ၼမ်ႉထူမ်ႈၼႂ်းၸႄႈဝဵင်းမိူင်းပၼ်ႇထႅင်ႈ

ယွၼ်ႉၾူၼ်တူၵ်းႁၢဝ်ႈႁႅင်းသေ မီးၽေးသၽႃႇဝၼမ်ႉထူမ်ႈ ၼႂ်းၸႄႈဝဵင်းမိူင်းပၼ်ႇ ဝႃႈၼႆ။

မိူဝ်ႈဝၼ်းထီႉ 25 August 2022 (ဝၼ်းလိူၼ်ၵဝ်ႈလပ်း ပီႊတႆး 2116 ၼီႈ) ယွၼ်ႉၾူၼ်တူၵ်းႁႃႇယႂ်ႇႁႃႇလူင် ၶၢဝ်းယၢမ်းႁိုင်သေ ႁဵတ်းႁႂ်ႈၼမ်ႉႁူၺ်ႈၼမ်ႉလွႆ ဢိၵ်ႇတင်း ၼမ်ႉပၼ်ႇၶိုၼ်ႈလူၼ်ႉၽင်ႇ လႆၼွင်းလူၵ်ႈထူမ်ႈ ၼႂ်းဝၢၼ်ႈပႃႇၶႃး၊ ဝၢၼ်ႈႁူဝ်ၽၢႆလူင် လႄႈ ဝၢၼ်ႈမႂ်ႇ ဢိၵ်ႇပႃးတိူၵ်ႇႁႆႈလွၵ်းၼႃး တီႈၽုၵ်ႇသွမ်ႈၵူၼ်းမိူင်း ၸႄႈဝဵင်းမိူင်းပၼ်ႇ ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်းၸၢၼ်း ဝႃႈၼႆ။

မိူဝ်ႈပူၼ်ႉမႃး ၼႂ်းဝၼ်းထီႉ 11−13 August 2022 ၼႆႉၵူၺ်းၼင်ႇၵဝ်ႇ ယွၼ်ႉပိူဝ်ႈၾူၼ်တူၵ်းထပ်းၵၼ်လၢႆလၢႆဝၼ်းလႄႈ ၼမ်ႉၼွင်းလူၵ်ႈထူမ်ႈ ၼႂ်းၸိုင်ႈတႆးလၢႆလၢႆၸႄႈဝဵင်း မိူၼ်ၼင်ႇ− ၵျွၵ်းမႄး၊ လၢင်းၶိူဝ်း၊ မိူင်းပၼ်ႇ၊ တူၼ်ႈတီး၊ ၵဵင်းတုင် လႄႈ တႃႈၶီႈလဵၵ်း ၸိူဝ်းၼႆႉသေ ႁဵတ်းႁႂ်ႈၵူၼ်းမိူင်းမီးလွင်ႈလူႉသုမ်း တင်းၼမ်ယူႇယဝ်ႉ။

တႆးလွတ်ႈလႅဝ်း

Photo – Par Shwe Nyant