သင်ႇၶႃႇၸဝ်ႈ လႄႈ ၵူၼ်းမိူင်း ၸွႆႈထႅမ်ၵေႃႉသိုၵ်းၵေႃႉႁၢၼ် RCSS/SSA

ၼင်ႇႁိုဝ်ပေႃးတေပဵၼ်ႁႅင်းၸႂ် လႄႈ လွင်ႈၵမ်ႉၸွႆႈၽၢႆႇၼိုင်ႈတၢင်းၼိုင်ႈၼႆသေ သင်ႇၶႃႇၸဝ်ႈ လႄႈ ၵူၼ်းမိူင်း ၸိူဝ်းယူႇၼႂ်းမိူင်း/ၼွၵ်ႈမိူင်း ႁူမ်ႈၵၼ်ၸွႆႈထႅမ် ၶူဝ်းၶွင်ၸႂ်ႉတိုဝ်း ဢၼ်ၵိုင်ႇၶၼ်ငိုၼ်း 4,130,000 ပျႃး ၼႆယဝ်ႉ။

မိူဝ်ႈဝႃးဝၼ်းထီႉ 8 August 2024 (လိူၼ်ၵဝ်ႈမႂ်ႇ 4 ၶမ်ႈ ပီႊတႆး 2118 ၼီႈ) ယူႇတီႈၽူႈမီးၼမ်ႉၸႂ်လီ ဢၼ်ပဵၼ်သင်ႇၶႃႇၸဝ်ႈ လႄႈပေႃႈမႄႈၵူၼ်းမိူင်း ၵမ်ႉၸွႆႈထႅမ် ၶူဝ်းၶွင်ၸႂ်ႉတိုဝ်း မိူၼ်ၼင်ႇ 1. သွၵ်းတိၼ် 154 ၵူႈ တူၵ်းမႅၼ်ႈသၢင်ႉငိုၼ်း 2,926,000 ပျႃး၊ 2. ၽႃႈယၢင် 12 ၵဵၼ် တူၵ်ႈမႅၼ်ႈသၢင်ႉငိုၼ်း 624,000 ပျႃး၊ 3. မူင်တိၼ် 12 ထူင် တူၵ်းမႅၼ်ႈသၢင်ႉငိုၼ်း 150,000 ပျႃး၊ 4. သႅင်လႅတ်ႇ (သူဝ်ႇလႃႇ) 2 ၶိူင်ႈ တူၵ်းမႅၼ်ႈသၢင်ႉငိုၼ်း 430,000 ပျႃး ၸိူဝ်းၼႆသေ ႁူမ်သၢင်ႉငိုၼ်းတင်းမူတ်း 4,130,000 ပျႃး (သီႇသိပ်းဢဵတ်းသႅၼ်သၢမ်မိုၼ်ႇပျႃး) သေ ၸွႆႈထႅမ်ပၼ် ၵေႃႉသိုၵ်းၵေႃႉႁၢၼ် တပ်ႉသိုၵ်းၸိုင်ႈတႆး RCSS/SSA ၼႂ်းပိုၼ်ႉတီႈၵႂႃႇယူႇ  ၼႆယဝ်ႉ။

ယူႇတီႈၽူႈမီးပုၼ်ႈၽွၼ်းၼႂ်းမုၵ်ႉၸုမ်း RCSS/SSA လႄႈ ၵေႃႉသိုၵ်းၵေႃႉႁၢၼ် တင်းသဵင်ႈၵေႃႈ ပဵၼ်ဢၼ်ၶွပ်ႈၸႂ်ထိုင် ၸဝ်ႈၸေႇတၼႃႇ ၽူႈမီးၼမ်ႉၸႂ်ႁဝ်းၶဝ် ၵူႈၵေႃႉၵူႈၸဝ်ႈ ဢမ်ႇသုတ်းဢမ်ႇသဵင်ႈ ၼႆယဝ်ႉ။

တႆးလွတ်ႈလႅဝ်း