ၽူႈမီးၼမ်ႉၸႂ် ၸွႆႈထႅမ်ၶူဝ်းၼုင်ႈဝႆ တႃႇၵူၼ်းတိုတ်းယႃႈ

ၼင်ႇႁိုဝ်ၵူၼ်းတိုတ်းယႃႈ (ၵူၼ်းၽျၢတ်ႈယႃႈ) ၶဝ် ပေႃးတေလႆႈၼုင်ႈသိူဝ်ႈၶူဝ်းဢုၼ်ႇ ၽွင်းၶၢဝ်းၵတ်းၼႆလႄႈ ၽူႈမီးၼမ်ႉၸႂ် ၸွႆႈထႅမ်ၶူဝ်းၼုင်ႈဝႆ တႃႇၵူၼ်းတိုတ်းယႃႈ ဢၼ်မီးတီႈ ငဝ်ႈၸိုင်ႈလွႆတႆးလႅင်း ယူႇယဝ်ႉ။

မိူဝ်ႈဝၼ်းထီႉ 24 January 2022 (လိူၼ်ၵမ်လွင်ႈ 8 ၶမ်ႈ ပီႊတႆး 2116 ၼီႈ) ၽူႈမီးၼမ်ႉၸႂ် ဢၼ်ဢမ်ႇၶႂ်ႈဢွၵ်ႇၸိုဝ်ႈ ဢဝ်သိူဝ်ႈႁွင်းၶႆး 75 ၽိုၼ်၊ သိူဝ်ႈၶူဝ်းဢုၼ်ႇ 75 ၽိုၼ်၊ ၵူၼ်တႆးၶွၼ်ႇ 75 ၽိုၼ် လႄႈ ၶႅပ်းတိၼ် 75 ၵူႈ ဢိၵ်ႇတင်း ၶူဝ်းၶွင်ၸႂ်ႉတိုဝ်းထႅင်ႈ လၢႆလၢႆလွင်ႈ ၸွႆႈထႅမ်ပၼ်တီႈ ၵူၼ်းတိုတ်းယႃႈ ဢၼ်မီးတီႈ ငဝ်ႈၸိုင်ႈလွႆတႆးလႅင်း ဝႃႈၼႆ။

ယူႇတီႈၽူႈၵုမ်းၵူၼ်းတိုတ်းယႃႈၵေႃႈ ယိၼ်းၸူမ်းၶွပ်ႈၸႂ် ယႂ်ႇၼမ်ထိုင်တီႈ ၽူႈမီးၼမ်ႉၸႂ် ၸေႇတၼႃႇ ၽိူၵ်ႇၸိုၼ်ႈၶၢဝ်သႂ်ႇႁဝ်းၶဝ် တေႉတေႉဝႃႈဝႃႈ လႄႈ ယုၵ်ႉယွင်ႈဢဝ်ၵုင်ႇမုၼ် ၵူႈၵေႃႉၵူႈၸဝ်ႈ ယူႇယဝ်ႉ။

တႆးလွတ်ႈလႅဝ်း