ပီႈၼွင်ႉတႆး သႅၼ်ဝီ ၸွႆႈထႅမ်ငိုၼ်းတွင်း ၵေႃႉသိုၵ်း RCSS/SSA

ယိူင်းဢၢၼ်းႁႂ်ႈလႆႈပဵၼ်ငိုၼ်းၵႃႈၶဝ်ႈၽၵ်း ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ၼႆသေ ပီႈၼွင်ႉတႆး သႅၼ်ဝီ ၸူဝ်ႈၶၢဝ်းၸိုင်ႈထႆး ၸင်ႇလႆႈႁူမ်ႈၵၼ် ၸွႆႈထႅမ်ငိုၼ်းတွင်း ၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA  ဝႃႈၼႆ။

မိူဝ်ႈဝၼ်းထီႉ 3 September 2022 (လိူၼ်သိပ်းမႂ်ႇ 9 ၶမ်ႈ ပီႊတႆး 2116 ၼီႈ) ပီႈၼွင်ႉတႆး သႅၼ်ဝီ ၸူဝ်ႈၶၢဝ်း သွႆႈဝတ်ႉလၢၼ်ႇ သမ်ႇရူင်း ဝဵင်းလူင်မိူင်းၵွၵ်ႇ ၸိုင်ႈထႆး လႆႈၸွႆႈထႅမ် ငိုၼ်းတွင်းတီႈၵေႃႉသိုၵ်း တပ်ႉသိုၵ်းၸိုင်ႈတႆး RCSS/SSA ဢၼ်တူင်ႉၼိုင် ဝႆႉ ၼႂ်းၼႃႈသိုၵ်း တႃႇသၢင်ႉငိုၼ်းမၢၼ်ႈ 528,000 ပျႃး (ႁႃႈသႅၼ်သွင်မိုၼ်ႇပႅတ်ႇႁဵင်ပျႃး တဵမ်တဵမ်) ဝႃႈၼႆ။

ယူႇတီႈၽူႈမီးပုၼ်ႈၽွၼ်း RCSS/SSA ၵေႃႈ လႆႈတၢင်တူဝ် ၵေႃႉသိုၵ်းၵေႃႉႁၢၼ်တင်း သဵင်ႈသေ ယိၼ်းၸူမ်းၶွပ်ႈၸႂ်ယႂ်ႇၼမ်ထိုင် ပီႈၼွင်ႉတႆး သႅၼ်ဝီ လႄႈ ၽူႈမီးၼမ်ႉၸႂ် ၸေႇတၼႃႇ ၽိူၵ်ႇၸိုၼ်ႈၶၢဝ်သႂ်ႁဝ်းၶဝ် ၵူႈၵေႃႉၵူႈၸဝ်ႈ တေႉတေႉဝႃႈဝႃႈသေ လႆႈတႅမ်ႈတၢင်ႇၽိုၼ်ဝႂ်ယွင်ႈယေႃး ႁႂ်ႈပဵၼ်တီႈမၢႆတွင်းၵိုၵ်းပိုၼ်းၵႂႃႇ ယူႇယဝ်ႉ။

တႆးလွတ်ႈလႅဝ်း