ဢီႇတလီႇ ထူပ်းႁၼ် ၵူၼ်းတိတ်းၸပ်းတၢင်းပဵၼ် မၢၵ်ႇလႅင်းလိင်း ထႅင်ႈ 20 ၵေႃႉ

ဢီႇတလီႇ ထူပ်းႁၼ် ၵူၼ်းတိတ်း ၸပ်းတၢင်းပဵၼ် မၢၵ်ႇလႅင်းလိင်းထႅင်ႈ 20 ၵေႃႉလႄႈ ၵူၼ်းတိတ်းၸပ်းတေတိူဝ်းၽိူမ်ႉၼမ်ၶိုၼ်ႈမႃးထႅင်ႈ ၼႂ်းဢမ်ႇႁိုင်သင်ၼႆႉ ဝႃႈၼႆ။

မိူဝ်ႈၼႆႉ ဝၼ်းထီႉ 2 June 2022 (လိူၼ်ၸဵတ်းမႂ်ႇ 4 ၶမ်ႈ ပီႊတႆး 2116 ၼီႈ) Pirpaolo Cileni ၵႅမ်ၽွင်းလူင်ၽၢႆႇပၢႆးယူႇလီ မိူင်းဢီႇတလီႇ ဢွၵ်ႇမႃးလၢတ်ႈဝႃႈ ယၢမ်းၽွင်းတေႃႇလဵဝ် တီႈမိူင်းဢီႇတလီႇ မီးၵူၼ်းတိတ်းၸပ်းတၢင်းပဵၼ်မၢၵ်ႇလႅင်း လိင်းထႅင်ႈ 20 ၵေႃႉ လႄႈ မိူဝ်ႈဢွၼ်တၢင်းၼၼ်ႉၵေႃႈ မီးၵူၼ်းပဵၼ်ယဝ်ႉ 19 ၵေႃႉ ယွၼ်ႉဢွၵ်ႇတႃႈပႆတၢင်းၵႂႃႇ ၼႂ်းလၢႆပိုၼ်ႉတီႈ ၵွပ်ႈၼၼ်ၼႂ်းၶၢဝ်းတၢင်း 2 ဝူင်ႈၼႆႉ တေပဵၼ်ၶၢဝ်းယၢမ်းၵဵပ်းတူဝ်သေ ထႅင်ႈလၢႆဝၼ်းတၢင်းၼႃႈၼႆႉ တေမီးၵူၼ်းတိတ်း ၸပ်းတိူဝ်ႉၶိုၼ်ႈမႃးထႅင်ႈ ဝႃႈၼႆ။

ၼႂ်းလုမ်ႈၾႃႉၼႆႉ ယၢမ်းၽွင်းတေႃႈလဵဝ် မီးၵူၼ်းတိတ်းၸပ်းၵႂႃႇယဝ်ႉ 30 ၸိုင်ႈမိူင်း ႁူဝ်ၼပ်ႉၵူၼ်းတိတ်းၸပ်းသမ်ႉ မီး 550 ၵေႃႉသေ ၵမ်ႉၼမ်ၵေႃႈ တေပဵၼ်ၼႂ်းယူးရူပ်ႇ ၼႆယဝ်ႉ။

ၽၢႆႇပၢႆးယူႇလီၸၢတ်ႈၸိုင်ႈလုမ်ႈၾႃႉၶဝ် ဢွၵ်ႇမႃးလၢတ်ႈဝႃႈ ၼႂ်းၶၢဝ်းယၢမ်းတေႃႈ လဵဝ် ဢမ်ႇပႆႇမီးလွင်ႈတၢင်းသင်တီႈတေလႆႈ ၼႅတ်ႈသမ်းယႃႁေႉၵင်ႈတၢင်းပဵၼ် မၢၵ်ႇလႅင်းလိင်း ယွၼ်ႉငဝ်းလၢႆးတၢင်းပဵၼ်တေႃႈလဵဝ်ၼႆႉ တိုၵ်ႉၵုမ်းထိင်းလႆႈယူႇ ဝႃႈၼႆ။

ၽၢႆႇလွင်ႈမၼ်ႈၼိမ်သဝ်း ၽၢႆႇပၢႆးယူႇလီ မိူင်းဢိင်းၵိတ်ႉၶဝ်ၵေႃႈ လႆႈဢွၵ်ႇၶေႃႈ ၼႄႉၼမ်း ၵဵဝ်ႇလူၺ်ႈၵူၼ်းၸိူဝ်းတိတ်းၸပ်းတၢင်းပဵၼ်မၢၵ်ႇလႅင်းလိင်းဝႃႈ ထုၵ်ႇလီငိူင်ႉဝႄႈ ယိပ်းတိူဝ်ႉသတ်းလဵင်ႉ ၼႂ်းၶၢဝ်းတၢင်း 21 ဝၼ်းလႄႈ ဢၼ်လွင်ႈယႂ်ႇ သတ်းလဵင်ႉ မိူၼ်ၼင်ႇ ၼူ၊ ပူး လႄႈ သတ်းလဵင်ႉမဵဝ်းပဵၼ်သၢႆၽၼ်းလိင်း ယွၼ်ႉၸၢင်ႈတေတိတ်း ၸပ်းလႆႈဝႆး ၼႆယဝ်ႉ။

တႆးလွတ်ႈလႅဝ်း

 

Facebook

ၶၢဝ်ႇလိုၼ်းသုတ်း