ပၢင်ႁူမ်ၸူမ်းလေႃႇလွင်း ပိုၼ်ႉၵျွင်းမူဝ်သၢမ်လူင်ႇ(ၸၼ်ႉသီႇ) လႄႈ လူႇတၢၼ်းသၢင်ႇၵၢၼ်းၵထိၼ်ႇ

သင်ႇၶၸဝ်ႈ လႄႈ ၸဝ်ႈတႃႇၼ တၵ်ႉၵႃႇသတ်ႉထႃး ၸုမ်းပႂ်ႉပႃးလုမ်းလႃးထမ်ႈ ၸဝ်ႈသိူဝ်ၶၢၼ်ႇၾႃႉ ထုင်ႉမၢဝ်း ၸတ်းႁဵတ်းပၢင်လေႃႇလွင်းပိုၼ်ႉ ၵျွင်းမူဝ်သၢမ်လူင်ႇ ၸၼ်ႉသီႇ လႄႈ လူႇတၢၼ်းၵၼ်ႇထိၼ်ႇၶိၼ်း တမ်းတီႈသင်ႇၶၸဝ်ႈ ဝႃႈၼႆ။

မိူဝ်ႈဝၼ်းထီႉ 11 October 2022 (လိူၼ်သိပ်းဢဵတ်းလွင်ႈ 2 ၶမ်ႈ ပီႊတႆး 2116 ၼီႈ) ၸုမ်းၸဝ်ႈတႃႇၼ လႆႈၵႂႃႇပႂ်ႉႁပ်ႉပၢင်းၸဝ်ႈသြႃႇလူင် မိလိင်ႇတ ဝတ်ႉဢွင်ႇမင်ႇၵလႃႇ ၽူဝ်းတေႃႇ ဝဵင်းသီႇပေႃႉ တီႈ 105 လၵ်းသေ ၶိုၼ်းၵႂႃႇလူယဵမ်ႈတူၺ်း ထၢတ်ႈၵွင်းမူး လူင် သုဝၼ်ႇၼ မိၵတႃႇ မႁႃႇၸေႇတီႇ ဝဵင်းမူႇၸေႊ လႆႈထႆႇၶႅပ်းႁၢင်ႈ ႁႂ်ႈပဵၼ်တီႈ မၢႆတွင်းၵႂႃႇ ဝႃႈၼႆ။ ဝၢႆးသေၼႆႉ ၶိုၼ်းလႆႈၵႂႃႇလိုဝ်ႈသဝ်း တီႈဝတ်ႉလွႆတိုင်ႈၶမ်း ၸူဝ်ႈ ၶၢဝ်းလႄႈ ၶိုၼ်းလႆႈသိုပ်ႇႁွတ်ႈၽႅဝ်တီႈႁိူၼ်းတၵ်ႉၵႃႇ ၸဝ်ႈတႃႇၼလူင် ၼၢႆးၵျွင်းၶမ်း မျႃႉယီႇ မၢၼ်ႈပၢင်ႇၶမ်း၊ ထိုင်မႃးယၢမ်းၵၢင်ၶမ်ႈ 19:00 မူင်း ၸဝ်ႈသြႃႇလူင် မိလိင်ႇတ ဢွၼ်ဢဝ်ၸဝ်ႈတႃႇၼ မူႇလုၵ်ႈၸုမ်းလၢၼ် ဝႆႈၽြႃးလူႇမွၵ်ႇၼမ်ႉၾႆးတဵၼ်းယဝ်ႉ ၼၼ်ႉ ၸရေးၸၢႆးၸိူင်းဢွၼ်ႇ တၢင်တူဝ်ၸဝ်ႈတႃႇၼ ၽိတ်ႈပၢင်ၸဝ်ႈသြႃႇလူင် မလိင်ႇတ ပၼ်ဢေႃးဝႃႇတ ၶေႃႈသင်ႇသွၼ်ၵႂႃႇ ဝႃႈၼႆ။

