ရၢတ်ႉသျႃးယိုဝ်းမၢၵ်ႇလူင်ၸပ်းႁိူၼ်းၵူၼ်းမိူင်းယူႇၶရဵၼ်းလႄႈ မီးၵူၼ်းမိူင်း တၢႆ 10 ပၢႆ

မိူဝ်ႈဝၼ်းထီႉ 9 July 2022 ယၢမ်းၵၢင်ၶမ်ႈၼၼ်ႉ မၢၵ်ႇလူင်ၶွင်တပ်ႉသိုၵ်းရၢတ်ႉသျႃး ဢမ်ႇႁူႉသႅၼ်း ၵႂႃႇတိူဝ်ႉၸပ်းၺႃးႁိူၼ်း 5 ၸၼ်ႉသေ ႁိူၼ်းလႆႈၵူတ်ႇပင်း ၵႂႃႇၽၢၵ်ႇၼိုင်ႈလႄႈ ၼႂ်းၼၼ်ႉ ၵူၼ်းမိူင်းလႆႈတၢႆ 15 ၵေႃႉ၊ လၢမ်းၶၢတ်ႈဝႃႈ ၵူၼ်းမိူင်းထႅင်ႈ 20 ၵေႃႉ ၶမ်ဝႆႉယူႇတီႈတႂ်ႈႁိူၼ်းဢၼ်ၵူတ်ႇပင်းၼၼ်ႉ လႄႈ တၢင်းၽၢႆႇၽူႈမီးပုၼ်ႈၽွၼ်း ၼႂ်းမိူင်းယူႇၶရဵၼ်း လႆႈဢွၼ်ၵၼ်ၼႅတ်ႈႁႃ ၸွႆႈထႅမ်ၵူၼ်းမိူင်းၶဝ် ဝႃႈၼႆ။

ဝဵင်း Chasiv yar ၼႆႉ မီးၸမ်ဝဵင်း Donetsk လႄႈ Kramatorsk သေ တပ်ႉသိုၵ်းရၢတ်ႉသျႃး လႆႈဝႆႉဝဵင်းၸိူဝ်းၼႆႉ ပဵၼ်ပဝ်ႉမၢႆယႂ်ႇဢၼ်ၼိုင်ႈလႄႈ ႁႅၼ်းသိုၵ်းလေႃႇတိုၵ်း ယူႇၶရဵၼ်းႁၢဝ်ႈႁႅင်းဝႆႉ ၼႆယဝ်ႉ။

ၽွင်းလူင်ၽၢႆႇၵႅတ်ႇၶႄမိူင်းရၢတ်ႉသျႃး လၢတ်ႈဝႃႈ − တပ်ႉသိုၵ်းရၢတ်ႉသျႃး လႆႈယႃႉလူႉလႅဝ်ပႅတ်ႈ ဢွင်ႈတီႈၵဵပ်းၵွင်ႈလူင် M777 (ဢၼ်ပဵၼ်ၶိူင်ႈယိပ်း ဢမေႇရိၵၢၼ်ႇ) ဢၼ်မီးဝႆႉတီႈၼႂ်းဝဵင်း Chasiv yar တီႈၼိုင်ႈ − ဝႃႈၼႆ။

ၼႂ်းဝူင်ႈဝၢင်ႈၼႆႉ တပ်ႉသိုၵ်းရၢတ်ႉသျႃး ၵႆႉယိုဝ်းမၢၵ်ႇလူင်ၵႂႃႇၸူးဢွင်ႈတီႈ ဢၼ်ၵူၼ်းမိူင်း ယူႇၶွၼ်ႈတုမ်ၵၼ်ၼၼ်ႉ လႄႈ ၸၢၵ်ႇမၢၵ်ႇတႅၵ်ႇတိူဝ်ႉၸပ်းၺႃး ၵူၼ်းမိူင်းယူႇၶရဵၼ်း တၢႆတင်းၼမ်ၼႆယဝ်ႉ။

တႆးလွတ်ႈလႅဝ်း

ၶေႃႈမုၼ်းတီႈ − BBC, Reuters