ပူၵ်းပွင်ၸွႆႈထႅမ်ၵူၼ်းမိူင်း လၢႆလၢႆတီႈ ၼႂ်းၼႃႈတီႈၵုမ်းၵမ် RCSS/SSA

မိူဝ်ႈဝၼ်းထီႉ 12-14 July 2026 ၽူႈမီးပုၼ်ႈၽွၼ်းၽၢႆႇမေႃယႃ ၼႂ်းတပ်ႉၸုမ်း 727  လႆႈလူင်းပိုၼ်ႉတီႈ ၵူတ်ႇထတ်းပၢႆးယူႇလီ ၵူၼ်းမိူင်း ၼႂ်းၼႃႈတီႈၵုမ်းၵမ် RCSS/SSA ၸႄႈဝဵင်းမိူင်းတူၼ် ဝဵင်းပုင်ႇပႃႇၶႅမ် ၼႆယူႇယဝ်ႉ။

တႄႇဢဝ်ဝၼ်းထီႉ 13-14 July 2026 ၼႆႉၵေႃႈ ၽူႈမီးပုၼ်ႈၽွၼ်းၽၢႆႇမေႃယႃ လႆႈလူင်းပိုၼ်ႉတီႈၵူတ်ႇထတ်းၸႅတ်ႈတၢင်းပဵၼ် ပေႃႈမႄႈၵူၼ်းမိူင်း လႄႈ ၼႂ်းဝၼ်းထီႉ 14 July 2026 ၼႆႉၵူၺ်း ၵေႃႉသိုၵ်းၵေႃႉႁၢၼ် RCSS/SSA လႄႈ ပေႃႈမႄႈၵူၼ်းမိူင်း ႁူမ်ႈၵၼ်တီႇၽဵဝ်ႈလုမ်းလႃး ၵျွင်း ၵွင်းမူး၊ ႁူင်းႁဵၼ်း  လႄႈတင်း ၶုတ်းလုၵ်းယုၵ်းယၵ်း ၼႂ်းၸႄႈဝဵင်းမိူင်းၼၢႆးယူႇယဝ်ႉ။

လိူဝ်သေၼၼ်ႉ မိူဝ်ႈဝၼ်းထီႉ 14 July 2026  ၼႃႈတီႈဢုပ်ႉပိူင်ႇ RCSS/SSA ၸႄႈဝဵင်းမွၵ်ႇမႆႇ ယူႇတီႈၽူႈမီးပုၼ်ႈၽွၼ်းသေ လႆႈလူင်းပိုၼ်ႉတီႈ ႁူပ်ႉထူပ်း ၵူၼ်းမိူင်း လႄႈၸတ်းႁဵတ်းပၢင်ပၼ်ၵႂၢမ်းႁူႉၵႂႃႇယူႇယဝ်ႉ။

ၸွမ်းၼင်ႇပေႃႇလသီႇမုၵ်ႉၸုမ်းမီးဝႆႉ ပူၵ်းပွင်ၽဝၵူၼ်းမိူင်း ၼႆၼၼ်ႉ ယူႇတီႈ ၶွင်ႇသီႇဢဝ်ၶိုၼ်းၸိုင်ႈတႆး လႆႈႁဵတ်းသၢင်ႈမႃးတႃႇသေႇ ဢမ်ႇဝႃႈ ၵၢၼ်လူင်းပိုၼ်ႉတီႈ လုမ်းလႃးယူတ်းယႃပၼ်ၵူၼ်းမိူင်း၊ မႄးသဵၼ်ႈတႃႈသၢႆတၢင်း၊ ပူၵ်းပွင်ပၢႆးပၺ်ႇၺႃႇ၊ ပူၵ်းပွင်ၼႂ်းၵၢၼ်သႃႇသၼႃႇ ၸိူဝ်းၼႆႉ ယူႇယဝ်ႉ။

တႆးလွတ်ႈလႅဝ်း