သိုၵ်းထႆး တိုၵ်းယိုဝ်းၵူၼ်းတေႃႉယႃႈတၢႆ 3 ၵေႃႉ တီႉလႆႈယႃႈတင်းၼမ်

ယုမ်ႉၶိူဝ်း − 30 July 2026

မိူဝ်ႈဝၼ်းထီႉ 29 July 2026 (တု−လိူၼ်ပႅတ်ႇမူၼ်း ပီႊတႆး 2120 ၼီႈ) သိုၵ်းထႆး ဢၼ်ဢွၵ်ႇလႅပ်ႈယၢမ်းၸွမ်းလႅၼ်လိၼ် တႆး−ထႆး ၼႂ်းပိုၼ်ႉတီႈ ဝၢၼ်ႈပူင်ႇႁႆး ပွၵ်ႉ 21 ဢိူင်ႇမႄႈသလွင်းၼႂ်း ၸႄႈဝဵင်းမႄႈၾႃႉလူင် ၸႄႈတွၼ်ႈၵဵင်းႁၢႆးၼၼ်ႉ လႆႈပိုတ်း ယိုဝ်းၵၼ်တင်း ၵူၼ်းတေႃႉသူင်ႇယႃႈမဝ်းၵမ်ၶၢမ်ႈလႅၼ်လိၼ် မွၵ်ႈ 5 မိၼိတ်ႉ ၼႆယဝ်ႉ။

ဝၢႆးသေသဵင်ၵွင်ႈယဵၼ်ယဝ်ႉၼၼ်ႉ ၽၢႆႇတၢင်းသိုၵ်းထႆး ၶဝ်ႈၵူတ်ႇထတ်းၼႂ်းပိုၼ်ႉ ဢၼ်မီးလွင်ႈပိုတ်းယိုဝ်းၵၼ်ၼၼ်ႉသေ ထူပ်းႁၼ်ၶၢပ်ႈတူဝ်တၢႆၵူၼ်းတေႃႉသူင်ႇ ယႃႈမဝ်းၵမ် ၼွၼ်းတၢႆယူႇ 3 ၵေႃႉ သေဢမ်ႇၵႃး ၵူတ်ႇထတ်းတီႉၺွပ်းလႆႈပႃးယႃႈမ ႁူမ်ႈတင်းမူတ်းမွၵ်ႈ 390,000 မဵတ်ႉ ဝႃႈၼႆ။

ၸွမ်းလႅၼ်လိၼ် တႆး−ထႆး ၼၼ်ႉ ၽၢႆႇတၢင်းသိုၵ်းထႆးၶဝ် တေသိုပ်ႇတိူဝ်းၵူတ်ႇထတ်း ဢွၵ်ႇလဵပ်ႈယၢမ်း တႃႇၵႅတ်ႇႁႄႉယႃႈမဝ်းၵမ်ၶဝ်ႈမိူင်းထႆးၵႂႃႇထႅင်ႈ ၼႆယဝ်ႉ။

တႆးလွတ်ႈလႅဝ်း