သေႇလႅၼ်ႇသၵီႇ လၢတ်ႈ ၶိူင်ႈယိပ်းၶိုတ်းၵၢပ်ႈၶိုတ်းပၢၼ်ၵူၺ်း တေႁပ်ႉတိုၵ်းရၢတ်ႉသျႃးလႆႈ

ဝၢႆးလင်ရၢတ်ႉသျႃး ၶဝ်ႈတိုၵ်းယူႇၶရဵၼ်းမႃးႁၢဝ်ႈႁႅင်းထႅင်ႈၼႆႉ  ၸွမ်ၸိုင်ႈယူႇၶရဵၼ်း သေႇလႅၼ်ႇသၵီႇ လၢတ်ႈဝႃႈ ၶိူင်ႈယိပ်း တႃႇႁပ်ႉတိုၵ်းရၢတ်ႉသျႃးလႆႈၼၼ်ႉ တေလႆႈပဵၼ်ၶိူင်ႈယိပ်းဢၼ်ၶိုတ်းၵၢပ်ႈ ႁႅင်းသုင်ၼၼ်ႉၵူၺ်းလႄႈ ယင်းလႆႈမွၵ်ႇလၢတ်ႈ ယိၼ်းၸူမ်းၶွပ်ႈၸႂ်ပႃး လွင်ႈဢမေႇရိၵၢၼ်ႇလႆႈႁႃၶိူင်ႈယိပ်းတိုဝ်းၼႂ်းၵၢၼ်သိုၵ်း ပၼ်ယူႇၶရဵၼ်း ႁူမ်ႈသၢင်ႉငိုၼ်း 400 လၢၼ်ႉတေႃႇလႃႇဢမေႇရိၵၢၼ်ႇ လႄႈဢမေႇရိၵၢၼ်ႇလႆႈ တိူဝ်းၸွႆႈထႅမ်ပၼ်ပႃး ၶိူင်ႈယိပ်း သႅၼ်း HlMARS  ထႅင်ႈတင်းၼမ်ဝႃႈၼႆ။

သေႇလႅၼ်ႇသၵီႇ သိုပ်ႇလၢတ်ႈဝႃႈ ဢၼ်လႆႈ ၶိူင်ႈယိပ်း HlMARS လႄႈၶိူင်ႈယိပ်းၶိုတ်းၵၢပ်ႈလၢႆလၢႆသႅၼ်းၶဝ်ႈၼႂ်းတပ်ႉသိုၵ်းၼႆႉ ႁဵတ်းႁႂ်ႈတပ်ႉသိုၵ်း ယူႇၶရဵၼ်း ၵႅတ်ႇၶႄတူဝ်ၵဝ်ႇလႆႈလီ လႄႈႁပ်ႉတိုၵ်းရၢတ်ႉသျႃးလႆႈပႃး ဝႃႈၼႆ။

ၽူႈၵွၼ်းၸႄႈဝဵင်း Kharkiv လၢတ်ႈဝႃႈ ယူႇၶရဵၼ်းႁပ်ႉတိုၵ်းရၢတ်ႉသျႃးလႆႈ ၼႂ်းလၢႆလၢႆၽၢႆႇ ၵူၺ်းရၢတ်ႉသျႃး ယိုဝ်းမၢၵ်ႇမိတ်ႉသႆး သႂ်ႇၼႂ်းဝဵင်းလႄႈ ႁဵတ်းႁႂ်ႈၵူၼ်းမိူင်း မၢတ်ႇၸဵပ်း 3 ၵေႃႉ ဝႃႈၼႆ။

တႆးလွတ်ႈလႅဝ်း