သိုၵ်းမၢၼ်ႈဢဝ်မၢၵ်ႇပွႆႇသႂ်ႇၵူၼ်းဝၢၼ်ႈ

မိူဝ်ႈဝႃးဝၼ်းထီႉ 5 January 2025 (လိူၼ်ၵမ်မႂ်ႇ 7 ၶမ်ႈ ပီႊတႆး 2119 ၼီႈ) ၵူၼ်းမိူင်းလၢတ်ႈတီႈသိုဝ်ႇၶၢဝ်ႇ Khit Thit Media ၵႂႃႇဝႃႈ လွင်ႈၼႆႉလႆႈပဵၼ်ၵႂႃႇ မိူဝ်ႈဝၼ်းထီႉ 3 January 2025 ယၢမ်းၵၢင်ၶိုၼ်း 22:15 မူင်း ၸုမ်းသိုၵ်းမၢၼ်ႈ ဢဝ်ႁိူဝ်းမိၼ်ပွႆႇမၢၵ်ႇသႂ်ႇ တီႈဝၢၼ်ႈမျိၼ်းသႄႇ ၸႄႈဝဵင်းၸႄႈၵႅင်း တိူင်းၸႄႈၵႅင်း 40 လုၵ်ႈ လႄႈ ၸၢၵ်ႇမၢၵ်ႇတိူဝ်ႉၸပ်း ၵူၼ်းမိူင်း တၢႆ 3 ၵေႃႉ၊ မၢတ်ႇၸဵပ်း 7 ၵေႃႉ၊ ဝူဝ်း တၢႆမွၵ်ႈ 10 တူဝ်၊ ႁိူၼ်းၵူၼ်းမိူင်းၵွႆ 20 လင် လႄႈ ၵျွင်းမုၼ်ၸဝ်ႈလူႉၵွႆပႃးၵမ်ႈၽွင်ႈ ဝႃႈၼႆ။

မိူဝ်ႈဝၼ်းထီႉ 20 November 2024 ၼၼ်ႉၵေႃႈ ၸုမ်းသိုၵ်းမၢၼ်ႈ ယၢမ်ႈဢဝ်ႁိူဝ်းမိၼ် ၵႂႃႇပွႆႇမၢၵ်ႇသႂ်ႇ တီႈၼႂ်းဝၢၼ်ႈမျိၼ်းသႄႇ ပွၵ်ႈၼိုင်ႈယဝ်ႉလႄႈ ၵူၼ်းမိူင်း ဢမ်ႇလႆႈမၢတ်ႇၸဵပ်း ၸွမ်းသင်သေတႃႉ ႁိူၼ်းၵူၼ်းမိူင်း၊ ႁူင်းႁဵၼ်းသွၼ်လိၵ်ႈ၊ ၵျွင်းမုၼ်ၸဝ်ႈ ၸိူဝ်းၼႆႉ လႆႈတိူဝ်ႉၸပ်းမၢၵ်ႇလူႉၵွႆၵမ်ႈၽွင်ႈ ၼႆယဝ်ႉ။

တႆးလွတ်ႈလႅဝ်း