၵ်းမၢၼ်ႈ ဢဝ်ႁိူဝ်းမိၼ်း ၵႂႃႇပွႆႇမၢၵ်ႇယႃႉၵွႆပႅတ်ႈယဝ်ႉ။

မိူဝ်ႈဝၼ်းထီႉ 16 November 2022 (လိူၼ်သိပ်းသွင်လွင်ႈ 9 ၶမ်ႈ ပီႊတႆး 2116 ၼီႈ) ယၢမ်းၵၢင်ၶိုၼ်းဢမ်ႇပႆႇထိုင် 01:00 မူင်းၼၼ်ႉ သိုၵ်းမၢၼ်ႈ ဢဝ်ႁိူဝ်းမိၼ်တိုၵ်း ၵႂႃႇပွႆႇမၢၵ်ႇသႂ်ႇ ႁူင်းႁဵတ်းမၢၵ်ႇ ဢၼ်မီးၼႂ်းၼႃႈလိၼ်ၵုမ်းၵမ်ၶွင် တပ်ႉၸုမ်း 6 KNU သေ မီးၵူၼ်းႁဵတ်းၵၢၼ် တၢႆ 3 ၵေႃႉ  လႆႈတၢင်းၸဵပ်းမၢတ်ႇ 6 ၵေႃႉ ၼႆယဝ်ႉ။

သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇယႃႉပႅတ်ႈႁူင်းႁဵတ်းမၢၵ်ႇ ဢၼ်မီးၼႂ်းၼႃႈလိၼ် KNU

ၵူၼ်းႁဵတ်းၵၢၼ်ၵေႃႉၼိုင်ႈလၢတ်ႈတီႈ သိုဝ်ႇၶၢဝ်ႇယၢင်း KIC ဝႃႈ သိုၵ်းမၢၼ်ႈမႃးပွႆႇမၢၵ်ႇ 2 ပွၵ်ႈ ပိုၼ်ႉတီႈၸိူဝ်းၼႆႉၵွႆၵႂႃႇမူတ်း  ၶူဝ်းၶွင်ဢၼ်မီးၼႂ်းၵူဝ်ႇတွင်ႇၼၼ်ႉၵေႃႈ ၵွႆမူတ်းယဝ်ႉ၊ လႅင်းၼွၼ်း ၵွႆ 3 လင်၊ ၾႆးမႆႈၵႃး 2 လမ်း၊ လႅင်းၼွၼ်းႁဝ်းဢမ်ႇတၼ်းၺႃးမၢၵ်ႇလႄႈ လွတ်ႈၽေးၵႂႃႇ ဝႃႈၼႆ။

ၸေႃႇမိၼ်းထုၼ်း ၽူႈၶၢၼ်ပၢၵ်ႇသိုၵ်းမၢၼ်ႈ လၢတ်ႈတီႈသိုဝ်ႇၶၢဝ်ႇ RFA ဝႃႈ ဢွင်ႈတီႈႁဵတ်းမၢၵ်ႇၼႆႉ ၽၢႆႇ KNU ႁဵတ်းဢမ်ႇၶဝ်ႈၸွမ်းပိူင်သေ ၽိတ်းမၢႆမီႈဝႆႉ လႄႈ ၸင်ႇလႆႈပိုတ်းယိုဝ်းၵွႆပႅတ်ႈ၊ ၼႂ်းၵၢၼ်ပိုတ်းယိုဝ်းပွၵ်ႈၼႆႉၵေႃႈ ၸွင်ႇမီးၵူၼ်းၼွၵ်ႈမိူင်း လႆႈတၢႆၸွမ်းၼႆၼၼ်ႉ ဢမ်ႇပႆႇၸၢင်ႈယိုၼ်ယၼ်လႆႈ ဝႃႈၼႆ။

သိုၵ်းမၢၼ်ႈဢဝ်ႁိူဝ်းမိၼ်ပွႆႇမၢၵ်ႇယႃႉပႅတ်ႈႁူင်းႁဵတ်းမၢၵ်ႇ ဢၼ်မီးၼႂ်းၼႃႈလိၼ် KNU

ပတူဝ်ႇၸေႃးတေႃးၼီး ၽူႈၶၢၼ်ႇပၢၵ်ႇ KNU တႄႉလၢတ်ႈဝႃႈ ဢွင်ႈတီႈႁဵတ်းမၢၵ်ႇၼႆႉ ႁဵတ်းမႃးႁိုင်ၼႃႇယဝ်ႉလႄႈ လႆႈၵိုတ်းယင်ႉၵႂႃႇပႅတ်ႈႁိုင်ဝႆႉယဝ်ႉ၊ ၵူၼ်းၸိူဝ်း ဢၼ်မီးၸွမ်းၼၼ်ႉသမ်ႉ မီးလွင်ႈယၢပ်ႇၽိုတ်ႇ တီႈယူႇသၢင်ႈၵိၼ်သဝ်းၵၼ် လႄႈ မုင်ႈမွင်းပႂ်ႉဝၼ်း တႃႇလႆႈႁဵတ်းၶိုၼ်းမၢၵ်ႇၼႆ လႆႈႁၼ် RFA ဢွၵ်ႇဝႆႉၼင်ႇၼႆ။

ဢွင်ႈတီႈႁဵတ်းမၢၵ်ႇၼႆႉ မီးၵူၼ်းမိူင်းၶႄႇ ယူႇၸွမ်းဝႆႉၵမ်ႈၽွင်ႈသေ ဢၼ်တိူဝ်ႉၺႃးမၢၵ်ႇသိုၵ်းမၢၼ်ႈလႄႈ လႆႈတၢႆၵႂႃႇၸိူဝ်းၼၼ်ႉသမ်ႉ ပဵၼ်ၵူၼ်း ၼႂ်းမိူင်းႁူမ်ႈတုမ် ၼႆယဝ်ႉ။

တႆးလွတ်ႈလႅဝ်း
https://www.facebook.com/photo?fbid=507952948033763&set=pcb.507953081367083

Facebook

ၶၢဝ်ႇလိုၼ်းသုတ်း