ဢီႇတလီႇ ထူပ်းၽေးသၽႃႇဝၾႃႉလႅင်ႉ  မႄႈၼမ်ႉယၢဝ်းသုတ်းၼႂ်းမိူင်း ႁႅင်ႈလိူဝ်သၢႆးၵူၺ်း

မိူဝ်ႈဝၼ်းထီႉ 22 June 2022 (လိူၼ်ၸဵတ်းလွင်ႈ 9 ၶမ်ႈ ပီႊတႆး 2116 ၼီႈ) ဢီႇတလီႇ လႆႈသူင်ႇတရူၼ်း မိၼ်ၼိူဝ်မႄႈၼမ်ႉပူဝ်း(Po River) ဢၼ်ယၢဝ်းသုတ်း ၼႂ်းမိူင်းဢီႇတလီႇလႄႈ လႆႈႁၼ်ပိုၼ်ႉသၢႆးၵႂၢင်ႈယႂ်ႇ ဢၼ်ယၢမ်ႈမီးၼမ်ႉပဵၼ်ပိုၼ်ႉၼၼ်ႉဝႃႈၼႆ။

မႄႈၼမ်ႉသၢႆၼႆႉထူပ်းပၼ်ႁႃဢၼ်ႁၢႆႉႁႅင်းလိူဝ်ပိူၼ်ႈ တႄႇၸဵမ်မိူဝ်ႈ  70 ပီႊ ပူၼ်ႉမႃးၼၼ်ႉသေ ႁဵတ်းႁႂ်ႈႁႅင်ႈသမ်ႉပေႃးႁၼ်သၢႆးလႄႈ မီးပၼ်ႁႃတႃႇၽၢႆႇၸတ်းၵၢၼ်ၼမ်ႉမႃးယဝ်ႉ ပၼ်လွင်ႈမႆႈၸႂ်တေႃႇ လွင်ႈယူႇသၢင်ႈၵိၼ်သဝ်းၵူၼ်းမိူင်းၼႂ်းပိုၼ်ႉတီႈမႃးယူႇ။

မႄႈၼမ်ႉပူဝ်း(Po River) ၼႆႉ မီးတၢင်းယၢဝ်းယူႇ 652 ၵီႇလူဝ်ႇမီႇတိူဝ်ႇ လတ်းၽၢၼ်ႇလွႆပူဝ်း(Po) ၵႂႃႇပွတ်းတူၵ်း လႄႈပဵၼ်မႄႈၼမ်ႉဢၼ်ယၢဝ်းလိူဝ်ပိူၼ်ႈ ၼႂ်းမိူင်းဢီႇတလီႇယဝ်ႉ။ မႄႈၼမ်ႉထႅင်ႈလၢႆသၢႆ ဢၼ်လႆပွတ်းတွၼ်ႈၵၢင် ၼႂ်းမိူင်းၼၼ်ႉ ၼမ်ႉၵေႃႈဢေႇယွမ်းလူင်းလိူဝ်သေၵဝ်ႇ မိူဝ်ႈတႅၵ်ႈၵၼ်တင်းၶၢဝ်းၼႆႉ ၵူႈပီႊပူၼ်ႉမႃး။ ၽူႈမီးပုၼ်ႈၽွၼ်းၶဝ်ၵေႃႈ လၢတ်ႈဝႃႈ ငဝ်းလၢႆးဢၼ်လႆႈၵိူတ်ႇၶိုၼ်ႈ ပဵၼ်မႃးၼႆႉ ပဵၼ်ယွၼ်ႉၽွၼ်းတုမ်ႉယွၼ်ႈ လွင်ႈၾိင်ႈၾႃႉလႅၵ်ႈလၢႆႈၼႂ်းသမုတ်ႉတြႃႇ ၼႆၼၼ်ႉယဝ်ႉ။

လၢႆလၢႆပိုၼ်ႉတီႈ ၼႂ်းယူးရူပ်ႇပွတ်းဝၼ်းတူၵ်းၼၼ်ႉ ထူပ်းပၼ်ႁႃႁႅင်းမႆႈၶိုၼ်ႈသုင် ၼႂ်းၶၢဝ်းတၢင်းလၢႆဝူင်ႈပူၼ်ႉမႃးၼၼ်ႉလႄႈ လၢမ်းၶၢတ်ႈဝႃႈ ပဵၼ်ယွၼ်ႉၾိင်ႈၾႃႉလႅၵ်ႈလၢႆႈ ၼႆၼၼ်ႉယဝ်ႉ။

တႆးလွတ်ႈလႅဝ်း