ၵူၼ်းၸူၼ်ယိုဝ်းတၢႆၵူၼ်းမိူင်း

မိူဝ်ႈဝၼ်းထီႉ 10 January 2025 (လိူၼ်ၵမ်မႂ်ႇ 12 ၶမ်ႈ ပီႊတႆး 2119 ၼီႈ) မီးၵူၼ်းၸူၼ် ၶဝ်ႈၸူၼ်ႁိူၼ်းၵူၼ်းမိူင်းလင်ၼိုင်ႈ တီႈၼႂ်းပွၵ်ႉယေႇဢူးၵျီး ဝဵင်းမိူင်းၵုတ်ႈ တိူင်းဝဵင်းလိူဝ်ႇသေ ၵူၼ်းၸူၼ်ယိုဝ်းတၢႆပႃး ၵူၼ်းမိူင်းၵေႃႉၼိုင်ႈ ဝႃႈၼႆ။

ၵူၼ်းမိူင်းၼႂ်းပိုၼ်ႉတီႈလၢတ်ႈၼႄဝႃႈ ၵူၼ်းၸူၼ်ၶဝ်ႈႁိူၼ်းၵႂႃႇသေ ၵႂႃႇဢဝ်ၸိူၵ်ႈ မတ်ႉဝႆႉၸဝ်ႈႁိူၼ်း လႄႈ ၵမ်းၼၼ်ႉမီးၵူၼ်းႁိမ်းႁွမ်းႁိူၼ်းၵေႃႉၼိုင်ႈ ဢမ်ႇႁူႉဝႃႈ မီးၸူၼ်ၼႆလႄႈ ပႆၶဝ်ႈၵႂႃႇၼႂ်းႁိူၼ်း လႆႈထုၵ်ႇၺႃးၵူၼ်းၸူၼ်ဢဝ်ၵွင်ႈယိုဝ်း တၢႆပႅတ်ႈၵမ်းသိုဝ်ႈၼႆၶႃႈ၊ ၶူဝ်းၶွင်ငိုၼ်းၶမ်းၸဝ်ႈႁိူၼ်း ၺႃးၸူၼ်လႆႈၵႂႃႇ ၵႃႈႁိုဝ်ၼႆၼၼ်ႉတႄႉ ဢမ်ႇလႆႈႁူႉၸွမ်း ဝႃႈၼႆ။

ထိုင်မိူဝ်ႈၼႆႉဝၼ်းထီႉ 14 January 2025 ၼႆႉၵေႃႈ ၵူၼ်းၸူၼ်တိုၵ်ႉပၢႆႈလွတ်ႈဝႆႉသေ မိူဝ်ႈလဵဝ်တီႈဝဵင်းမိူင်းၵုတ်ႈၼၼ်ႉ မီးဝႆႉၸုမ်းသိုၵ်း TNLA တူင်ႉၼိုင်ၵုမ်းၵမ်ဝႆႉ ၼႆယဝ်ႉ။

တႆးလွတ်ႈလႅဝ်း