သိုၵ်းမၢၼ်ႈ တဵၵ်းၶၢၼ်းၵူၼ်းမိူင်းႁဵတ်းတပ်ႉ

သိုၵ်းမၢၼ်ႈ ဢၼ်ၵႂႃႇမီးတီႈ ၵျွင်းၼမ်ႉမူဝ် ဢိူင်ႇၼွင်ႁီး ၸႄႈဝဵင်းၼမ်ႉၸၢင်ၼၼ်ႉ ဢထမ်ႇမ တဵၵ်းၶၢၼ်းႁွင်ႉ ၵူၼ်းဝၢၼ်ႈၵူၼ်းမိူင်း ႁႂ်ႈၵႂႃႇႁဵတ်းတပ်ႉပၼ်ၶဝ် ဝႃႈၼႆ။

မိူဝ်ႈဝၼ်းထီႉ 30 March 2022 (လိူၼ်းသီႇလွင်ႈ 14 ၶမ်ႈ ပီႊတႆး 2116 ၼီႈ) ယၢမ်း 18:00 ၼၼ်ႉ သိုၵ်းမၢၼ်ႈ ႁႅင်းသိုၵ်းမွၵ်ႈ 30 ပၢႆ ဢၼ်ၵႂႃႇၼွၼ်းတီႈ ၵျွင်းၼမ်ႉမူဝ် ဢိူင်ႇၼွင်ႁီး ၸႄႈဝဵင်းၼမ်ႉၸၢင်ၼၼ်ႉ တဵၵ်းၶၢၼ်းၵူၼ်းဝၢၼ်ႈၼမ်ႉမူဝ် ႁူဝ်ႁိူၼ်းၸႅၼ်ႇ ၼိုင်ႈႁိူၼ်းၼိုင်ႈၵေႃႉ ႁူမ်ႈၵူၼ်းဝၢၼ်ႈ 64 ၵေႃႉ ႁႂ်ႈၵႂႃႇႁဵတ်းတပ်ႉပၼ် ၶဝ်တီႈ ၽၢႆႇတူၵ်းဝၢၼ်ႈၵုင်းတီႈ ၸႄႈဝဵင်းၼမ်ႉၸၢင် ဝႃႈၼႆ။

တီႈဢၼ်သိုၵ်းမၢၼ်ႈ တဵၵ်းၶၢၼ်းႁွင်ႉၵူၼ်းဝၢၼ်ႈ ၵႂႃႇႁဵတ်းတပ်ႉပၼ်ၶဝ်ၼၼ်ႉ ပဵၼ်ၼႂ်းသူၼ်ၶွင် လုင်းသႃႇ ဝႃႈၼႆ။

မိူၼ်ၼင်ႇၼၼ် ၼႂ်းဝၼ်းလဵဝ်ၵၼ်ၵူၺ်းၼင်ႇၵဝ်ႇ သိုၵ်းမၢၼ်ႈ ႁႅင်းသိုၵ်းမွၵ်ႈ 30 ပၢႆ ဢၼ်ၵႂႃႇမီးတီႈ ၵုင်းလိၼ်လႅင် ႁိမ်းဝၢၼ်ႈႁၢႆးသႅင် ဢိူင်ႇႁၢႆးသႅင် ၸႄႈဝဵင်းလၢႆးၶႃႈၼၼ်ႉၵေႃႈ ဢွၼ်ၵၼ်ၶုတ်းပၵ်း ႁဵတ်းတပ်ႉၶဝ်ထႅင်ႈ မိူၼ်ၵၼ် ဝႃႈၼႆ။

တႆးလွတ်ႈလႅဝ်း