ၼႂ်းပၢၼ်ၶွင်ႇသီႇသိုၵ်းမၢၼ်ႈၼႆႉ လုၵ်းႁဵၼ်းတွပ်ႇလိၵ်ႈၸၼ်ႉသိပ်း ယွမ်းလူင်းၼမ်

ၼႂ်းပၢၼ်ၸုမ်းသိုၵ်းမၢၼ်ႈ ယိုတ်းဢၢမ်းၼၢတ်ႈၼႆႉ ၵူၼ်းတွပ်ႇလိၵ်ႈၸၼ်ႉသိပ်း ပီႊ 2022 ဢၼ်ၸတ်းႁဵတ်းၵႂႃႇၼႆႉ ယွမ်းလူင်း 70% ဝႃႈၼႆ။

မိူဝ်ႈဝၼ်းထီႉ 31 March 2022 (ဝၼ်းလိူၼ်သီႇလပ်း ပီႊတႆး 2116 ၼီႈ) ၸွမ်းၼင်ႇၽၢႆႇပၢႆးပၺ်ႇၺႃႇ ၸုမ်းသိုၵ်းမၢၼ်ႈ ပိုၼ်ၽၢဝ်ႇဝႆႉဝႃႈ ပီႊၼႆႉ ၵူၼ်းဢၼ်မႃးတွပ်ႇလိၵ်ႈ ၸၼ်ႉသိပ်း မီး 3 သႅၼ်ပၢႆၵူၺ်းသေ မိူဝ်ႈပီႊ 2020 ၼၼ်ႉ  ၵူၼ်းတွပ်ႇလိၵ်ႈ ၸၼ်ႉသိပ်း မီးထိုင် 9 သႅၼ် 7 မိုၼ်ႇလႄႈ လႆႈဝႃႈ ပီႊၼႆႉ ယွမ်းလူတ်းလူင်း 70% ဝႃႈၼႆ။

ပီႊၼႆႉ ၵူၼ်းတွပ်ႇလိၵ်ႈၸၼ်ႉသိပ်း ဢၼ်မႃးပၼ်သၢႆမၢႆတႃႇတွပ်ႇလိၵ်ႈ ၼႂ်းမိူင်းရၶႅင်ႇ မီး 45,592 ၵေႃႉ၊ တိူင်းဢေႇယႃႇဝတီႇ 40,320 ၵေႃႉ၊ တိူင်းတႃႈၵုင်ႈ 37,560 ၵေႃႉ၊ တိူင်းမၢၼ်းတလေး 37,202 ၵေႃႉ၊ တိူင်းမၵူၺ်း 22,142 ၵေႃႉ ၼေႇပျီႇတေႃႇ 17,207 ၵေႃႉ၊ တိူင်းပႃႇၵိူဝ် (ပွတ်းဢွၵ်ႇ) – 17,189 ၵေႃႉ၊ တိူင်းပႃႇၵိူဝ် (ပွတ်းတူၵ်း) 12,648 ၵေႃႉ၊ တိူင်းၸႄႈၵႅင်း 16,820 ၵေႃႉ၊ မိူင်းၶၢင် 12,783 ၵေႃႉ၊ မိူင်းမွၼ်း 11,916 ၵေႃႉ၊ မိူင်းယၢင်း 5,907 ၵေႃႉ၊ တိူင်းတၼိၼ်းတႃႇယီႇ 4,764 ၵေႃႉ၊ မိူင်းၶျၢင်း 2,958 ၵေႃႉ၊ မိူင်းတႆး (ပွတ်းၸၢၼ်း) 17,157 ၵေႃႉ၊ မိူင်းတႆး (ပွတ်းႁွင်ႇ) 6,601 ၵေႃႉ၊ မိူင်းတႆး (ပွတ်းဢွၵ်ႇ) 2,714 ၵေႃႉ ၵူၼ်းတွပ်ႇလိၵ်ႈ ဢၼ်ဢေႇသေပိူၼ်ႈၼၼ်ႉ ၼႂ်းမိူင်ႁူမ်ႈတုမ်ၼႆႉ ပဵၼ်မိူင်းယၢင်းလႅင် 780 ၵေႃႉ လႄႈ ၼွၵ်ႈမိူင်း 39 ၵေႃႉ ဝႃႈၼႆ။

ယွၼ်ႉၽူႈႁၢပ်ႇထၢမ်းၵၢၼ် ၼႂ်းၽၢႆႇပၢႆးပၺ်ႇၺႃႇ ဢမ်ႇၶိုၼ်ႈႁူင်းႁဵၼ်းသေ သၢၼ်ၶတ်း ၸုမ်းသိုၵ်းမၢၼ်ႈ ယိုတ်းဢၢမ်းၼၢတ်ႈ ၵေႃႈမီး၊ လုၵ်ႈဢွၼ်ႇႁူင်းႁဵၼ်း ၸိူဝ်းဢၼ်ႇဢမ်ႇယွမ်းႁပ်ႉ ဢမ်ႇယုမ်ႇၸႂ် ပၢႆးပၺ်ႇၺႃႇ ဢၼ်မီးပႃႈတႂ်ႈၸုမ်းသိုၵ်းမၢၼ်ႈယိုတ်းဢၢမ်းၼၢတ်ႈသေ ဢမ်ႇၶိုၼ်ႈႁူင်း ႁဵၼ်းၵေႃႈမီးတင်းၼမ် ၼႆယဝ်ႉ။

ပေႃးမႃး ၼပ်ႉၸင်ႈတူၺ်း ၼႂ်းမိူင်းႁူမ်ႈတုမ်းပတ်းပိုၼ်ႉ ဢၼ်မႃး တွပ်ႇလိၵ်ႈၸၼ်ႉသိပ်း ဝၼ်းဢွၼ်တၢင်းသုတ်း တေမီး 281,741 ၵေႃႉ ဝႃႈၼႆ။ ၼႂ်းပီႊၼႆႉ ပိုတ်ႇၽုၺ်ႇတီႈထတ်းလိၵ်ႈ ၼွၵ်ႈမိူင်း 20 တီႈ၊ ၼႂ်းမိူင်း တေမီး 1,238 တီႈ ႁူမ်ႈတင်းမူတ်း တေမီး 1,258 တီႈသေ ႁူဝ်ၵူၼ်းဢၼ်မႃးသႂ်ႇသၢႆမၢႆ တႃႇတွပ်ႇလိၵ်ႈ ၸၼ်ႉသိပ်း ႁူမ်ႈတင်းမူတ်း 312,424 ၵေႃႉ။ ဢၼ်မႃးတွပ်ႇလိၵ်ႈ ၵူၺ်းမီး 281,741 ၵေႃႉ ၼႆယဝ်ႉ။ ပီႊၼႆႉ တီႈဢၼ်တွပ်ႇ ၸၼ်ႉသိပ်းၼမ်သေပိူၼ်ႈ ထီႉ 1 ပဵၼ် မိူင်းရၶႅင်ႇ၊ ထီႉ 2 လႄႈ 3 ပဵၼ် တိူင်းတႃႈၵုင်ႈ လႄႈ တိူင်းမၢၼ်းတလေး ဝႃႈၼႆ။

တႆးလွတ်ႈလႅဝ်း

ဢၢင်ဢိင် – RFA