မိူဝ်ႈဝၼ်းထီႉ 23 January 2022 (လိူၼ်ၵမ်လွင်ႈ 7 ၶမ်ႈ ပီႊတႆး 2116 ၼီႈ) ႁွင်ႈၵၢၼ်လူင်ၽၢႆႇၼွၵ်ႈမိူင်း ဢမေႇရိၵၢၼ်ႇ လႆႈသင်ႇႁႂ်ႈ ၸဝ်ႈၼႃႈတီႈ ဢိၵ်ႇၵူၼ်းၼႂ်းၼႃႈႁိူၼ်း တီႈလုမ်းၽွင်းတၢင် ၼႂ်းဝဵင်းလူင် Kyiv ၼၼ်ႉ ဢွၵ်ႇၵႂႃႇတီႈ ၼႂ်းမိူင်းယူႇၶရဵၼ်း ၸွမ်းလူၺ်ႈ ပၼ်ႁႃလွင်ႈသုၵ်ႉယုင်ႈ ပွတ်းတွၼ်ႈၼၼ်ႉ တိူဝ်းၶိုၼ်ႈမႃးတိၵ်းတိၵ်း ၼႆယူႇ။
လိူဝ်သေၼၼ်ႉ လႆႈပၼ်ၶႂၢင်ႉႁႂ်ႈၽူႈမီးပုၼ်ႈၽွၼ်း ဢၼ်ဢမ်ႇမီးလွင်ႈတၢင်း ၸမ်ပဵၼ်သင်ၼၼ်ႉ ႁႂ်ႈဢွၵ်ႇၵႂႃႇတီႈယူႇၶရဵၼ်းလႆႈ လႄႈ ၵူၼ်းမိူင်းဢမေႇရိၵၢၼ်ႇ ဢၼ်ယူႇတီႈၼႂ်း ပွတ်းတွၼ်ႈၸိူဝ်းၼႆႉၵေႃႈ ႁႂ်ႈဢွၼ်ၵၼ်ႁိပ်ႈၼႅတ်ႈဢွၵ်ႇၵႂႃႇ ၵမ်းလဵဝ်သေ ၼႆယဝ်ႉ။
ၸွမ်းၼင်ႇမီးလၢႆးငၢၼ်းမႃးၼၼ်ႉ ရၢတ်ႉသျႃးတိုၵ်ႉဝၢင်းၽႅၼ် ၸႂ်ႉဢဵၼ်ႁႅင်းသိုၵ်းတေႃႇယူႇၶရဵၼ်း ဝႃႈၼႆ။
ယွၼ်ႉပၼ်ႁႃလွင်ႈသုၵ်ႉယုင်ႈ ၸွမ်းလႅၼ်လိၼ်ရၢတ်ႉသျႃးလႄႈ ယူႇၶရဵၼ်းသေ ႁွင်ႈၵၢၼ်လူင်ၽၢႆႇၼွၵ်ႈမိူင်း ပၼ်ၾၢင်ႉတီႈ ၵူၼ်းမိူင်းဢမေႇရိၵၢၼ်ႇဝႃႈ ယႃႇဢွၵ်ႇၶၢဝ်းတၢင်းၵႂႃႇ မိူင်းရၢတ်ႉသျႃး ဝႃႈၼႆ။
တႆးလွတ်ႈလႅဝ်း
ဢၢင်ႈဢိင်မႃးတီႈ TNN World