သိုၵ်းမၢၼ်ႈၶၢႆႉဝၼ်းပၢင်ပွႆးလိူၼ်သိပ်းသွင်မူၼ်း

ပၢင်ပွႆးလိူၼ်သိပ်းသွင်မူၼ်း ဢၼ်သိုၵ်းမၢၼ်ႈတေၸတ်းႁဵတ်းတီႈ ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ လႆႈၶၢႆႉဝၼ်းပၢင်ပွႆး လႄႈ သိုၵ်းမၢၼ်ႈ ၽိတ်ႈမွၵ်ႇပႃးဝႆႉၵူၼ်းၼွၵ်ႈမိူင်း ႁႂ်ႈလႆႈၶဝ်ႈႁူမ်ႈဝၼ်းပၢင်ပွႆး ဝႃႈၼႆ။

ပၢင်ပွႆးလိူၼ်သိပ်းသွင်မူၼ်း တီႈဝဵင်းလူင်တူၼ်ႈတီးၼႆႉ သိုၵ်းမၢၼ်ႈ ဢၢၼ်းၸတ်းႁဵတ်း ၼႂ်းဝၼ်းထီႉ 9−15 November 2024 ၼႆလႄႈ ၵွပ်ႈငဝ်းလၢႆးၾိင်ႈၾႃႉသေ ၶိုၼ်းလႆႈၶၢႆႉဝၼ်းပၢင်ပွႆးပဵၼ် 11−17 November 2024 ၶၢဝ်းတၢင်း 7 ဝၼ်း၊ ၼႂ်းဝၼ်းပၢင်ပွႆးၼၼ်ႉ မီးပၢင်ၶႄႉၶဵင်ႇႁူင်းၾႆးမိၼ် ၵူႈသႅၼ်းသႅၼ်းတၢင်းမူတ်းမီး 209 လုၵ်ႈၼႆယဝ်ႉ။

ၸွမ်းၼင်ႇလႆႈႁူႉၸွမ်း ၵူၼ်းမိူင်းၼႂ်းပိုၼ်ႉတီႈတႄႉ ႁူင်းလိုဝ်ႈသဝ်းဢၼ်မီးတီႈ ဝဵင်းလူင်တူၼ်ႈတီးၼႆႉ မီးၵူၼ်းမိူင်းလၢႆတီႈလၢႆတၢင်း ၵႂႃႇၶၢတ်ႈဝႆႉလူင်ႈၼႃႈ ပိူဝ်ႈတႃႇၵႂႃႇလိုဝ်ႈသဝ်း ၽွင်းဝၼ်းပၢင်ပွႆး လႄႈ တီႈယူႇတီႈၼွၼ်းၸွမ်း ႁူင်းလိုဝ်ႈသဝ်းၵေႃႈ သမ်ႉပေႃးတေတဵမ်မူတ်း ၼႆယူႇယဝ်ႉ။

တႆးလွတ်ႈလႅဝ်း