ၽႅၼ်ႇလိၼ်ဝႆ တီႈၼႂ်းၸႄႈဝဵင်းၵဵင်းတုင်

မိူဝ်ႈဝၼ်းထီႉ 1 August 2022 (လိူၼ်ၵဝ်ႈမႂ်ႇ 5 ၶမ်ႈ ပီႊတႆး 2116 ၼီႈ) ယၢမ်းၵၢင်ၶိုၼ်း ၼၼ်ႉ ပဵၼ်ၽေးသၽႃႇဝၽႅၼ်ႇလိၼ်ဝႆ (ဢိင်ႇသၼ်ႇ) တီႈၼႂ်းၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇ ဝႃႈၼႆ။

ႁွင်ႈၵၢၼ်ၾိင်ႈၾႃႉရႃႇသီႇ ၶွင်ႇသီႇသိုၵ်းမၢၼ်ႈ ပိုၼ်ၽၢဝ်ႇၵႂႃႇဝႃႈ ယၢမ်းၵၢင်ၶိုၼ်း 22:33 မူင်းၼၼ်ႉ ၽႅၼ်ႇလိၼ်ဝႆ (ဢိင်ႇသၼ်ႇ) ႁႅင်းသၼ်ႇဝႆ ၸၼ်ႉပၢၼ်ၵၢင် (Moderate) 5.6 ရိၵ်ႇတိူဝ်ႇ တၢင်းလိုၵ်ႉလူင်းတႂ်ႈလိၼ် 9 ၵီႇလူဝ်ႇမီႇတိူဝ်ႇ ၽၢႆႇဢွၵ်ႇဝဵင်းၵဵင်းတုင် ဢၼ်ယၢၼ်ၵႆၵၼ်တင်းဝဵင်း 18 လၵ်းၼၼ်ႉ ဝႃႈၼႆ။

ၽႅၼ်ႇလိၼ်ဝႆ ပွၵ်ႈၼႆႉ ယွၼ်ႈထိုင်ပတ်းပိုၼ်ႉ မိူင်းတႆး  ​လႄႈ မိူင်းထႆး လၢႆပိုၼ်ႉတီႈသေ လွင်ႈလူႉသုမ်း မၢတ်ႇၸဵပ်း လူႉတၢႆတႄႉ ဢမ်ႇပႆႇလႆႈႁပ်ႉႁူႉၸွမ်း ၼႆယဝ်ႉ။

မိူဝ်ႈဝၼ်းထီႉ 21 July 2022 ပူၼ်ႉမႃးၼၼ်ႉၵေႃႈ ပဵၼ်ၽေးသၽႃႇဝ ၽႅၼ်ႇလိၼ်ဝႆ တီႈၼႂ်းၵႄႈ ၼႃႈလိၼ် ၸႄႈဝဵင်းၵဵင်းတုင် လႄႈ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇသေ ႁဵတ်းႁႂ်ႈသဵၼ်ႈတႃႈသၢႆတၢင်း ႁူဝ်ႉဢုတ်ႇ ႁိူၼ်းယေး ၵူၼ်းမိူင်း လူႉၵွႆၵူၼ်ႇပင်း ၵမ်ႈၽွင်ႈ ၼႆယဝ်ႉ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း