ထိုင်မႃးဝၼ်းထီႉ 12 October 2022 ယၢမ်းၵၢင်ၼႂ်ၸဝ်ႉ 05:00 မူင်း လႆႈတၢင်ႇဢၼေႇၵ ၸႃႇၽြႃးပဵၼ်ၸဝ်ႈ တီႈႁိူၼ်းၸဝ်ႈတႃႇၼ ၼၢႆးၵျွင်းၶမ်းမျႃႉယီႇယဝ်ႉသေ၊ ယၢမ်း 06:00 မူင်း ၶိုၼ်ႈလႆႈၵၢမ်ႈသွမ်းသင်ႇၶၸဝ်ႈ၊ ထိုင်မႃးယၢမ်း 08:30 မူင်းသမ်ႉ လႆႈၵၢပ်ႈ လူႇပရိၵ်ႉၶရႃႇ သၢင်ႇၵၢၼ်းတီႈၸဝ်ႈသြႃႇလူင် မိလိင်ႇတ တီႈထမ်ႈၸဝ်ႈသိူဝ် ၶၢၼ်ႇၾႃႉ ဝတ်ႉမူဝ်သၢမ်လူင်ႇ သိုပ်ႇထၢပ်ႈၵၢမ်ႇယေႃးမုၼ်ၵႂႃႇလႄႈ ႁူမ်ႈပႃးတင်း ၸဝ်ႈသြႃႇ ၼၼ်ႇတႃႇသီႇရိ ဝတ်ႉႁူဝ်မိူင်း၊ ၸဝ်ႈပိင်ၺႃႇ၊ ၸဝ်ႈဢႃႇသၽ ၽူဝ်းတေႃႇသီႇပေႃႉ၊ ၸဝ်ႈမုၼိၼ်ႇတ ဝတ်ႉလွႆတိုင်ၶမ်း ဝႃႈၼႆ။

ဝၢႆးသေၼၼ်ယဝ်ႉ ၸရေးလူင် လုင်းသၢင်ႇဢုင်း ထုင်ႉမၢဝ်း ဢွၼ်ႁူဝ်လူႇတၢၼ်း ၵၼ်ႇတေႃး ရတၼႃႇၸဝ်ႈသၢမ်ပႃး၊ လႆႈႁပ်ႉၶၢမ်ႇသိလ်တမ်ႈတီႈ သင်ႇၶၸဝ်ႈယဝ်ႉ သေ လႆႈလူႇတၢၼ်းသၢင်ႇၵၢၼ်းၵထိၼ်ႇ ပွၵ်ႈၵမ်း 5 လႄႈ ထွမ်ႇထမ်းတြႃးၸဝ်ႈ ယၢတ်ႇၼမ်ႉဝူၺ်ႇဝၢၵ်ႈၵုသူဝ်ႇပၼ် ၽီသၢင်သတ်းၵူၼ်းတင်းသဵင်ႈ၊ ႁူမ်ႈၵၼ် လွတ်ႈႁေႃး ပုတ်ႉထသႃႇသၼမ်ႇ ၸိရမ်ႇတိတ်ႉထတုယဝ်ႉလႄႈ လႆႈထႆႇၶႅပ်းႁၢင်ႈ ႁႂ်ႈပဵၼ်တီႈမၢႆတွင်းသေ ၶိုၼ်းသိုပ်ႇပၢင်းၸဝ်ႈသြႃႇလူင် မိလိင်ႇတ ဢွၼ်ႁူဝ်ၼမ်းၼႃႈ ၸဝ်ႈတႃႇၼတင်းသဵင်ႈ လေႃႇလွင်းပိုၼ်ႉၵျွင်းမူဝ်သၢမ်လူင်ႇ ၸၼ်ႉသီႇၵႂႃႇ၊ ထိုင်မႃးယၢမ်းၵၢင်ဝၼ်း လႆႈၵၢပ်ႈပဵၼ်း(သွမ်းဝၼ်း) တီႈသင်ႇၶၸဝ်ႈလႄႈ ၸႃႇၵလဵင်ႉလူ ပီႈၼွင်ႉၸိူဝ်းမႃးၶဝ်ႈႁူမ်ႈပၢင်ပွႆးၵႂႃႇ ဝႃႈၼႆ။

တႆးလွတ်ႈလႅဝ်း