ၸိူဝ်ႉမႅင်း COVID-19 ၸိူဝ်ႉၽၼ်း BF.7 ၽႄႈလၢမ်းၼႂ်းမိူင်းၶႄႇႁၢဝ်ႈႁႅင်း

ၸုမ်းၵုမ်းထိင်းႁႄႉၵင်ႈၸိူဝ်ႉမႅင်းတၢင်းပဵၼ်မိူင်းၶႄႇ ယိုၼ်ယၼ်ဝႃႈ ၸိူဝ်ႉမႅင်းတၢင်း ပဵၼ် COVID-19 ဢၼ်ၽႄႈလၢမ်းယူႇတီႈၼႂ်းမိူင်းၶႄႇယၢမ်းလဵဝ်ၼႆႉ ပဵၼ်ၸိူဝ်ႉၽၼ်း BF.7 လႄႈ ပဵၼ်ၸိူဝ်ႉၽၼ်းဢၼ်တိတ်းၸပ်းငၢႆႈ၊ ပႅၵ်ႉသမ်ႉဝႃႈ တေႁဵတ်းႁႂ်ႈမီးၽၢင်ႁၢင်ႈတၢင်းပဵၼ် ယွမ်းလူင်းသေတႃႉ ၵူတ်ႇၸႅတ်ႈထူပ်းႁၼ်လႆႈ ယၢပ်ႇ ဝႃႈၼႆ။

မိူဝ်ႈဝၼ်းထီႉ 29 November 2022 ငဝ်းလၢႆးတီႈၼႂ်းဝဵင်းလူင် Beijing ၸိုင်ႈမိူင်းၶႄႇ ၼၼ်ႉ ဝၢႆးသေထူပ်းႁၼ်ၵူၼ်းတိတ်းၸပ်း COVID-19 ၽိူမ်ႉသုင်ၶိုၼ်ႈလႄႈ ႁဵတ်းႁႂ်ႈ ၵူၼ်းမိူင်းလႆႈၶဝ်ႈထႅဝ် ၵူတ်ႇၸႅတ်ႈၸိူဝ်ႉမႅင်းတၢင်းပဵၼ်  COVID-19 သေ လၢၼ်ႉတၢင်းၶၢႆမၢင်ၸိူဝ်ႉၵေႃႈ လႆႈပိုၼ်ၽၢဝ်ႇပိၵ်ႉဢိုတ်းၵႂႃႇမိူၼ်ၵၼ် ဝႃႈၼႆ။

ၽူႈၵုမ်းၸီႉသင်ႇ ၼႂ်းၸုမ်းၵုမ်းထိင်းႁႄႉၵင်ႈၸိူဝ်ႉမႅင်းတၢင်းပဵၼ်မိူင်းၶႄႇ လၢတ်ႈ ထႅင်ႈဝႃႈ ပႅၵ်ႉသမ်ႉ COVID-19 ၸိူဝ်ႉၽၼ်း BF.7 ၼႆႉ တေႁဵတ်းႁႂ်ႈမီးၽၢင်ႁၢင်ႈတၢင်း ပဵၼ်ယွမ်းလူင်းၵႂႃႇသေတႃႉ ၵူၺ်းၵႃႈ သမ်ႉၶိုၼ်းႁဵတ်းႁႂ်ႈတိတ်းၸပ်းလႆႈငၢႆႈၶိုၼ်ႈ လႄႈ ၵူတ်ႇၸႅတ်ႈထူပ်းႁၼ်လႆႈယၢပ်ႇၶိုၼ်ႈမႃးသေ ႁဵတ်းႁႂ်ႈမီးလွင်ႈယၢပ်ႇၽိုတ်ႇ ၼႂ်းၵၢၼ်ၵုမ်းထိင်းႁႄႉၵင်ႈ လွင်ႈၽႄႈလၢမ်းၸိူဝ်ႉမႅင်းတၢင်းပဵၼ် COVID-19 ၼႆယဝ်ႉ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း