ၾူၼ်ၶၢဝ်းၵတ်းယင်းတိုၵ်ႉၸၢင်ႈတေသိုပ်ႇတူၵ်းထႅင်ႈထိုင် ဝၼ်းထီႉ 23 January 2022

ၸွမ်းၼင်ႇႁွင်ႈၵၢၼ်ၾိင်ႈၾႃႉရႃႇသီႇ ပိုၼ်ၽၢဝ်ႇဝႆႉၼၼ်ႉ ယွၼ်ႉပိူဝ်ႈသၢႆလူမ်းၽၢႆႇတၢင်းၽင်ႇပၢင်ႇလၢႆႇပင်းၵလႃး လႄႈ သၢႆလူမ်းၵတ်း ဢၼ်လုၵ်ႉတၢင်းမိူင်းၶႄႇ ၽတ်ႉၶဝ်ႈမႃးၼႂ်းမိူင်းႁူမ်ႈတုမ်လႄႈ ၾူၼ်ၶၢဝ်းၵတ်း ယင်းတိုၵ်ႉၸၢင်ႈတေသိုပ်ႇတူၵ်းထႅင်ႈထိုင် ဝၼ်းထီႉ 23 January 2022 ၼႆယဝ်ႉ။

ဢၼ်ၾူၼ်တေတူၵ်းၼႆႉ တေပဵၼ်ၸွမ်းပိုၼ်ႉတီႈ မိူင်းတႆး၊ မိူင်းၶၢင်၊ မိူင်းယၢင်း၊ မိူင်းမွၼ်း၊ မိူင်းယၢင်းလႅင်၊ တိူင်းၸႄႈၵႅင်းပွတ်းၼိူဝ်၊ တိူင်းတၼိၼ်းတႃႇယီႇ ၸိူဝ်းၼႆႉ ၾူၼ်တေတူၵ်းၼမ်လိူဝ်ပိူၼ်ႈသေ မိူင်းၶျၢင်း၊ မိူင်းရၶႅင်ႇ၊ တိူင်းမၢၼ်းတလေး (ဝဵင်းလိူဝ်ႇ)၊ တိူင်းမၵူၺ်း၊ တိူင်းပႃႇၵိူဝ်၊ တိူင်းတႃႈၵုင်ႈၸိူဝ်းၼႆႉ ၾူၼ်တေၸၢင်ႈတူၵ်းပဵၼ်ပိုၼ်ႉတီႈ ၼႆယဝ်ႉ။

ၽွင်းၾူၼ်တူၵ်းၼၼ်ႉ ၸၢင်ႈတေမီးပႃး ၾႃႉမႅပ်ႈၾႃႉၽႃႇ၊ မၢၵ်ႇႁဵပ်းတူၵ်းၸိူဝ်းၼႆႉလႄႈ ႁႂ်ႈလႆႈႁၢင်ႈႁႅၼ်းၵၼ်ဝႆႉပႃး ဝႃႈၼႆ။

ထႅင်ႈၽၢႆႇၼိုင်ႈၵေႃႈ မိူဝ်ႈၼႆႉဝၼ်းထီႉ 19 January 2022 (လိူၼ်ၵမ်လွင်ႈ 3 ၶမ်ႈ ပီႊတႆး 2116 ၼီႈ) ၾူၼ်တေၸၢင်ႈတူၵ်းၸွမ်းပိုၼ်ႉတီႈလႅၼ်လိၼ်ၸၢပ်ႈမိူင်းထႆး မိူၼ်ၼင်ႇ မိူင်းတႆးပွတ်းဢွၵ်ႇ ၸႄႈတွၼ်ႈတႃႈၶီႈလဵၵ်း တေၸၢင်ႈမီးၾူၼ်တူၵ်း ပႃးမၢၵ်ႇႁဵပ်း ၼႆယဝ်ႉ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း