မိူင်းၵႂၢင်ႊသီႊ

မိူင်းၵႂၢင်ႊသီႊ(ၸဝ်ႈၶိူဝ်းသိူဝ် ပၼ်တိတ ၶိူဝ်းတႆးဝႃႈ- မိူင်းၵၢင်းသိူဝ်) တင်ႈယူႇၼႂ်း မိူင်းၶႄႇလူင်ပွတ်းတႂ်ႈ။ တၢင်းႁွင်ႇတိတ်းၸပ်းပၢင်ႇလၢႆႇၶူတ်း၊ တၢင်းၸဵင်ႇႁွင်ႇဝၼ်း တူၵ်း လႄႈတၢင်းတူၵ်း တိတ်းၸပ်းၸႄႈမိူင်းၵႂၢင်ႊတူင်ႊ(ၵၢင်းတုင်)၊ ၵုၺ်ႊၸႂ်ႊဝ်(မိူင်းၵူၺ်ႉ)လႄႈယုၼ်ၼၢၼ်(မိူင်းသႄ)။

တၢင်းၸဵင်ၸၢၼ်းဝၼ်းတူၵ်း တိတ်းၸပ်းမိူင်းၵႅဝ်(ဝႅ‌တ်ႉၼၢမ်း)လႄႈ လႆႈထုၵ်ႇမၵ်း မၼ်းပဵၼ်တၢင်းၵၢၼ်ပဵၼ်ၸႄႈမိူင်းၽွင်းငမ်းတူဝ်ၵဝ်ႇတႆးသူင်ႉ မိူဝ်ႈ 05/03/1958, ၸႄႈမိူင်းၵႂၢင်ႊသီႊ ၵႂၢင်ႈ 230,000 ၶႂႆႇလွၵ်းလၵ်းမၢႆႉလ်သေ မီးႁူဝ်ၵူၼ်း 44.89 လၢၼ်ႉ ၵေႃႉ(ၼႂ်းပီ 2000)- ၼႆယူႇ။ ဝဵင်းလူင်ၸိုဝ်ႈ ဝဵင်းၼၢၼ်ၼိင်(ဝဵင်းၼမ်ႉၼိင်း) လႄႈ မီးၸၢဝ်းၶိူဝ်း 12 ၸၢဝ်းၶိူဝ်း၊ ၸိူင်ႉၼင်ႇ တႆးသူင်ႉ၊ တႆးတူင်ႉ၊ တႆးမူႇလၢဝ်း၊ တႆးမေႃႇၼမ်ႉ၊ တႆးယီး၊ တႆးသုၺ်ႇ၊ တႆးၵႄးလၢဝ်း၊ ၸၢဝ်းၶႄႇ၊ ၸၢဝ်းယၢဝ်ႉ၊ ၸၢဝ်းမႅဝ်ႉ၊ ၸၢဝ်းႁုၺ်း၊ ၸၢဝ်းၵျိၼ်ႊ ၸိူဝ်းၼႆႉ။ ၼႂ်ႈၼၼ်ႉ ၸၢဝ်းတႆးသူင်ႉ မီးၼမ်လိူဝ်ပိူၼ်ႈ၊ မီးမွၵ်ႈ 14 လၢၼ်ႉ(ၼႂ်းပီ 2000 ၼၼ်ႉ)- ဝႃႈၼႆ။ ၵွႆးၵေႃႈ ၸၢဝ်းတႆးၸိူဝ်းၼႆႉ ၼႂ်းမၢႆမီႈပိူင်ပိုင်းၶႄႇ ဢမ်ႇမၵ်းမၼ်ႈဝႃႈ ၶဝ်ပဵၼ်ၶိူဝ်းတႆး၊ မၵ်းမၼ်ႈဝႃႈ ၶဝ်ပဵၼ်ၵူၼ်းမိူင်းၶႄႇၶိူဝ်းၼိုင်ႈ- ၼႆၵွႆးယူႇ။

= တီႈ ပပ်ႉမင်ႇၵလႃႇ ၼႃႈလိၵ်ႈ 13-17 ဢွၵ်ႇတီႈၶုၼ်းမိင် လိူၼ်ဢွၵ်ႉထူဝ်ႊပိူဝ်ႊ ပီ 2001 =