ပီႈၼွင်ႉၶျၢင်း ၼွၵ်ႈမိူင်း ၼႂ်းမိူင်း ၸတ်းဝၼ်း ၸိူဝ်ႉၸၢတ်ႈၶျၢင်း

မိူဝ်ႈဝႃႈ ဝၼ်းထိ 20.02.2011 ၼၼ်ႉ ပဵၼ်ဝၼ်း ၸိူဝ်ႉၸၢတ်ႈ ၶျၢင်းၶွပ်ႈၶူပ်ႇ 63ပီႊလႄႈ ပီႈၼွင်ႉၶျၢင်း ၼွၵ်ႈမိူင်း ၼႂ်းမိူင်း လႆႈႁူမ်ႈ ၵၼ်ၸတ်း ဝၼ်းၸိူဝ်ႉ ၸၢတ်ႈ ၶဝ်ၵႂႃႇ လၢႆလၢႆတီႈ။

မိူဝ်ႈႁူဝ်ၶမ်ႈ 4မူင်းၼၼ်ႉ လႆႈၸတ်း ပၢင်ၵိၼ်ၶဝ်ႈ ႁူမ်ႈမူႇ မၢႆတွင်း ဝၼ်းၸိူဝ်ႉၸၢတ်ႈ ၶျၢင်းၶွပ်ႈၶူပ်ႇ 63ပီႊၵႂႃႇတီႈ ငဝ်ႈငုၼ်း ပႃႇတီႇ NLD ဢၼ်မီး တီႈသူၺ်ႇ ၵုင်ႇတၢႆႇ ဝဵင်းယၢၼ်ႇ ၵုင်ႇၼႆ ဢူးၺၢၼ်ဝိၼ်း ၽူႈတၢင်လၢတ်ႈ ပႃႇတီႇ NLD လၢတ်ႈၼႄ။

ၽူႈဢွၼ် ၸတ်းႁဵတ်း ဝၼ်းၸိူဝ်ႉၸၢတ်ႈၶျၢင်း ၸဝ်ႈၼိုင်ႈ တီႈမႄႈသွတ်ႇ ၼၼ်ႉလၢတ်ႈ ၼႄဝႃႈ “ယိူင်းဢၢၼ်း ဝႃႈတႃႇပဵၼ် လွင်ႈ ၵမ်ႉၸွႆႈ လွင်ႈၸိူဝ်ႉၸၢတ်ႈ၊ လွင်ႈတီႇမူဝ်ႇ ၶရေႇသီႇ ဢၼ်ၵူၼ်းမိူင်း မိူင်းမၢၼ်ႈ မုင်ႈမွင်းယူႇ ၼၼ်ႉသေ ၸင်ႇလႆႈ ၸတ်းႁဵတ်း၊ ႁဝ်းၶႃႈ ၶိုၼ်းၶူၵ်းၶူၼ်ႉ ဝူၼ်ႉထိုင် ဢၼ် ပူႇမွၼ်ႇၶျၢင်း ႁဝ်းၶဝ် လႆႈၶတ်း ႁႅင်းႁဵတ်း မႃးၸိူဝ်း ၼၼ်ႉသေ ၸင်ႇလႆႈ ၸတ်းႁဵတ်း ဝၼ်းၸိူဝ်ႉၸၢတ်ႈ ႁဝ်းၶႃႈ” ဝႃႈၼႆ။

ဝၼ်းၸိူဝ်ႉၸၢတ်ႈ ၶျၢင်း ဢၼ်ၸတ်းႁဵတ်း တီႈမိူင်း လေးသျႃးၼၼ်ႉ မီႈႁႅင်းၵူၼ်း 2000ပၢႆ ၶဝ်ႈႁူမ်ႈၼႆ သလၢႆး ၵျေႃႇၵျေႃႇ လၢတ်ႈၼႄ။

သလၢႆးပွႆႉလေး ၵေႃႉပဵၼ် ၽူႈၶပ်ႉၶိုင် ပွႆးတီႈ မိူင်းၵူဝ်းရီးယိူဝ်း ၸၢၼ်းၼၼ်ႉ လၢတ်ႈၼႄဝႃႈ “ၶျၢင်း ႁဝ်းၶႃႈ တင်းသဵင်ႈ ဢၼ်မီး တီႈၼႆႈတႄႉ ဢွၼ်ၵၼ် ၶိုၼ်းတိုၵ်း သူၼ်းဝႃႈ ၵၢမ်ႇၵျၢမ်ႇမႃး မိူင်းၶျၢင်း မိူဝ်းၼႃႈၼႆႉ မီးၼႂ်းမိုဝ်း ၶျၢင်းႁဝ်းၶႃႈ” ၼႆယူႇ။

ပွႆးဝၼ်း ၸိူဝ်ႉၸၢတ်ႈ ၶျၢင်းၼႆႉ တီႈမိူင်းၵျပၢၼ်ႇ၊ မိူင်းဢိၼ်း တီးယိူဝ်းလႄႈ ၼႂ်းမိူင်းဢမေႇ ရိၵၼ်ႇ တီႈဝဵင်း 12ဝဵင်းၼၼ်ႉေၵႃႈ လႆႈၸတ်း ႁဵတ်းၵႂႃႇ။

တင်ႈတႄႇ မိူဝ်ႈပီႊ 1948 ၼၼ်ႉမႃး ပီႈၼွင်ႉ ၶျၢင်းၶဝ် လႆႈဢွၼ်ၵၼ် မၵ်းမၼ်ႈဝႃႈ ဝၼ်းထိ 20 လိူၼ် February ၼႆႉပဵၼ် ဝၼ်းၸိူဝ်ႉၸၢတ်ႈ ၶျၢင်းမႃး တေႃႇထိုင် ယၢမ်းလဵဝ်။ ၶေႃႈမုၼ်း တီႈ DVBShare…

တႆးလွတ်ႈလႅဝ်း