UN လၢတ်ႈ ၵူဝ်းရီးယႃးႁွင်ႇ ယိုဝ်းမၢၵ်ႇမိတ်ႉသႆး ပူၼ်ႉပႅၼ်မၢႆမီႈၵူႈမိူင်း

မိူဝ်ႈၼႆႉ ဝၼ်းထီႉ 21 March 2023 (လိူၼ်ႁႃႈမႂ်ႇ 1 ၶမ်ႈ ပီႊတႆး 2117 ၼီႈ) ၽူႈၼမ်းၼႂ်း ၵူႈလွင်ႈလွင်ႈ ၸၢတ်ႈၸိုင်ႈလုမ်ႈၾႃႉ (UN) လႆႈလၢတ်ႈၵႂႃႇတီႈၼႂ်းပၢင်ၵုမ်ၶိုၵ်ႉၶၵ်ႉ ၶွင်ႇသီႇၽၢႆႇႁူမ်ႇလူမ်ႈ ၸၢတ်ႈၸိုင်ႈလုမ်ႈၾႃႉ UNSC ၼၼ်ႉ ပဵၼ်ၵၢၼ်သႄႉသွမ်း လွင်ႈၸၢမ်းယိုဝ်းမၢၵ်ႇမိတ်ႉသႆး ၵူဝ်းရီးယႃးႁွင်ႇဝႃႈ ပဵၼ်လွင်ႈဢမ်ႇႁဵတ်းၸွမ်း ယိူင်းဢၢၼ်း ၼႂ်းၵႄႈၵၢင် မိူင်းတေႃႇမိူင်း ၼႂ်းၵၢၼ်ပူတ်းပွႆႇၶိူင်ႈယိပ်းၼိဝ်းၶလီးယႃး သေ ၶဝ်ႈႁႃဢုပ်ႇဢူဝ်း ႁႃတၢင်းဢွၵ်ႇဢဝ်ငမ်းယဵၼ်းၼင်ႇယိုၼ်းယၢဝ်းလႄႈ ႁဵတ်းႁႂ်ႈပွတ်းတွၼ်ႈပၢင်ႇလၢႆႇၵူဝ်းရီးယႃး ပူၼ်ႉလွတ်ႈၶိူင်ႈယိပ်းၼိဝ်းၶလီးယႃး ဝႃႈၼႆ။

ၼွၵ်ႈလိူဝ်သေၼႆႉ ၸၢတ်ႈၸိုင်ႈလုမ်ႈၾႃႉ UN ယင်းလႆႈတုၵ်းယွၼ်း ႁႂ်ႈၵူဝ်းရီးယႃး ႁွင်ႇ ဝၢႆႇႁႃ ႁဵတ်းသၢင်ႈၸွမ်း သဵင်ၵၢင်ၸႂ်ၶွင်ႇသီႇၽၢႆႇႁူမ်ႇလူမ်ႈ လႄႈ ႁူမ်ႈမိုဝ်းၵၼ် ႁဵတ်းသၢင်ႈၵႂႃႇ ဝႃႈၼႆ။

လွင်ႈႁဵတ်းသၢင်ႈၶွင် ၸၢတ်ႈၸိုင်ႈလုမ်ႈၾႃႉပွၵ်ႈၵမ်းၼႆႉ လႆႈမီးမႃးဝၢႆးသေ ၵူဝ်းရီးယႃး ႁွင်ႇ လႆႈၸၢမ်းယိုဝ်းမၢၵ်ႇမိတ်ႉသႆး မိူဝ်ႈဝၼ်းထီႉ 18−19 March 2023 ပူၼ်ႉမႃးလႄႈ ပဵၼ်သုၼ်ႇၼိုင်ႈၼႂ်းၽႅၼ်ၵၢၼ် လွင်ႈတုမ်ႉတွပ်ႇၵၢၼ်ၽိုၵ်းၽွၼ်ႉၵၢၼ်သိုၵ်း ဢမေႇရိၵၢၼ် တင်း ၵူဝ်းရီးယႃးၸၢၼ်း ဝႃႈၼႆ။

ၽၢႆႇတၢင်း ၽွင်းတၢင်ဢမေႇရိၵၢၼ်ႇ ဢၼ်ႁပ်ႉပုၼ်ႈၽွၼ်းယူႇဝႆႉၼႂ်း UN လႆႈလၢတ်ႈ ဝႃႈ လွင်ႈၸၢမ်းယိုဝ်းမၢၵ်ႇမိတ်ႉသႆး ၵူဝ်းရီးယႃးႁွင်ႇ မိူဝ်ႈဝၼ်းထီႉ 18−19 March 2023 လိူဝ်သေမၼ်းတေပဵၼ်လွင်ႈပူၼ်ႉပႅၼ် ႁဵတ်းႁၢႆႉလွင်ႈမၼ်ႈၼိမ်သဝ်းလႄႈ ပူၼ်ႉပႅၼ်မၢႆမီႈမိူင်းတေႃႇမိူင်းယဝ်ႉၼၼ်ႉ မၼ်းယင်းပဵၼ်ၵၢၼ်ပိုတ်ႇပၼ်ၾႆးၶဵဝ် ၵူဝ်းရီးယႃးႁွင်ႇ ႁႂ်ႈမုၼ်းလႅင်းၶိူင်ႈယိပ်းဢၼ်ပဵၼ်ၽေး လႄႈ မီးၼမ်ႉၵတ်ႉသုင်ၶိုၼ်ႈ သေ တေလႆႈဝႃႈ ဢမ်ႇမီးလွင်ႈမေႃႁပ်ႉဢဝ်ပုၼ်ႈၽွၼ်း သေဢမ်ႇၵႃး တေယိုဝ်းမၢၵ်ႇ မိတ်ႉသႆးၵေႃႈ ဢမ်ႇမီးလွင်ႈပွင်ႇၶၢဝ်ႇဝႆႉလူင်ႈၼႃႈသေ မီးၽေးတေႃႇ သၢႆၵၢၼ်မိၼ် ၵႄႈၵၢင်မိူင်းတေႃႇမိူင်း ဢိၵ်ႇတင်း လွင်ႈလႅၼ်ႈႁိူဝ်းၼႂ်းပၢင်ႇလၢႆႇ ၸိူဝ်းၼႆႉ ဝႃႈၼႆ။

တႆးလွတ်ႈလႅဝ်း

Facebook

ၶၢဝ်ႇလိုၼ်းသုတ်း