ပၢင်တေႃႇလွင်းမီးတီႈၼႃႈတပ်ႉသိုၵ်းမၢၼ်ႈ ဝဵင်းတႃႈလိူဝ်ႇ

ပၢင်တေႃႇလွင်း လႆႈပိုတ်ႇၽုၺ်ႇၵႂႃႇ မိူဝ်ႈဝၼ်းထီႉ 14 October 2022 (လိူၼ်သိပ်းဢဵတ်းလွင်ႈ 5 ၶမ်ႈ ပီႊတႆး 2116 ၼီႈ) တီႈၽၢႆႇၼႃႈတပ်ႉမၢၼ်ႈ ၶမယ 316 လႄႈ ၵမ်ႈၼမ်တေပဵၼ် မၢၵ်ႇၵိင်ႈလွႆ၊ ၽၢႆႉၵိဝ်း၊ ၽၢႆႉၵျေႃႇၵႃႇ လႄႈ ထႅင်ႈလၢႆလၢႆမဵဝ်းၸိူဝ်းၼႆႉယူႇ ၼႆယဝ်ႉ။

ၵူၼ်းမိူင်းၼႂ်းပိုၼ်ႉတီႈလၢတ်ႈဝႃႈ တီႈဝဵင်းတႃႈလိူဝ်ႇၼႆႉ ၵူၼ်းၼုမ်ႇ ဢၼ်ယွင်ႇယႃႈၵေႃႈမီးၼမ် ၽူႈလၵ်ႉၵေႃႈၼမ်၊ လုၵ်ႈဢွၼ်ႇ ၸိူဝ်းပေႃႈမႄႈ ဢမ်ႇထိင်းလႆႈၵေႃႈၼမ်ၼႃႇ၊ ၵူၼ်းလၵ်ႉၶၢႆယႃႈ ၼႂ်းပၢင်တေႃႇလွင်းၵေႃႈမီး၊ လွင်ႈၸိူဝ်းၼႆႉ ၼိုင်ႈၶႅၼ်းတေႁဵတ်းႁႂ်ႈ ဢၵျၢင်ႉတၢင်းယၢမ်ႈၵူၼ်းၼုမ်ႇၶဝ် လူႉမႃးလိူဝ်ၵဝ်ႇၵူၺ်း၊ ပေႃးၸူးၸႂ်ၵူၼ်းမိူင်းတႄႉ ပၢင်တေႃႇပၢင်လွင်း ဢမ်ႇၶႂ်ႈႁႂ်ႈမီး၊ လွင်ႈၽၢႆႇၵဵဝ်ႇၶွင်ႈၶဝ် လႆႈႁပ်ႉငိုၼ်းသူးငိုၼ်းလၢပ်ႈတၢင်ႇတီႈသေ လိုမ်းတူၺ်းၶိုၼ်း ၵူၼ်းမိူင်း လႄႈ ယူႇမိူၼ်ၵူၼ်းဢမ်ႇႁူႉသင်ၼၼ်ႉၵေႃႈ ဢမ်ႇလီပဵၼ် ဝႃႈၼႆ။

တီႈဝဵင်းတႃႈလိူဝ်ႇၼႆႉ တေမီးသိုၵ်းမၢၼ်ႈတပ်ႉ ၶမယ 316၊ ၶမယ 571၊ ၶမယ 572၊ ဢမတ (တပ်ႉၶိူင်ႈလူင်) 388 လႄႈ ပျီႇတူႉၸိတ်ႉၵမ်ႈၽွင်ႈ ဢၼ်ယူႇတႂ်ႈငဝ်ႈငုၼ်း တိူင်းသိုၵ်းသၢမ်ၸဵင်ႇ ပၵ်းသဝ်းဝႆႉၼႆယဝ်ႉ။

တႆးလွတ်ႈလႅဝ်း