ၵူၼ်းဝၢၼ်ႈၼႂ်းဢိူင်ႇၼွင်လႅင် ၸႄႈဝဵင်းပၢင်လူင် ထုၵ်ႇသိုၵ်းလေႃးလႄး တီႉၺွပ်းၵႂႃႇ 31 ၵေႃႉ

မိူဝ်ႈၼႆႉ ဝၼ်းထီႉ 1 August 2022 (လိူၼ်ၵဝ်ႈမႂ်ႇ 5 ၶမ်ႈ ပီႊတႆး 2116 ၼီႈ) မိူဝ်ႈယၢမ်းၵၢင်ၼႂ်မွၵ်ႈ 05:00 မူင်းပၢႆၼၼ်ႉ သိုၵ်းလေႃးလႄး ဢၼ် SSPP ဢွၼ်ႁူဝ် ႁႅင်းသိုၵ်းမွၵ်ႈ 100 ၵေႃႉ ၵႂႃႇလွမ်ႉႁွပ်ႈဝၢၼ်ႈၵုင်း ဢိူင်ႇၼွင်လႅင် ၸႄႈဝဵင်းပၢင်လူင် ၸိုင်ႈတႆးပွတ်းၸၢၼ်းသေ တီႉၺွပ်းၵူၼ်းဝၢၼ်ႈၵႂႃႇ 31 ၵေႃႉ ၼႆယဝ်ႉ။

ၵူၼ်းမိူင်းၵေႃႉၼိုင်ႈ ပွင်ႇၶၢဝ်ႇမႃးဝႃႈ ၵူၼ်းမိူင်း 31 ၵေႃႉ ဢၼ်ထုၵ်ႇသိုၵ်းလေႃးလႄး ၶဝ်တီႉၺွပ်းၵႂႃႇၼႆႉ ပဵၼ်ၵူၼ်းဝၢၼ်ႈၵုင်းတင်းမူတ်းသေ သၢႆမၢႆၸိုဝ်ႈသဵင်ၸိူဝ်းၶဝ် ၼၼ်ႉ 1. လုင်းၼႃႇလိင်ႇ  ဢႃႇယု 60 ပီႊ၊ 2. လုင်းဝီႉ ဢႃႇယု 55 ပီႊ၊ 3. လုင်းတီႉယႃႉ  ဢႃႇယု  50 ပီႊ၊ 4. ၸၢႆးဢိင်ႇတႃႇ  ဢႃႇယု 45 ပီႊ၊ 5 . လုင်းၼၼ်ႇတႃႇ  ဢႃႇယု 51 ပီႊ၊ 6. ၸၢႆးၵေႃးဝီႉ ဢႃႇယု 30 ပီႊ၊ 7. ၸၢႆးလိုဝ်း ဢႃႇယု 30 ပီႊ၊ 8 . ၸၢႆးၵူးသလႃႉ ဢႃႇယု 30 ပီႊ၊ 9. ၸၢႆးဝီႉၵူးလႃႉ ဢႃႇယု 30 ပီႊ၊ 10. ၸၢႆးၵွၼ် ဢႃႇယု 20 ပီႊ၊ 11. ၸၢႆးၼေႃႇ ဢႃႇယု 18 ပီႊ၊ 12. ၸၢႆးသုယႃႉ ဢႃႇယု 30 ပီႊ၊ 13. ၸၢႆးၼၼ်ႇတႃႇ ဢႃႇယု 20 ပီႊ၊ 14. ၸၢႆးမေႃး ဢႃႇယု 30 ပီႊ၊ 15. ၸၢႆးဢေႃးတႃႉ ဢႃႇယု 30 ပီႊ၊ 16. ၸၢႆးမိူင်း ဢႃႇယု  20 ပီႊ၊ 17. ၸၢႆးသၢင်းၵၢင်း ၸၢဝ်းၶေႇ ဢႃႇယု 30 ပီႊ၊ 18. ၸၢႆးဢိင်ႇတေႃး ဢႃႇယု  30 ပီႊ၊   19. ၸၢႆးၸၼ်ႇတႃႉ ဢႃႇယု 30 ပီႊ၊ 20. ၸၢႆးလႃႉထုၼ်း ဢႃႇယု 20 ပီႊ၊ 21. ၸၢႆးဝိင်ႇ ဢႃႇယု  20 ပၢႆ၊ 22. ၸၢႆးသိုဝ်ႉ ဢႃႇယု 30 ပီႊ၊ 23. ၸၢႆးမူးၼီႉ ဢႃႇယု 20 ပၢႆ၊ 24. ၸၢႆးပၼ်ႇတႃႉ ဢႃႇယု 20 ပၢႆ၊ 25. ၸၢႆးဢိင်ႇတႃႉဢူး ဢႃႇယု  40 ပၢႆ၊  26. လုင်းၵူးၼႃႉ ဢႃႇယု 50 ပၢႆ၊ 27.ၸၢႆးပၢင်ႇ ဢႃႇယု 28 ပီႊ၊ 28. ၸၢႆးယႃႇမႃႉ ဢႃႇယု 25 ပီႊ၊  29. ၸၢႆးၺုၼ်ႉ ဢႃႇယု 20 ပၢႆ၊ 30. ၸၢႆးတီႉ ဢႃႇယု 20 ပၢႆ၊ 31. ၸၢႆးထုၼ်းဢွင်ႇ ဢႃႇယု 30 ပၢႆ ႁူမ်ႈတင်းမူတ်း 31 ၵေႃႉ ၼႆယဝ်ႉ။

ၵူၼ်းဝၢၼ်ႈၵုင်း 31 ၵေႃႉၼႆႉ သိုၵ်းလေႃးလႄး  တီႉၺွပ်း ဢဝ်တၢင်ႇၵႃးၵႂႃႇ တၢင်းဝၢၼ်ႈၵုင်းၵျွင်းသေ လႅပ်ႈတေဢဝ်ၵႂႃႇတီႈ ပၢင်သဝ်းသိုၵ်းလေႃးလႄး တီႈၵုင်းၸဝ်ႈမိူင်း တႃၶႃႇ ဢိူင်ႇတၢၼ်ႇဢေ ၸႄႈဝဵင်းပၢင်လူင် ၼႆယဝ်ႉ။

ၵူၼ်းမိူင်းၵေႃႉၼိုင်ႈယင်းထတ်းသၢင်လၢတ်ႈဝႃႈ ဢမ်ႇမီးလွင်ႈတၢင်းသင်သေ သိုၵ်းလေႃးလႄး ၵမ်းၵမ်းတီႉၺွပ်းၵူၼ်းဝၢၼ်ႈၵူၼ်းမိူင်း ဢၼ်ဢမ်ႇမီးတၢင်း ၽိတ်းသင် ၸိူင်ႉၼႆႉၼႆႉ ႁဵတ်းႁႂ်ႈၵူၼ်းမိူင်း ဢၼ်ယူႇသၢင်ႈၵိၼ်သဝ်းၼႂ်းပိုၼ်ႉတီႈ ဢမ်ႇမီးလွင်ႈႁူမ်ႇလူမ်ႈသေဢိတ်းယဝ်ႉ ဝႃႈၼႆ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း