![ယွၼ်ႉမၢၵ်ႇၵိုင်ႉၵၢင်ႉတႅၵ်ႇလႄႈ ၸုမ်းသိုၵ်းမၢၼ်ႈၼႂ်းဝဵင်းယေႇဢူး လူႉတၢႆၵမ်ႈၽွင်ႈ ၼႂ်းၼၼ်ႉပႃးၽူႈမီးၸၼ်ႉၵေႃႉၼိုင်ႈ ယွၼ်ႉမၢၵ်ႇၵိုင်ႉၵၢင်ႉတႅၵ်ႇလႄႈ ၸုမ်းသိုၵ်းမၢၼ်ႈၼႂ်းဝဵင်းယေႇဢူး လူႉတၢႆၵမ်ႈၽွင်ႈ ၼႂ်းၼၼ်ႉပႃးၽူႈမီးၸၼ်ႉၵေႃႉၼိုင်ႈ](https://i0.wp.com/taifreedom.com/wp-content/uploads/2022/07/4fdb3b52-e400-4c70-aa62-ce166b444a2d.jpeg?fit=620%2C465&ssl=1)
မိူဝ်ႈဝၼ်းထီႉ 4 July 2022 (လိူၼ်ပႅတ်ႇမႂ်ႇ 7 ၶမ်ႈ ပီႊတႆး 2116 ၼီႈ) ယၢမ်းၵၢင်ၼႂ် 07:40 မူင်း ၸုမ်းသိုၵ်းမၢၼ်ႈ ပူတ်းမၢၵ်ႇဢၼ်ႁၢင်ႈၵၢင်ဝႆႉ တီႈႁိမ်းႁူင်းႁဵၼ်း ၸၼ်ႉသုင် ဢထၵ (1) ယဝ်ႉ ၽွင်းပွၵ်ႈၵႂႃႇ ထိုင်တီႈငဝ်ႈတပ်ႉ ဢၼ်ပၵ်ႉသဝ်းဝႆႉ တီႈႁူင်းယႃတႅင်းယိၼ်း ဝဵင်းယေႇဢူး တိူင်းၸႄႈၵႅင်း ၼၼ်ႉ မၢၵ်ႇသမ်ႉၵိုင်ႉၵၢင်ႉတႅၵ်ႇသေ ၽူႈမီးၸၼ်ႉ ၸၼ်ႉၶုၼ်သိုၵ်း လႄႈ သိုၵ်းႁၢၼ် လူႉတၢႆ ႁူမ်ႈမွၵ်ႈ 7 ၵေႃႉၼႆႉဝႃႈၼႆ။
ၵူၼ်းမိူင်းၵေႃႉၼိုင်ႈလၢတ်ႈဝႃႈ “မိူဝ်ႈၶၢဝ်းယၢမ်း ၵၢင်ၼႂ် 07:00 မူင်းၼႆႉတႄႉ ၶဝ်ဢဝ်ၵွင်ႈယိုဝ်းမၢၵ်ႇဢၼ်ႁၢင်ႈၵၢင်ဝႆႉၼၼ်ႉ ႁႂ်ႈတႅၵ်ႇသေတႃႉ မၢၵ်ႇသမ်ႉဢမ်ႇတႅၵ်ႇ ဝၢႆးၼၼ်ႉ ၸိူဝ်းၶဝ်ၵႂႃႇပူတ်းမၢၵ်ႇတႅၵ်ႇမႃးၶႃႈဢေႃႈ။ ၽွင်းမႃးၽႅဝ်တီႈငဝ်ႈတပ်ႉ ဢၼ်ပၵ်းသဝ်းဝႆႉတီႈႁူင်းယႃတႅင်းယိၼ်းၼၼ်ႉသေ ၽွင်းဝႅင်းၵၼ်တူၺ်းယူႇၼၼ်ႉ မၢၵ်ႇသမ်ႉၵိုင်ႉၵၢင်ႉတႅၵ်ႇသေ ပႃးၽူႈမီးၸၼ်ႉ တင်းသိုၵ်းႁၢၼ်ၶဝ် လူတၢႆမွၵ်ႈ 7 ၵေႃႉၼႆၶႃႈ၊ လိူဝ်ၼၼ်ႉ ၸုမ်းပိဝ်ႇၸေႃးထီး ဢၼ်လႅၼ်ႈပၢႆႈ 15 ၵေႃႉ မိူဝ်ႈၽွင်းမၢၵ်ႇတႅၵ်ႇၼၼ်ႉၵေႃႈ ၸုမ်းသိုၵ်းမၢၼ်ႈ ဢဝ်ၵွင်ႈယိုဝ်းၸွမ်းလင်လႄႈ လူႉတၢႆထႅင်ႈ 5 ၵေႃႉဢေႃႈ” လၢတ်ႈၼႄၼင်ႇၼႆ။
တႆးလွတ်ႈလႅဝ်း