ၼင်ႇႁိုဝ်တေပဵၼ်မၢႆတွင်းဝၼ်းဢွၵ်ႇဝႃႇ ၼႆသေ ယူႇတီႈၸုမ်းပိတ်ႉမၢၵ်ႇၼင် Tattoo Tai လႆႈဢွၼ်ႁူဝ်ၸတ်းႁဵတ်းပၢင်ၶႄႉၶဵင်ႇပိတ်ႉမၢၵ်ႇၼင်ႇၵႂႃႇ တီႈႁူင်းႁဵၼ်းၸိူဝ်ႉၸၢတ်ႈ ငဝ်ႈၸိုင်ႈလွႆတႆးလႅင်း ဝႃႈၼႆ။

ၽွင်းၶၢဝ်းဢွၵ်ႇဝႃႇသႃပီႊၼႆႉ ၸုမ်းပိတ်ႉမၢၵ်ႇၼင် Tattoo Tai လႆႈဢွၼ်ႁူဝ်ၸတ်းႁဵတ်းပၢင်ၶႄႉၶဵင်ႇပိတ်ႉမၢၵ်ႇၼင် တီႈႁူင်းႁဵၼ်းၸိူဝ်ႉၸၢတ်ႈ ၸၼ်ႉငဝ်ႈ/ၸၼ်ႉၵၢင် ငဝ်ႈၸိုင်ႈ လွႆတႆးလႅင်း ၼႂ်းဝၼ်းထီႉ 8−9 October 2022 ၶၢဝ်းတၢင်း 2 ဝၼ်း မီးၸုမ်းၶဝ်ႈၶႄႉၶဵင်ႇ 12 ၸုမ်းလႄႈ ၸုမ်းပိတ်ႉမၢၵ်ႇၼင် ဢူၺ်းၵေႃႉယၢင်း ၶဵင်ႇပေႉလႆႈသူးထီႉ 1 ၊ ၸုမ်း Friendship C သမ်ႉလႆႈသူးထီႉ 2 သေ ပၢင်ၶႄႉၶဵင်ႇလဵၼ်ႈႁႅင်းဝၼ်းဢွၵ်ႇဝႃႇ ပီႊ 2022 ပဵၼ်ဢၼ်ယဝ်ႉတူဝ်ႈၵႂႃႇလီငၢမ်း ဝႃႈၼႆ။

ယိူင်းဢၢၼ်းဢၼ်လႆႈၸတ်းႁဵတ်း ပၢင်ၶႄႉၶဵင်ႇလဵၼ်ႈႁႅင်းၼႆႉတႄႉၵေႃႈ တႃႇႁႂ်ႈမီး လွင်ႈၽွမ်ႉႁူမ်ႈ မိုတ်ႈၵိုဝ်းၸမ်ၸႂ်ၵၼ်၊ ယၢၼ်ႁၢင်ႇတင်းၽေးယႃႈမဝ်းၵမ်၊ တွၼ်ႈတႃႇႁႂ်ႈပၢႆးယူႇလီ တူဝ်ၶိင်းၵႅၼ်ႇၶႅင်၊ လူတ်းယွမ်းလွင်ႈသုၵ်ႉယုင်ႈၶမ်ၸႂ် လႄႈ သူင်သိူဝ်းပွႆးဢွၵ်ႇဝႃႇ ၼႆယူႇယဝ်ႉ။

တႆးလွတ်ႈလႅဝ်း