သင်ႇၶႃႇလႄႈၵူၼ်းမိူင်း ႁူမ်ႈၵၼ်ၸွႆႈထႅမ်ၵေႃႉသိုၵ်းၵေႃႉႁၢၼ် RCSS/SSA ၼႂ်းၼႃႈသိုၵ်း

ၼင်ႇႁိုဝ်ပေႃးတေပဵၼ်ႁႅင်းၸႂ်လႄႈလွင်ႈၵမ်ႉၸွႆႈ ပုၼ်ႈတႃႇၵေႃႉသိုၵ်းၵေႃႉႁၢၼ် ၸိူဝ်းတူင်ႉၼိုင်ယူႇၼႃႈသိုၵ်းၼႆသေ သင်ႇၶႃႇၸဝ်ႈ လႄႈၵူၼ်းမိူင်း ႁူမ်ႈငိုၼ်းတွင်းၵၼ်သေ ၸွႆႈထႅမ်ပၼ်သွၵ်းတိၼ် ၼပ်ႉႁူဝ်ပၢၵ်ႇၵူႈလႄႈ ၽႃႈယၢင်လၢႆလၢႆၵဵၼ် ၼႆယဝ်ႉ။

မိူဝ်ႈၼႂ်းဝၼ်းထီႉ 01 August 2024 မီးၸဝ်ႈတႃႇၼ ဢၼ်ပဵၼ်သင်ႇၶႃႇၸဝ်ႈလႄႈ ၵူၼ်းမိူင်းၵႆ ၸိူဝ်းဢမ်ႇၶႂ်ႈဢွၵ်ႇၸိုဝ်ႈၼၼ်ႉ ႁူမ်ႈၵၼ်ၸွႆႈထႅမ်ငိုၼ်းတွင်း 4,557,500 ပျႃး (သီႇသိပ်းႁႃႈသႅၼ်ႁႃႈမိုၼ်ႇၸဵတ်းႁဵင်ႁႃႈပၢၵ်ႇပျႃးတဵမ်တဵမ်) လႆႈဢဝ်သိုဝ်ႉသွၵ်းတိၼ် 193 ၵူႈလႄႈ ၽႃႈယၢင် 15 ၵဵၼ် ဢၼ်တူၵ်းမႅၼ်ႈငိုၼ်းတၢင်းမူတ်း 4,268,500 ပျႃး (သီႇသိပ်းသွင်သႅၼ် ႁူၵ်းမိုၼ်ႇပႅတ်ႇႁဵင်ႁႃႈပၢၵ်ႇပျႃးတဵမ်တဵမ်) ငိုၼ်းလိူဝ်ၵိုတ်းဝႆႉ 289,000 ပျႃး (သွင်သႅၼ်ပႅတ်ႇမိုၼ်ႇၵဝ်ႈႁဵင်ပျႃးတဵမ်တဵမ်) ၼႆယဝ်ႉ။

ၸွမ်းၼင်ႇဢၼ်သင်ႇၶႃႇၸဝ်ႈလႄႈ ပေႃႈမႄႈၵူၼ်းမိူင်း ၽူႈမီးၼမ်ႉၸႂ်လီၶဝ်ၵူႈၸဝ်ႈၸဝ်ႈ ၸွႆႈထႅမ်ပၼ်ၵေႃႉသိုၵ်းၵေႃႉႁၢၼ်ၶဝ်ၼၼ်ႉ ယူႇတီႈၽူႈမီးပုၼ်ႈၽွၼ်း RCSS/SSA လႄႈ ၵေႃႉသိုၵ်းၵေႃႉႁၢၼ်ၶဝ်တၢင်းသဵင်ႈၵေႃႈ ယိၼ်းၸူမ်းၶွပ်ႈၸႂ်ဢမ်ႇသုတ်းဢမ်ႇသဵင်ႈ ၼႆယဝ်ႉ။

တႆးလွတ်ႈလႅဝ်း